IND vs SA Test: ಆಪತ್ತಿನಲ್ಲಿದ್ದ ಭಾರತಕ್ಕೆ ಶತಕ ಸಿಡಿಸಿ ಆಪತ್ಬಾಂಧವನಾದ ರಿಷಬ್​ ಪಂತ್

ತಮ್ಮ ತಂಡದ ಬ್ಯಾಟರ್​ಗಳು ದಕ್ಷಿಣ ಆಫ್ರಿಕಾ ವೇಗಿಗಳ ದಾಳಿಗೆ ತತ್ತರಿಸಿ ವಿಕೆಟ್​ ಒಪ್ಪಿಸುತ್ತಿದ್ದರೆ, ಇನ್ನೊಂದೆಡೆ, ರೋಷಾವೇಶದಿಂದ ಬ್ಯಾಟ್ ಬೀಸಿದ ರಿಷಭ್ ಪಂತ್ 133 ಎಸೆತಗಳಲ್ಲಿ 6 ಬೌಂಡರಿ ಮತ್ತು 4 ಭರ್ಜರಿ ಸಿಕ್ಸರ್‌ಗಳ ನೆರವಿನಿಂದ ವೃತ್ತಿಜೀವನದ 4ನೇ ಶತಕ ಸಿಡಿಸಿದರು.

ಕೇಪ್​ ಟೌನ್​:ಭಾರತದ ವಿಕೆಟ್​ ಕೀಪರ್, ಬ್ಯಾಟರ್​ ರಿಷಭ್​ ಪಂತ್ ದ.ಆಫ್ರಿಕಾ ವಿರುದ್ಧದ ಸರಣಿಯನ್ನು ನಿರ್ಧರಿಸುವ ಅಂತಿಮ ಟೆಸ್ಟ್​ ಪಂದ್ಯದಲ್ಲಿ ಏಕಾಂಗಿ ಹೋರಾಟ ನಡೆಸಿದ್ದಲ್ಲದೆ, ಆಕರ್ಷಕ ಶತಕ ಸಿಡಿಸಿ ಭಾರತ ತಂಡ ಸ್ಪರ್ಧಾತ್ಮಕ ಗುರಿ ನೀಡಲು ನೆರವಾದರು.

ಭಾರತೀಯ ಬ್ಯಾಟರ್​ಗಳು ದಕ್ಷಿಣ ಆಫ್ರಿಕಾ ವೇಗಿಗಳ ದಾಳಿಗೆ ತತ್ತರಿಸಿ ವಿಕೆಟ್​ ಒಪ್ಪಿಸುತ್ತಿದ್ದರೆ, ಮತ್ತೊಂದೆಡೆ ರೋಷಾವೇಶದಿಂದ ಬ್ಯಾಟಿಂಗ್‌ ಮಾಡಿದ ಪಂತ್ 133 ಎಸೆತಗಳಲ್ಲಿ 6 ಬೌಂಡರಿ ಮತ್ತು 4 ಭರ್ಜರಿ ಸಿಕ್ಸರ್​ ನೆರವಿನಿಂದ ವೃತ್ತಿಜೀವನದ 4ನೇ ಶತಕ ಬಾರಿಸಿದರು. ಇವರು ದಾಖಲಿಸಿದ 4 ಶತಕಗಳ ಪೈಕಿ 3 ಶತಕಗಳು ಇಂಗ್ಲೆಂಡ್​, ಆಸ್ಟ್ರೇಲಿಯಾ ಮತ್ತು ದಕ್ಷಿಣ ಆಫ್ರಿಕಾ ನೆಲದಲ್ಲಿ ಬಂದಿರುವುದು ವಿಶೇಷವಾಗಿದೆ.

ಏಷ್ಯಾದಿಂದಾಚೆ ಹೆಚ್ಚು ಶತಕ ಸಿಡಿಸಿದ ವಿಕೆಟ್ ಕೀಪರ್

ಕೇಪ್​ಟೌನ್​ನಲ್ಲಿ ಮೂರಂಕಿ ದಾಟುವ ಮೂಲಕ ರಿಷಭ್ ಪಂತ್​ ಭಾರತದ ಪರ ಏಷ್ಯಾದ ಹೊರಗೆ ಗರಿಷ್ಠ ಶತಕ ಸಾಧನೆಗೈದ ಬ್ಯಾಟರ್ ಎಂಬ ತಮ್ಮದೇ ದಾಖಲೆಯನ್ನು ವಿಸ್ತರಿಸಿಕೊಂಡರು. ಅವರು ಈಗಾಗಲೇ 2018ರಲ್ಲಿ ಇಂಗ್ಲೆಂಡ್​ ವಿರುದ್ಧ ಓವೆಲ್​ನಲ್ಲಿ ಹಾಗು 2019ರಲ್ಲಿ ಆಸ್ಟ್ರೇಲಿಯಾ ವಿರುದ್ಧ ಸಿಡ್ನಿಯಲ್ಲಿ ಶತಕ ದಾಖಲಿಸಿದ್ದರು. ಅಲ್ಲದೇ, SENA ರಾಷ್ಟ್ರಗಳಲ್ಲಿ ಗರಿಷ್ಠ ಶತಕ ಸಿಡಿಸಿದ ಭಾರತದ ಏಕೈಕ ಕೀಪರ್ ಎನಿಸಿಕೊಂಡಿದ್ದಾರೆ.

ಇದನ್ನೂ ಓದಿ:ಅವರಿಬ್ಬರಿಗೋಸ್ಕರ ಇನ್ನೆಷ್ಟು ದಿನ ಯುವಕರನ್ನ ಹೊರಗಿಡ್ತೀರಾ?: ರಹಾನೆ-ಪೂಜಾರ ಆಟಕ್ಕೆ ನೆಟ್ಟಿಗರ ಅಸಮಾಧಾನ