T20I rankings : 5ನೇ ಸ್ಥಾನಕ್ಕೇರಿದ ರಾಹುಲ್, 24 ಸ್ಥಾನ ಜಿಗಿದ ಸೂರ್ಯಕುಮಾರ್ ಯಾದವ್​

ಕಿವೀಸ್ ವಿರುದ್ಧ 159 ರನ್​ಗಳಿಸಿ ಸರಣಿ ಶ್ರೇಷ್ಠ ಪ್ರಶಸ್ತಿ ಪಡೆದ ಭಾರತ ತಂಡದ ನೂತನ ನಾಯಕ ರೋಹಿತ್ ಶರ್ಮಾ 2 ಸ್ಥಾನ ಮೇಲೇರಿ 13ರಲ್ಲಿದ್ದಾರೆ. ಭಾರತದ ವಿರುದ್ಧ 0-3ರಲ್ಲಿ ಸರಣಿ ಸೋತರೂ ಸರಣಿಯಲ್ಲಿ 152 ರನ್​ ಸಿಡಿಸಿ ಉತ್ತಮ ಬ್ಯಾಟಿಂಗ್ ಪ್ರದರ್ಶನ ತೋರಿದ ಮಾರ್ಟಿನ್ ಗಪ್ಟಿಲ್ 10ನೇ ಸ್ಥಾನ ಪಡೆದುಕೊಂಡಿದ್ದಾರೆ..

ದುಬೈ: ಕಿವೀಸ್ ವಿರುದ್ಧ ಉತ್ತಮ ಪ್ರದರ್ಶನ ತೋರಿದ ಭಾರತ ತಂಡದ ಆರಂಭಿಕ ಬ್ಯಾಟರ್​ ಕೆ ಎಲ್ ರಾಹುಲ್​ ಟಿ20 ಶ್ರೇಯಾಂಕದಲ್ಲಿ ಒಂದು ಸ್ಥಾನ ಮೇಲೇರಿ 5ನೇ ಸ್ಥಾನ ಪಡೆದಿದ್ದಾರೆ. ಸೂರ್ಯಕುಮಾರ್ ಯಾದವ್​ 24 ಸ್ಥಾನ ಏರಿಕೆ ಕಂಡಿದ್ದು, 59ನೇ ಶ್ರೇಯಾಂಕದಲ್ಲಿ ಕಾಣಿಸಿದ್ದಾರೆ.

ಬುಧವಾರ ಐಸಿಸಿ ಈ ನೂತನ ರ‍್ಯಾಂಕಿಂಗ್ ಬಿಡುಗಡೆ ಮಾಡಿದೆ. ಬಾಂಗ್ಲಾದೇಶದ ವಿರುದ್ಧ ಟಿ20 ಸರಣಿಯಲ್ಲಿ ಸರಣಿ ಶ್ರೇಷ್ಠ ಪ್ರಶಸ್ತಿ ಪಡೆದ ಮೊಹಮ್ಮದ್ ರಿಜ್ವಾನ್​ 5ರಿಂದ 4ನೇ ಸ್ಥಾನಕ್ಕೇರಿದ್ದಾರೆ.

ನ್ಯೂಜಿಲ್ಯಾಂಡ್ ವಿರುದ್ಧ ರಾಹುಲ್​ 2 ಪಂದ್ಯಗಳಿಂದ 80 ರನ್​ಗಳಿಸಿದರೆ, ರಿಜ್ವಾನ್ ಬಾಂಗ್ಲಾದೇಶದ ವಿರುದ್ಧ 90 ರನ್​ಗಳಿಸಿದ್ದರು. ಇನ್ನು, ಕಿವೀಸ್ ಸರಣಿಯಿಂದ ಹೊರಗುಳಿದಿದ್ದ ವಿರಾಟ್​ ಕೊಹ್ಲಿ(11) ಟಾಪ್​ 10ರಿಂದ ಹೊರ ಬಿದ್ದಿದ್ದಾರೆ.

ಕಿವೀಸ್ ವಿರುದ್ಧ 159 ರನ್​ಗಳಿಸಿ ಸರಣಿ ಶ್ರೇಷ್ಠ ಪ್ರಶಸ್ತಿ ಪಡೆದ ಭಾರತ ತಂಡದ ನೂತನ ನಾಯಕ ರೋಹಿತ್ ಶರ್ಮಾ 2 ಸ್ಥಾನ ಮೇಲೇರಿ 13ರಲ್ಲಿದ್ದಾರೆ. ಭಾರತದ ವಿರುದ್ಧ 0-3ರಲ್ಲಿ ಸರಣಿ ಸೋತರೂ ಸರಣಿಯಲ್ಲಿ 152 ರನ್​ ಸಿಡಿಸಿ ಉತ್ತಮ ಬ್ಯಾಟಿಂಗ್ ಪ್ರದರ್ಶನ ತೋರಿದ ಮಾರ್ಟಿನ್ ಗಪ್ಟಿಲ್ 10ನೇ ಸ್ಥಾನ ಪಡೆದುಕೊಂಡಿದ್ದಾರೆ.

ಬೌಲಿಂಗ್ ಶ್ರೇಯಾಂಕದಲ್ಲಿ ಮಿಚೆಲ್ ಸ್ಯಾಂಟ್ನರ್​ 10 ಸ್ಥಾನ ಏರಿಕೆ ಕಂಡು 13ಕ್ಕೆ, ಭುವನೇಶ್ವರ್ ಕುಮಾರ್ 5 ಸ್ಥಾನ ಏರಿಕೆ ಕಂಡು 19ನೇ ಸ್ಥಾನ ಮತ್ತು ದೀಪಕ್ ಚಹಾರ್ 19 ಸ್ಥಾನ ಮೇಲೇರಿ 44ನೇ ಸ್ಥಾನ ಪಡೆದುಕೊಂಡಿದ್ದಾರೆ.

ಇದನ್ನೂ ಓದಿ:'ಕೊಡುಗೆ ಅಂದ್ರೆ, ಪ್ರತಿ ಪಂದ್ಯದಲ್ಲೂ ಶತಕ ಸಿಡಿಸುವುದಲ್ಲ': ಕಳಪೆ ಫಾರ್ಮ್​ ಬಗ್ಗೆ ರಹಾನೆ ಹೇಳಿದ್ದಿಷ್ಟು..