ಲಂಡನ್:ಬಾಲ್ ಟ್ಯಾಂಪರಿಂಗ್ ಮಾಡುವ ವಿಚಾರ ತಂಡದ ಬೌಲರ್ಗಳಿಗೆ ಮೊದಲೇ ಅರಿವಿತ್ತು ಎಂದು ಕ್ಯಾಮರೂನ್ ಬ್ಯಾನ್ಕ್ರಾಫ್ಟ್ ಹೇಳಿಕೆ ನೀಡಿದ ಬೆನ್ನಲ್ಲೇ ಪ್ರಕರಣದ ಮರು ತನಿಖೆಗೆ ಆದೇಶಿಸಿರುವುದಾಗಿ ಕ್ರಿಕೆಟ್ ಆಸ್ಟ್ರೇಲಿಯಾ ತಿಳಿಸಿದೆ.
2018ರಲ್ಲಿ ದಕ್ಷಿಣ ಆಫ್ರಿಕಾ ವಿರುದ್ಧ ಸ್ಯಾಂಡ್ ಪೇಪರ್ ಬಳಸಿ ಬಾಲ್ ಟ್ಯಾಂಪರಿಂಗ್ ಮಾಡಿದ ಪ್ರಕರಣದಲ್ಲಿ ಭಾಗಿಯಾಗಿ ಸ್ಮಿತ್ ಮತ್ತು ವಾರ್ನರ್ ಜೊತೆ ನಿಷೇದಕ್ಕೊಳಗಾಗಿದ್ದ ಕ್ಯಾಮರೂನ್ ಬ್ಯಾನ್ಕ್ರಾಫ್ಟ್ ಶನಿವಾರ ಸ್ಫೋಟಕ ಹೇಳಿಕೆ ನೀಡಿದ್ದರು.
ಬಾಲ್ ಟ್ಯಾಂಪರಿಂಗ್ ಮಾಡುವ ವಿಚಾರ ನಮ್ಮ ಬೌಲರ್ಗಳಿಗೆ ಮೊದಲೇ ತಿಳಿದಿರಬಹುದು ಎಂದು ಹೇಳುವ ಮೂಲಕ ಕ್ರಿಕೆಟ್ ಜಗತ್ತಿಗೆ ಶಾಕ್ ನೀಡಿದ್ದರು.
"ನೋಡಿ ಅಂದು ನಾನು ಏnu ಮಾಡೊದ್ನೋ ಅಕ್ಕೆ ನಾನೇ ಜವಾಬ್ದಾರಿ ಮತ್ತು ಅದಕ್ಕೆ ನಾನೇ ಹೊಣೆ. ಆದರೆ, ಖಂಡಿತವಾಗಿ ನಾನೇನು ಮಾಡಿದ್ದೆನೋ ಅದರ ಲಾಭ ಬೌಲರ್ಗಳಿಗೆ. ಹೀಗಾಗಿ, ನಾವು ಬಾಲ್ ಟ್ಯಾಂಪರಿಂಗ್ ಮಾಡುವ ಬಗ್ಗೆ ಬಹುಶಃ ಕೆಲವು ಬೌಲರ್ಗಳಿಗೆ ತಿಳಿದಿರಬಹುದಿತ್ತೇನೊ. ಹೀಗಾಗಿ, ಅವರು ತಾವೇ ಮುಂದೆ ಬಂದು ವಿವರಿಸಬಹುದು ಎಂದು ಆಂಗ್ಲ ಪತ್ರಿಕೆಗೆ ನೀಡಿದ ಸಂದರ್ಶನದಲ್ಲಿ ತಿಳಿಸಿದ್ದರು.
ಬ್ಯಾನ್ ಕ್ರಾಫ್ಟ್ ಈ ಹೇಳಿಕೆ ನೀಡುತ್ತಿದ್ದಂತೆ ಕ್ರಿಕೆಟ್ ಆಸ್ಟ್ರೇಲಿಯಾ ಗಂಭೀರವಾಗಿ ತೆಗೆದುಕೊಂಡಿದ್ದು, 2018ರ ಬಾಲ್ ಟ್ಯಾಂಪರಿಂಗ್ ಪ್ರಕರಣಕ್ಕೆ ಸಂಬಂಧಿಸಿದ ಬಗ್ಗೆ ಯಾವುದೇ ಮಾಹಿತಿಯಿದ್ದರು ಮುಂದೆ ಬಂದು ಪ್ರಸ್ತುತಿಪಡಿಸಬಹುದು ಎಂದು ಸಿಎ ವಕ್ತಾರರೊಬ್ಬರು ತಿಳಿಸಿದ್ದಾರೆ.
ಈ ಪ್ರಕರಣಕ್ಕೆ ಸಂಬಂಧಿಸಿದಂತೆ ನಾಯಕ ಸ್ಟೀವ್ ಸ್ಮಿತ್ ಮತ್ತು ಉಪನಾಯಕ ಡೇವಿಡ್ ವಾರ್ನರ್ಗೆ ಒಂದು ವರ್ಷ ನಿಷೇಧದ ಶಿಕ್ಷೆ, ಹಾಗೂ ಬ್ಯಾನ್ಕ್ರಾಫ್ಟ್ಗೆ 9 ನಿಷೇಧವೇರಲಾಗಿತ್ತು. ಇದೀಗ ಬ್ಯಾನ್ಕ್ರಾಫ್ಟ್ ಹೇಳಿಕೆಯಿಂದ ಪ್ರಕರಣ ಮತ್ತೆ ಕೂತೂಹಲ ಮೂಡಿಸಿದ್ದು, ಅವರ ಹೇಳಿಕೆ ನಿಜವಾದರೆ ಬೌಲರ್ಗಳಾದ ಹೇಜಲ್ವುಡ್, ಸ್ಟಾರ್ಕ್ ಮತ್ತು ಕಮ್ಮಿನ್ಸ್ ಮೇಲೆ ಶಿಸ್ತುಕ್ರಮ ಜರುಗಿಸುವ ಸಾಧ್ಯತೆ ಇದೆ.
ಇದನ್ನು ಓದಿ: ದೇಶ ಇಂತಹ ಸ್ಥಿತಿ ತಲುಪಿರುವುದಕ್ಕೆ ನಿಮ್ಮಂತಹ ಜನರೇ ಕಾರಣ : ಹನುಮ ವಿಹಾರಿ ಕಿಡಿ
