ಐಸೋಲೇಸನ್ ಮುಕ್ತಾಯ: ಶುಕ್ರವಾರ ಭಾರತ ತಂಡ ಸೇರಿಕೊಳ್ಳಲಿರುವ ಸಹಾ, ಈಶ್ವರನ್

ಈಗಾಗಲೇ ಶುಬ್ಮನ್​ ಗಿಲ್​, ವಾಷಿಂಗ್ಟನ್ ಸುಂದರ್ ಮತ್ತು ವೇಗದ ಬೌಲರ್​ ಆವೇಶ್ ಖಾನ್ ಗಾಯಗೊಂಡು ತಂಡದಿಂದ ಹೊರಬಿದ್ದಿದ್ದಾರೆ. ಈಶ್ವರನ್​ ಬ್ಯಾಕ್​ಅಪ್​ ಆರಂಭಿಕನಾಗಿ ತಂಡಕ್ಕೆ ಸೇರಿಕೊಳ್ಳುವ ಸಾಧ್ಯತೆಯಿದೆ. ಅವರನ್ನು ಮೀಸಲು ಆಟಗಾರನಾಗಿ ಆವೇಶ್ ಖಾನ್, ಪ್ರಸಿಧ್ ಕೃಷ್ಣ ಜೊತೆಗೆ ಆಯ್ಕೆ ಮಾಡಲಾಗಿತ್ತು.

ಡರ್ಹಮ್: ಕೋವಿಡ್​ ಪಾಸಿಟಿವ್​ ಪಡೆದಿದ್ದ ಬೌಲಿಂಗ್ ಕೋಚ್ ಭರತ್​ ಅರುಣ್​ ಜೊತೆ ಸಂಪರ್ಕದಲ್ಲಿದ್ದ ಕಾರಣ ಕಳೆದ ಒಂದು ವಾರ ಐಸೊಲೇಸನ್​ನಲ್ಲಿದ್ದ ವಿಕೆಟ್ ಕೀಪರ್ ವೃದ್ಧಿಮಾನ್ ಸಹಾ ಮತ್ತು ಮೀಸಲು ಓಪನರ್​ ಅಭಿಮನ್ಯು ಈಶ್ವರನ್ ಶುಕ್ರವಾರ ಡರ್ಹಮ್​ನಲ್ಲಿರುವ ಭಾರತ ತಂಡವನ್ನು ಸೇರಿಕೊಳ್ಳಲಿದ್ದಾರೆ.

ಈಗಾಗಲೇ ಶುಬ್ಮನ್​ ಗಿಲ್​, ವಾಷಿಂಗ್ಟನ್ ಸುಂದರ್ ಮತ್ತು ವೇಗದ ಬೌಲರ್​ ಆವೇಶ್ ಖಾನ್ ಗಾಯಗೊಂಡು ತಂಡದಿಂದ ಹೊರಬಿದ್ದಿದ್ದಾರೆ. ಈಶ್ವರನ್​ ಬ್ಯಾಕ್​ಅಪ್​ ಆರಂಭಿಕನಾಗಿ ತಂಡಕ್ಕೆ ಸೇರಿಕೊಳ್ಳುವ ಸಾಧ್ಯತೆಯಿದೆ. ಅವರನ್ನು ಮೀಸಲು ಆಟಗಾರನಾಗಿ ಆವೇಶ್ ಖಾನ್, ಪ್ರಸಿಧ್ ಕೃಷ್ಣ ಜೊತೆಗೆ ಆಯ್ಕೆ ಮಾಡಲಾಗಿತ್ತು.

ಇನ್ನು ಕೋವಿಡ್​ 19 ಟೆಸ್ಟ್​ನಲ್ಲಿ ಪಾಸಿಟಿವ್​ ಪಡೆದಿದ್ದ ವಿಕೆಟ್ ಕೀಪರ್ ಬ್ಯಾಟ್ಸ್​ಮನ್ ರಿಷಭ್ ಪಂತ್ ಈಗಾಗಲೇ ಭಾರತ ತಂಡವನ್ನು ಸೇರಿಕೊಂಡಿದ್ದಾರೆ. ಆಗಸ್ಟ್​ 4 ರಿಂದ ಆರಂಭವಾಗಲಿರುವ ಸರಣಿಯ ಮೊದಲ ಪಂದ್ಯದಲ್ಲಿ ವಿಕೆಟ್​ ಕೀಪಿಂಗ್ ಜವಾಬ್ದಾರಿಯನ್ನು ಪಂತ್ ನಿರ್ವಹಿಸಲಿದ್ದಾರೆ. ಆದರೆ ಆರಂಭಿಕನಾಗಿ ರೋಹಿತ್​ ಶರ್ಮಾ ಜೊತೆಗೆ ಕನ್ನಡಿಗರಾದ ರಾಹುಲ್ ಅಥವಾ ಮಯಾಂಕ್ ಅಗರ್​ವಾಲ್​ ಇಬ್ಬರಲ್ಲಿ ಒಬ್ಬರು ಕಣಕ್ಕಿಳಿಯುವ ಸಾಧ್ಯತೆಯಿದೆ.

ಇದನ್ನೂ ಓದಿ:ಒಲಿಂಪಿಕ್ಸ್​ ಫುಟ್​ಬಾಲ್: ರಿಚರ್ಲಿಸನ್ ಹ್ಯಾಟ್ರಿಕ್ ಗೋಲು, 4-2 ರಿಂದ ಜರ್ಮನಿ ಮಣಿಸಿದ ಬ್ರೆಜಿಲ್