ನವದೆಹಲಿ:ಡಿಸೆಂಬರ್ನಲ್ಲಿ ನಡೆಯುವ ಬಾಂಗ್ಲಾದೇಶ ವಿರುದ್ಧದ ಏಕದಿನ, ಟೆಸ್ಟ್ ಸರಣಿಗೆ ಪ್ರಕಟಿಸಲಾಗಿದ್ದ ಭಾರತ ತಂಡದಲ್ಲಿ ಮಹತ್ತರ ಬದಲಾವಣೆ ಮಾಡಲಾಗಿದೆ. ಗಾಯಗೊಂಡಿರುವ ತಾರಾ ಆಲ್ರೌಂಡರ್ ರವೀಂದ್ರ ಜಡೇಜಾ, ಯಶ್ ದಯಾಳ್ ಅವರನ್ನು ಕೈಬಿಡಲಾಗಿದೆ.
ಸದ್ಯ ನ್ಯೂಜಿಲ್ಯಾಂಡ್ ಪ್ರವಾಸದಲ್ಲಿರುವ ಭಾರತ ಸರಣಿ ಮುಗಿದ ಬಳಿಕ ಬಾಂಗ್ಲಾಕ್ಕೆ ಪ್ರವಾಸ ಕೈಗೊಳ್ಳಲಿದೆ. ಈ ವೇಳೆ ಮೂರು ಏಕದಿನ ಮತ್ತು 2 ಟೆಸ್ಟ್ ಪಂದ್ಯಗಳನ್ನು ಆಡಲಿದೆ. ಈ ಹಿಂದೆಯೇ ಕಿವೀಸ್ ಸರಣಿ ಜೊತೆಗೆ ಬಾಂಗ್ಲಾ ಟೂರ್ನಿಗೂ ತಂಡ ಪ್ರಕಟಿಸಲಾಗಿತ್ತು. ಕಾಲಿಗೆ ಗಾಯ ಮಾಡಿಕೊಂಡು ಶಸ್ತ್ರಚಿಕಿತ್ಸೆಗೆ ಒಳಗಾಗಿದ್ದ ರವೀಂದ್ರ ಜಡೇಜಾಗೆ ಸ್ಥಾನ ನೀಡಲಾಗಿತ್ತು.
ಆದರೆ, ಜಡೇಜಾ ಇನ್ನೂ ಚೇತರಿಸಿಕೊಳ್ಳದ ಕಾರಣ ಹೊಸದಾಗಿ ಪ್ರಕಟಿಸಲಾದ ತಂಡದಿಂದ ತಾರಾ ಆಲ್ರೌಂಡರ್ ಹೊರಬಿದ್ದಿದ್ದಾರೆ. ಇದಲ್ಲದೇ, ತಂಡದಲ್ಲಿ ಹೊಸದಾಗಿ ಸ್ಥಾನ ಗಿಟ್ಟಿಸಿಕೊಂಡಿದ್ದ ಯಶ್ ದಯಾಳ್ ಬೆನ್ನುನೋವಿಗೆ ತುತ್ತಾಗಿದ್ದು, ಅವರನ್ನೂ ಕೈಬಿಡಲಾಗಿದೆ.