ರಣಜಿ ಟ್ರೋಫಿ: ಪದಾರ್ಪಣೆ ಪಂದ್ಯದ ಮೊದಲ ಎಸೆತದಲ್ಲೇ ವಿಕೆಟ್​ ಪಡೆದ ರಾಜ್​ ಬಾವಾ

ಚಂಡೀಗಢ ತಂಡ ಪದಾರ್ಪಣೆ ಮಾಡಿದ ರಾಜ್​ ತಮ್ಮ ಮೊದಲ ಎಸೆತದಲ್ಲೇ ಹೈದರಾಬಾದ್​ ತಂಡದ ನಾಯಕ ತನ್ಮಯ್​ ಅಗರ್ವಾಲ್​(16) ವಿಕೆಟ್​ ಪಡೆದರು. ತಮ್ಮ 4ನೇ ಓವರ್​ನಲ್ಲಿ ಮತ್ತೊಬ್ಬ ಆರಂಭಿಕ ಬ್ಯಾಟರ್​ ಅಕ್ಷತ್​ ರೆಡ್ಡಿಯನ್ನು ಪೆವಿಲಿಯನ್​ಗಟ್ಟುವಲ್ಲಿಯೂ ಯಶಸ್ವಿಯೂ ಆದರು.

ಭುವನೇಶ್ವರ್: ಅಂಡರ್​ 19 ವಿಶ್ವಕಪ್​ನಲ್ಲಿ ತಮ್ಮ ಆಲ್​ರೌಂಡರ್​ ಆಟದ ಮೂಲಕ ಮನೆಮಾತಾಗಿದ್ದ ಕ್ರೀಡಾ ಕುಟುಂಬದಿಂದ ಬಂದಿರುವ ಯುವ ಆಲ್​ರೌಂಡರ್​ ರಣಜಿ ಕ್ರಿಕೆಟ್​ಗೆ ಪದಾರ್ಪಣೆ ಮಾಡಿದ ಪಂದ್ಯದಲ್ಲಿ ತಮ್ಮ ಮೊದಲ ಎಸೆತದಲ್ಲೇ ವಿಕೆಟ್ ಪಡೆಯುವ ಮೂಲಕ ಗಮನ ಸೆಳೆದಿದ್ದಾರೆ.

ಅಂಡರ್​ 19 ವಿಶ್ವಕಪ್​ ಫೈನಲ್​ ಪಂದ್ಯದಲ್ಲಿ 5 ವಿಕೆಟ್ ಮತ್ತು ಬೌಲಿಂಗ್​ನಲ್ಲಿ 5 ವಿಕೆಟ್​ ಪಡೆದು ಭಾರತ 5ನೇ ವಿಶ್ವಕಪ್ ಗೆಲ್ಲುವುದಕ್ಕೆ ಪ್ರಮುಖ ಪಾತ್ರವಹಿಸಿದ್ದರು. ಅವರು ಒಟ್ಟಾರೆ ಟೂರ್ನಿಯಲ್ಲಿ 9 ವಿಕೆಟ್​ ಮತ್ತು 252 ರನ್​ಗಳಿಸಿದ್ದಾರೆ. ತಂಡದ ನಾಯಕ ಧುಲ್​ ಮತ್ತು ಉಪನಾಯಕ ರಶೀದ್ ಕೊರೊನಾದಿಂದ ಲೀಗ್​ ಪಂದ್ಯಗಳನ್ನು ತಪ್ಪಿಸಿಕೊಂಡಾಗ ತಂಡದಲ್ಲಿ ಬೌಲಿಂಗ್ ಜೊತೆಗೆ ಬ್ಯಾಟಿಂಗ್​ನಲ್ಲೂ ಉತ್ತಮ ಪ್ರದರ್ಶನ ತೋರಿ ತಂಡ ಕ್ವಾರ್ಟರ್​ ಫೈನಲ್ ಪ್ರವೇಶಿಸುವಂತೆ ಮಾಡಿದ್ದರು.

