ಇಂಗ್ಲೆಂಡ್ ವಿರುದ್ಧ ಮರುನಿಗದಿಯಾದ ಏಕೈಕ ಟೆಸ್ಟ್ ಪಂದ್ಯಕ್ಕೆ ಸಿದ್ಧತೆ ನಡೆಸುತ್ತಿರುವ ಭಾರತ ತಂಡ, ಲೈಸೆಸ್ಟರ್ಶೈರ್ ಕೌಂಟಿ ವಿರುದ್ಧ ಅಭ್ಯಾಸ ಪಂದ್ಯವನ್ನಾಡುತ್ತಿದೆ. ಇಂದು ನಡೆದ ದಿನದಾಟದಲ್ಲಿ ರೋಹಿತ್ ಶರ್ಮಾ, ರೋಮನ್ ವಾಕರ್ ಎಸೆತವನ್ನು ಪುಲ್ ಮಾಡಿದಾಗ ಆಕಾಶಕ್ಕೆ ಚಿಮ್ಮಿದ ಬಾಲ್ ಅಬಿದಿನೆ ಸಕಂಡೆ ಕೈ ಸೇರಿತು. ಈ ವೇಳೆ ರಿಷಬ್ ಪಂತ್, ಜಸ್ಪ್ರೀತ್ ಬೂಮ್ರಾ ಸಂಭ್ರಮಿಸಿದರು.
ಭಾರತ ತಂಡದ ನಾಯಕ ರೋಹಿತ್ ಶರ್ಮಾ ಔಟಾದರೆ ಪಂತ್, ಬೂಮ್ರಾ ಯಾಕೆ ಸಂಭ್ರಮಿಸಿದರು ಅಂತೀರಾ?. ಲೈಸೆಸ್ಟರ್ನ ಗ್ರೇಸ್ ರೋಡ್ ಮೈದಾನದಲ್ಲಿ ನಡೆಯುತ್ತಿರುವ ಅಭ್ಯಾಸ ಪಂದ್ಯದಲ್ಲಿ ಲೈಸೆಸ್ಟರ್ಶೈರ್ ಕೌಂಟಿ ತಂಡದಿಂದ ರಿಷಬ್ ಪಂತ್, ಚೇತೇಶ್ವರ್ ಪೂಜಾರಾ, ಜಸ್ಪ್ರೀತ್ ಬೂಮ್ರಾ, ಪ್ರಸಿದ್ಧ್ ಕೃಷ್ಣ ಕಣಕ್ಕಿಳಿದು ಅಭ್ಯಾಸ ನಡೆಸುತ್ತಿದ್ದಾರೆ.