ಅಂಪೈರ್ ​​'ನಾಟೌಟ್'​ ನೀಡಿದ್ರೂ ಮೈದಾನ ತೊರೆದು ಕ್ರೀಡಾಸ್ಫೂರ್ತಿ ಮೆರೆದ ಪೂನಂ ರಾವತ್!

ಭಾರತ-ಆಸ್ಟ್ರೇಲಿಯಾ ಮಹಿಳಾ ತಂಡಗಳ ನಡುವಿನ ಟೆಸ್ಟ್​​ ಪಂದ್ಯದ ವೇಳೆ ಅಪರೂಪದ ಘಟನೆ ನಡೆದಿದೆ.

ಕ್ವೀನ್ಸ್​ಲ್ಯಾಂಡ್​​ (ಆಸ್ಟ್ರೇಲಿಯಾ):ಬ್ಯಾಟಿಂಗ್​ ಮಾಡ್ತಿದ್ದ ವೇಳೆ ವಿಕೆಟ್​ ಒಪ್ಪಿಸಿದ್ರೂ ಕೂಡ ಕೆಲ ಆಟಗಾರರು ಮೈದಾನ ಬಿಡದೇ ಅಂಪೈರ್ ಜೊತೆ ಕಿರಿಕ್ ಮಾಡಿಕೊಂಡಿರುವ ಅನೇಕ ಘಟನೆಗಳು ನಮ್ಮ ಮುಂದಿವೆ. ಇದರ ಮಧ್ಯೆ ಟೀಂ ಇಂಡಿಯಾ ಮಹಿಳಾ ಬ್ಯಾಟರ್​​ ನಿರ್ಧಾರ ಎಲ್ಲರ ಮನಗೆದ್ದಿದೆ.

ಭಾರತ-ಆಸ್ಟ್ರೇಲಿಯಾ ತಂಡಗಳ ನಡುವೆ ನಡೆಯುತ್ತಿರುವ ಏಕೈಕ ಟೆಸ್ಟ್​​ ಪಂದ್ಯ ವಿಚಿತ್ರ ಸನ್ನಿವೇಶಕ್ಕೆ ಸಾಕ್ಷಿಯಾಯಿತು. ಪಂದ್ಯದ ವೇಳೆ ಅಂಪೈರ್​ ನಾಟೌಟ್​ ಎಂಬ ತೀರ್ಪು ನೀಡಿದ್ರೂ ಕೂಡ ಟೀಂ ಇಂಡಿಯಾ ಬ್ಯಾಟರ್​ ಪೂನಂ ರಾವತ್​ ಮೈದಾನದಿಂದ ಹೊರನಡೆದಿದ್ದಾರೆ. ಈ ವೇಳೆ ಮೈದಾನದಲ್ಲಿದ್ದ ಅಂಪೈರ್ ಹಾಗೂ ಎದುರಾಳಿ ಆಟಗಾರರು ಅರೆಕ್ಷಣ ಅಚ್ಚರಿಗೊಳಗಾದರು.

36 ರನ್​ಗಳಿಕೆ ಮಾಡಿ ಬ್ಯಾಟ್​ ಮಾಡ್ತಿದ್ದ ಪೂನಂ ಮೊಲಿನಿಕ್ಸ್​ ಎಸೆದ ಓವರ್​ನಲ್ಲಿ ವಿಕೆಟ್​​ ಕೀಪರ್​ಗೆ ಕ್ಯಾಚ್ ನೀಡಿದ್ದಾರೆ. ಆದರೆ ಈ ಬಗ್ಗೆ ಅಂಪೈರ್​ಗೆ ಸರಿಯಾಗಿ ಗೊತ್ತಾಗದ ಕಾರಣ ಯಾವುದೇ ರೀತಿಯ ತೀರ್ಪು ನೀಡಿಲ್ಲ. ಆದರೆ ರಾವತ್ ಮಾತ್ರ ಕ್ಷಣಾರ್ಧದಲ್ಲೇ ಮೈದಾನ ತೊರೆದರು.

ಪೂನಂ ರಾವತ್ ನಿರ್ಧಾರಕ್ಕೆ ಇದೀಗ ಎಲ್ಲೆಡೆ ಪ್ರಶಂಸೆ ವ್ಯಕ್ತವಾಗುತ್ತಿದೆ. ಕ್ರಿಕೆಟ್​ ಆಸ್ಟ್ರೇಲಿಯಾ ಖುದ್ದಾಗಿ ಈ ವಿಡಿಯೋವನ್ನು ತಮ್ಮ ಟ್ವಿಟರ್​ನಲ್ಲಿ ಹಾಕಿಕೊಂಡಿದೆ.

ಶತಕ ಸಿಡಿಸಿ ಮಿಂಚಿದ ಸ್ಮೃತಿ ಮಂಧಾನ

ಶತಕ ಸಿಡಿಸಿ ಮಿಂಚಿದ ಸ್ಮೃತಿ ಮಂಧಾನ

ಆಸ್ಟ್ರೇಲಿಯಾ ವಿರುದ್ಧ ನಡೆದ ಚೊಚ್ಚಲ ಟೆಸ್ಟ್​​ ಪಂದ್ಯದಲ್ಲಿ ಆಕರ್ಷಕ ಶತಕ ಸಿಡಿಸಿ ಆರಂಭಿಕ ಆಟಗಾರ್ತಿ ಸ್ಮೃತಿ ಮಂದಾನ ಮಿಂಚಿದ್ದಾರೆ. ಜೊತೆಗೆ ಟೀಂ ಇಂಡಿಯಾ ಮಹಿಳಾ ತಂಡದ ಪರ ಚೊಚ್ಚಲ ಶತಕ ಸಿಡಿಸಿರುವ ದಾಖಲೆ ಬರೆದಿದ್ದು, 127ರನ್​ಗಳಿಕೆ ಮಾಡಿದ್ದ ವೇಳೆ ವಿಕೆಟ್​ ಒಪ್ಪಿಸಿದರು.

ಉತ್ತಮ ಬ್ಯಾಟಿಂಗ್ ಪ್ರದರ್ಶಿಸಿದ ಭಾರತದ ಮಹಿಳಾ ತಂಡ

ಎರಡನೇ ದಿನದಾಟದಂತ್ಯಕ್ಕೆ ಭಾರತ 276/5

ಸ್ಮೃತಿ ಮಂಧಾನ ಅವರ 127ರನ್​ಗಳ ಸಹಾಯದಿಂದ ಟೀಂ ಇಂಡಿಯಾ ಮಹಿಳಾ ಪಡೆ ಎರಡನೇ ದಿನದಾಟದ ಅಂತ್ಯಕ್ಕೆ 5 ವಿಕೆಟ್ ಕಳೆದುಕೊಂಡು 276 ರನ್​ಗಳಿಕೆ ಮಾಡಿದೆ. ಮಳೆಯಿಂದಾಗಿ ಪಂದ್ಯಕ್ಕೆ ಅಡಚಣೆಯಾದ ಕಾರಣ ಎರಡನೇ ದಿನದಾಟ ರದ್ದು ಮಾಡಿ, ನಾಳೆಗೆ ಮುಂದೂಡಲಾಗಿದೆ.