ಚಂಡೀಗಡ ತಂಡ ಪದಾರ್ಪಣೆ ಮಾಡಿದ ರಾಜ್​ ತಮ್ಮ ಮೊದಲ ಎಸೆತದಲ್ಲೇ ಹೈದರಾಬಾದ್​ ತಂಡದ ನಾಯಕ ತನ್ಮಯ್​ ಅಗರ್ವಾಲ್​(16) ವಿಕೆಟ್​ ಪಡೆದರು. ತಮ್ಮ 4ನೇ ಓವರ್​ನಲ್ಲಿ ಮತ್ತೊಬ್ಬ ಆರಂಭಿಕ ಬ್ಯಾಟರ್​ ಅಕ್ಷತ್​ ರೆಡ್ಡಿ ಅವರನ್ನು ಪೆವಿಲಿಯನ್​ಗಟ್ಟುವಲ್ಲಿಯೂ ಯಶಸ್ವಿಯೂ ಆದರು.

ರಣಜಿ ಕ್ರಿಕೆಟ್​ನಲ್ಲಿ ಕೊನೆಯ ಬಾರಿ 2020ರಲ್ಲಿ ರಾಜಸ್ಥಾನದ ಯಶ್​ ಕೊತಾರಿ ಆಂದ್ರ ಪ್ರದೇಶದ ವಿರುದ್ದ ಪದಾರ್ಪಣೆ ಪಂದ್ಯದ ಮೊದಲ ಎಸೆತದಲ್ಲಿ ವಿಕೆಟ್ ಪಡೆದಿದ್ದರು. ಇದಕ್ಕೂ ಮುನ್ನ ರನಜಿ ಟ್ರೋಫಿಯಲ್ಲಿ ಉದಯ್​ ಜೋಶಿ,(1965), ರವೀಂದ್ರ ಚಂಧಾ(1967), ರಾಜು ಮುಖರ್ಜಿ(1973), ಟಿಎ ಶೇಖರ್​(1980) ತಮ್ಮ ರಣಜಿ ಪದಾರ್ಪಣೆ ಪಂದ್ಯದಲ್ಲಿ ವಿಕೆಟ್​ ಪಡೆದಿದ್ದರು.

ಐಪಿಎಲ್​ನಲ್ಲಿ 2 ಕೋಟಿ ರೂ ಒಪ್ಪಂದ:ಕಿರಿಯರ ವಿಶ್ವಕಪ್​​ನಲ್ಲಿ ಬ್ಯಾಟಿಂಗ್ ಮತ್ತು ಬೌಲಿಂಗ್​ನಲ್ಲಿ ತಮ್ಮ ಕರಾಮತ್ತು ಪ್ರದರ್ಶಿಸಿರುವ ರಾಜ್​ ಬಾವಾ ಐಪಿಎಲ್​ ಮೆಗಾ ಹರಾಜಿನಲ್ಲಿ 2 ಕೋಟಿ ರೂಪಾಯಿ ಪಡೆದುಕೊಂಡಿದ್ದಾರೆ. ಪಂಜಾಬ್ ಕಿಂಗ್ಸ್​ ತಂಡ 20 ಲಕ್ಷ ಮೂಲಬೆಲೆಯಿದ್ದ ಯುವ ಆಲ್​ರೌಂಡರ್ ಸನ್​ರೈಸರ್ಸ್​ ಹೈದರಾಬಾದ್​ ಜೊತೆಗೆ ಪೈಪೋಟಿ ನೀಡಿ ಖರೀದಿಸಿತು.

ಇದನ್ನೂ ಓದಿ:ರಣಜಿ ಟ್ರೋಫಿ ಪದಾರ್ಪಣೆ ಪಂದ್ಯದಲ್ಲಿ ಶತಕ ಸಿಡಿಸಿ ಅಬ್ಬರಿಸಿದ U19 ಸ್ಟಾರ್​ ಯಶ್​ ಧುಲ್​