10 ವಿಕೆಟ್​ ದಾಖಲೆ ವೀರ ಅಜಾಜ್ ಪಟೇಲ್​​ಗೆ​ ವಿಶೇಷ ಜರ್ಸಿ ಗಿಫ್ಟ್​ ಕೊಟ್ಟ ಅಶ್ವಿನ್

ಈ ಪಂದ್ಯದ ಬಳಿಕ ಅಜಾಜ್ ಪಟೇಲ್​ಗೆ ಅಭಿನಂದನೆ ಸಲ್ಲಿಸಿದ ಅಶ್ವಿನ್​, ಭಾರತದ ಎಲ್ಲ 15 ಆಟಗಾರರ ಆಟೋಗ್ರಾಫ್​ ಮಾಡಿರುವ ತಮ್ಮ ಟೆಸ್ಟ್​​ ಜರ್ಸಿಯನ್ನು ಉಡುಗೊರೆಯಾಗಿ ನೀಡಿದರು.​

ಮುಂಬೈ:ಭಾರತದ ವಿರುದ್ಧ ವಾಂಖೆಡೆಯಲ್ಲಿ ನಡೆದ 2ನೇ ಟೆಸ್ಟ್​ ಪಂದ್ಯದಲ್ಲಿ ನ್ಯೂಜಿಲ್ಯಾಂಡ್​ 372 ರನ್​ಗಳಿಂದ ಸೋಲು ಕಂಡರೂ, ಮೊದಲ ಇನ್ನಿಂಗ್ಸ್​ನಲ್ಲಿ ಭಾರತ ತಂಡದ ಎಲ್ಲ 10 ವಿಕೆಟ್​ ಪಡೆದ ಅಜಾಜ್ ಪಟೇಲ್​ಗೆ ಭಾರತೀಯ ಆಫ್​ ಸ್ಪಿನ್ನರ್ ರವಿಚಂದ್ರನ್ ಅಶ್ವಿನ್ ವಿಶೇಷ ಜರ್ಸಿ ಉಡುಗೊರೆಯಾಗಿ ನೀಡಲಿದ್ದಾರೆ.

ಭಾರತೀಯ ಮೂಲದ ಅಜಾಜ್​ ಪಟೇಲ್ 2ನೇ ಟೆಸ್ಟ್​ನಲ್ಲಿ 119 ರನ್​ ನೀಡಿ 10 ವಿಕೆಟ್ ಬಾಚಿಕೊಂಡಿದ್ದರು. ಈ ಮೂಲಕ ಜಿಮ್ ಲೇಕರ್ ಮತ್ತು ಭಾರತದ ಅನಿಲ್​ ಕುಂಬ್ಳೆ ಬಳಿಕ ಈ ಸಾಧನೆ ಮಾಡಿದ ವಿಶ್ವದ 3ನೇ ಬೌಲರ್ ಹಾಗೂ ವಿದೇಶಿ ಟೆಸ್ಟ್​​ನಲ್ಲಿ ಮೊದಲ ಬೌಲರ್​ ಎನಿಸಿಕೊಂಡಿದ್ದರು.

ಈ ಪಂದ್ಯದ ಬಳಿಕ ಅಜಾಜ್ ಪಟೇಲ್​ಗೆ ಅಭಿನಂದನೆ ಸಲ್ಲಿಸಿದ ಅಶ್ವಿನ್​, ಭಾರತದ ಎಲ್ಲ 15 ಆಟಗಾರರ ಆಟೋಗ್ರಾಫ್​ ಮಾಡಿರುವ ತಮ್ಮ ಟೆಸ್ಟ್​​ ಜರ್ಸಿ ಉಡುಗೊರೆಯಾಗಿ ನೀಡಿದರು.​

ವಾಂಖೆಡೆಯಲ್ಲಿ ಆಡುವುದು ನನ್ನ ಕನಸಾಗಿತ್ತು ಮತ್ತು ನನ್ನ ತವರಿನ ನೆಲದಲ್ಲಿ ಇಂತಹ ಸಾಧನೆ ಮಾಡಿರುವುದು ತುಂಬಾ ವಿಶೇಷ ಎನಿಸುತ್ತಿದೆ. ನನಗೆ ಮಾತ್ರವಲ್ಲ ನನ್ನ ಕುಟುಂಬಕ್ಕೂ ಇದು ವಿಶೇಷವಾಗಿದೆ ಎಂದು ಅಶ್ವಿನ್​ ನಡೆಸಿ ಸಂದರ್ಶನದಲ್ಲಿ ಅಜಾಜ್ ಪಟೇಲ್ ಹೇಳಿದ್ದಾರೆ.

ಇದನ್ನೂ ಓದಿ:'2 ವರ್ಷಗಳೇ ಬೇಕಾಯ್ತು'; ಭಾರತ ತಂಡದ ಕೋಚ್ ಆಗಲು ದ್ರಾವಿಡ್​ರನ್ನು ಒಪ್ಪಿಸಿದ ಬಗೆಯನ್ನು ವಿವರಿಸಿದ ದಾದಾ