ಮುಂಬೈ:ಮುಂಬೈ: ಐಪಿಎಲ್ 15ನೇ ಆವೃತ್ತಿಯಲ್ಲಿ ಚೊಚ್ಚಲ ನಿರೀಕ್ಷೆಯಲ್ಲಿರುವ ಮುಂಬೈ ಇಂಡಿಯನ್ಸ್ ಇಂದು ರಾಜಸ್ಥಾನ್ ರಾಯಲ್ಸ್ ವಿರುದ್ಧ ಉತ್ತಮ ಬೌಲಿಂಗ್ ಪ್ರದರ್ಶನ ತೋರಿದ್ದು, 158 ರನ್ಗಳ ಸಾಧಾರಣ ಮೊತ್ತಕ್ಕೆ ನಿಯಂತ್ರಿಸುವಲ್ಲಿ ಸಫಲವಾಗಿದೆ.
ಡಿವೈ ಪಾಟೀಲ್ ಸ್ಟೇಡಿಯಂನಲ್ಲಿ ನಡೆದ ಪಂದ್ಯದಲ್ಲಿ ಬ್ಯಾಟಿಂಗ್ ಮಾಡಿದ ರಾಯಲ್ಸ್ ನಿರೀಕ್ಷಿತ ಆರಂಭ ಪಡೆಯುವಲ್ಲಿ ವಿಫಲವಾಯಿತು. ಅತ್ಯುತ್ತಮ ಫಾರ್ಮ್ನಲ್ಲಿದ್ದ ಜಾಸ್ ಬಟ್ಲರ್ ಪವರ್ ಪ್ಲೇ ನಲ್ಲಿ ಅಬ್ಬರಿಸಲು ಇಂದು ವಿಫಲರಾದರು. ಅವರು 15ನೇ ಓವರ್ವರೆಗೆ 46 ಎಸೆತಗಳಲ್ಲಿ ಕೇವಲ 43 ರನ್ಗಳನ್ನು ಮಾತ್ರ ಸಿಡಿಸಿದ್ದರು. ಆದರೆ 16ನೇ ಓವರ್ನಲ್ಲಿ ಸತತ 4 ಸಿಕ್ಸರ್ ಸಿಡಿಸಿ ತಮ್ಮ ಮೊತ್ತವನ್ನು 67ಕ್ಕೆ ಏರಿಸಿಕೊಂಡು ಅದೇಶ ಓವರ್ನಲ್ಲಿ ವಿಕೆಟ್ ಒಪ್ಪಿಸಿದರು.
ಮುಂಬೈ ತಂಡ ಬಟ್ಲರ್ ನಿಯಂತ್ರಿಸಿದ್ದಲ್ಲದೆ, ಉಳಿದ ಬ್ಯಾಟರ್ಗಳ ವಿಕೆಟ್ಗಳ ಪಡೆಯುವಲ್ಲಿಯೂ ಸಫಲವಾಯಿತು. ಒಂದು ಬಟ್ಲರ್ ರನ್ಗಳಿಸಲು ಪರದಾಡುತ್ತಿದ್ದರೆ, ಅವರ ಇನ್ನಿಂಗ್ಸ್ ಆರಂಭಿಸಿದ ಪಡಿಕ್ಕಲ್ 15 ಸಂಜು ಸಾಮ್ಸನ್ 16 ರನ್ಗಳಿಸಿ ವಿಕೆಟ್ ಒಪ್ಪಿಸಿದರು.
ಡೇರಿಲ್ ಮಿಚೆಲ್ 20 ಎಸೆತಗಳಲ್ಲಿ 17 ರನ್ಗಳಿಸಿ ಇಂದೂ ಕೂಡ ವಿಫಲರಾದರೆ, ಕಳೆದ ಪಂದ್ಯದ ಹೀರೋ ಪರಾಗ್ 3 ರನ್ಗಳಿಸಿ ಪೆವಿಲಿಯನ್ಗೆ ವಾಪಾಸಾದರು.
ರವಿಚಂದ್ರನ್ ಚುರುಕಿನ ಬ್ಯಾಟಿಂಗ್ ಮೂಲಕ 9 ಎಸೆತಗಳಲ್ಲಿ 21 ರನ್ಗಳಿಸಿದ ತಂಡದ ಮೊತ್ತವನ್ನು 150ರ ಗಡಿದಾಟಿಸಿದರು. ಆದರೆ ಹೆಟ್ಮಾಯರ್ 14 ಎಸೆತಗಳಲ್ಲಿ ಗಳನ್ನೆದುರಿಸಿ ಕೇವಲ 6 ರನ್ ಮಾತ್ರಗಳಿಸಿದರು.
