ಮುಂಬೈ (ಮಹಾರಾಷ್ಟ್ರ):1983ರ ವಿಶ್ವಕಪ್ ವಿಜೇತ ಕ್ರಿಕೆಟ್ ತಂಡದ ಆಟಗಾರ ಸಂದೀಪ್ ಪಾಟೀಲ್ ಗುರುವಾರ ನಡೆದ ಮುಂಬೈ ಕ್ರಿಕೆಟ್ ಸಂಸ್ಥೆ (ಎಂಸಿಎ) ಅಧ್ಯಕ್ಷೀಯ ಚುನಾವಣೆಯಲ್ಲಿ ಸೋಲು ಕಂಡಿದ್ದಾರೆ. ಪ್ರತಿಸ್ಪರ್ಧಿ ಅಭ್ಯರ್ಥಿ ಅಮೋಲ್ ಕಾಳೆ ವಿರುದ್ಧ 25 ಮತಗಳಿಂದ ಅವರು ಸೋತಿದ್ದಾರೆ.
ಕಾಳೆ ಎಂಸಿಎ ಉಪಾಧ್ಯಕ್ಷರಾಗಿ ಸೇವೆ ಸಲ್ಲಿಸಿದ್ದರು. ಹೊಸದಾಗಿ ಆಯ್ಕೆಯಾದ ಬಿಸಿಸಿಐ ಖಜಾಂಚಿ ಮತ್ತು ಬಿಜೆಪಿ ನಾಯಕ ಆಶಿಶ್ ಶೆಲಾರ್ ಅವರು ಕಾಳೆ ಅವರಿಗೆ ಬೆಂಬಲ ನೀಡಿದ್ದರು. ಇದರಿಂದ 370 ಮತಗಳಿರುವ ಎಂಸಿಎ ಚುನಾವಣೆಯಲ್ಲಿ ಕಾಳೆ 183 ಮತಗಳನ್ನು ಪಡೆದರೆ, ಸಂದೀಪ್ ಪಾಟೀಲ್ 158 ಮತಗಳನ್ನು ಗಳಿಸಿದರು.