ಮುಂಬೈ ಪರ ರಿಲೆ ಮೆರಿಡಿತ್ 19ಕ್ಕೆ 1, ಹೃತಿಕ್ ಶೊಕೀನ್ 47ಕ್ಕೆ2, ಡೇನಿಯಲ್ ಸ್ಯಾಮ್ 32ಕ್ಕೆ1, ಕುಮಾರ ಕಾರ್ತಿಕೇಯನ್ 19ಕ್ಕೆ1 ವಿಕೆಟ್ ಪಡೆದರು.
ಟೀಮ್ ಅಪ್ಡೇಟ್: ಸತತ 8 ಸೋಲುಗಳಿಂದ ಕಂಗೆಟ್ಟಿರುವ ಮುಂಬೈ ಇಂಡಿಯನ್ಸ್ ಮೊದಲ ಗೆಲುವಿಗಾಗಿ ಹಾತೊರೆಯುತ್ತಿದ್ದಿ, ಇಂದು 2 ಪ್ರಮುಖ ಬದಲಾವಣೆ ಮಾಡಿಕೊಂಡಿದೆ. ಟಿಮ್ ಡೇವಿಡ್ ಹಾಗೂ ಬದಲೀ ಆಟಗಾರನಾಗಿ ತಂಡಕ್ಕೆ ಸೇರಿಕೊಂಡಿರುವ ಕುಮಾರ್ ಕಾರ್ತಿಕೇಯನ್ ಅವರಿಗೆ ಅವಕಾಶ ನೀಡಿದೆ. ಇವರಿಗೆ ಬ್ರೇವಿಸ್ ಮತ್ತು ಉನಾದ್ಕಟ್ ಜಾಗ ಬಿಟ್ಟುಕೊಟ್ಟಿದ್ದಾರೆ.
ಮತ್ತೆ ಅಗ್ರಸ್ಥಾನಕ್ಕೇರುವ ಉತ್ಸಾಹದಲ್ಲಿರುವ ರಾಜಸ್ಥಾನ್ ರಾಯಲ್ಸ್ ಯಾವುದೇ ಬದಲಾವಣೆಯಿಲ್ಲದೆ ಕಣಕ್ಕಿಳಿಯುತ್ತಿದೆ. ರಾಯಲ್ಸ್ ಆಡಿರುವ 8 ಪಂದ್ಯಗಳಲ್ಲಿ 12 ಗೆಲುವು ಮತ್ತು 2 ಸೋಲು ಕಂಡು 2ನೇ ಸ್ಥಾನದಲ್ಲಿದೆ.
ರಾಜಸ್ಥಾನ್ ರಾಯಲ್ಸ್ (ಪ್ಲೇಯಿಂಗ್ XI): ಜೋಸ್ ಬಟ್ಲರ್, ದೇವದತ್ ಪಡಿಕ್ಕಲ್, ಸಂಜು ಸ್ಯಾಮ್ಸನ್(ನಾಯಕ/ವಿಕೀ), ಡೆರಿಲ್ ಮಿಚೆಲ್, ಶಿಮ್ರಾನ್ ಹೆಟ್ಮೆಯರ್, ರಿಯಾನ್ ಪರಾಗ್, ರವಿಚಂದ್ರನ್ ಅಶ್ವಿನ್, ಟ್ರೆಂಟ್ ಬೌಲ್ಟ್, ಪ್ರಸಿದ್ಧ್ ಕೃಷ್ಣ, ಯುಜ್ವೇಂದ್ರ ಚಾಹಲ್, ಕುಲದೀಪ್ ಸೇನ್
ಮುಂಬೈ ಇಂಡಿಯನ್ಸ್ (ಪ್ಲೇಯಿಂಗ್ XI): ಇಶಾನ್ ಕಿಶನ್ (ವಿಕೀ), ರೋಹಿತ್ ಶರ್ಮಾ (ನಾಯಕ), ಟಿಮ್ ಡೇವಿಡ್, ಸೂರ್ಯಕುಮಾರ್ ಯಾದವ್, ತಿಲಕ್ ವರ್ಮಾ, ಕೀರಾನ್ ಪೊಲಾರ್ಡ್, ಹೃತಿಕ್ ಶೊಕೀನ್, ಡೇನಿಯಲ್ ಸಾಮ್ಸ್, ಜಸ್ಪ್ರೀತ್ ಬುಮ್ರಾ, ಕುಮಾರ್ ಕಾರ್ತಿಕೇಯ, ರಿಲೆ ಮೆರೆಡಿತ್
ಇದನ್ನೂ ಓದಿ:ಕ್ಯಾಪ್ಟನ್ ರೋಹಿತ್ ಶರ್ಮಾಗೆ ಜನ್ಮದಿನದ ಸಂಭ್ರಮ.. ಹಿಟ್ಮ್ಯಾನ್ ಹೆಸರಿನಲ್ಲಿರುವ ಟಾಪ್ 5 ವಿಶ್ವದಾಖಲೆಗಳಿವು
