ಮ್ಯಾಚ್​ ವಿನ್ನರ್​ ಪಂತ್, ಸಂಜು ಸ್ಯಾಮ್ಸನ್ ಅವಕಾಶಕ್ಕೆ ಕಾಯುವ ಅಗತ್ಯ ಇದೆ: ಶಿಖರ್​

ಸಂಜು ಸ್ಯಾಮ್ಸನ್​ ಏಕ ದಿನ ಕ್ರಿಕೆಟ್​ನಲ್ಲಿ ತನ್ನ ಸಾಮರ್ಥ್ಯ ತೋರಿದರೂ ಅವರಿಗೆ ಟೀ ಇಂಡಿಯಾದ ಹನ್ನೊಂದರಲ್ಲಿ ಅವಕಾಶ ಸಿಗದಿರುವ ಬಗ್ಗೆ ಕ್ರಿಕೆಟ್​ ಅಭಿಮಾನಿಗಳು ಬೇಸರ ವ್ಯಕ್ತಪಡಿಸಿ, ನಾಯಕ ಶಿಖರ್​ ಮೇಲೆ ಹರಿಹಾಯ್ದಿದ್ದರು. ಇದಕ್ಕೆ ನಾಯಕ ಧವನ್​ ಉತ್ತರಿಸಿದ್ದು, ಅವಕಾಶಕ್ಕಾಗಿ ಸಂಜು ಸ್ಯಾಮ್ಸನ್ ಕಾಯಬೇಕು ಎಂದಿದ್ದಾರೆ.

ಕ್ರೈಸ್ಟ್​​ಚರ್ಚ್​:ನ್ಯೂಜಿಲ್ಯಾಂಡ್​ ವಿರುದ್ಧದ ಕೊನೆಯ ಎರಡು ಪಂದ್ಯಗಳಿಂದ ಸಂಜು ಸ್ಯಾಮ್ಸನ್​ ಅವರನ್ನು ಕೈ ಬಿಟ್ಟಿದ್ದಕ್ಕಾಗಿ ಕ್ರಿಕೆಟ್​ ಪ್ರೇಮಿಗಳಿಂದ ತೀವ್ರ ವಿರೋಧ ವ್ಯಕ್ತವಾಗಿತ್ತು. ಈ ಬಗ್ಗೆ ಕೊನೆಯ ಪಂದ್ಯದ ನಂತರ ಉತ್ತರಿಸಿರುವ ನಾಯಕ ಶಿಖರ್​ ಧವನ್ ವಿಕೆಟ್​ ಕೀಪರ್​ ರಿಷಭ್​​ ಪಂತ್​ ಮ್ಯಾಚ್​ ವಿನ್ನರ್​ ಆಗಿದ್ದಾರೆ, ಹೀಗಾಗಿ ಸಂಜು ಸ್ಯಾಮ್ಸನ್​ ಇನ್ನೂ ಅವಕಾಶಕ್ಕಾಗಿ ಕಾಯಬೇಕಾಗುತ್ತದೆ ಎಂದಿದ್ದಾರೆ.

ರಿಷಭ್​​ ಪಂತ್​ ಮ್ಯಾಚ್​ ವಿನ್ನರ್​ ಎಂಬುದನ್ನು ಈ ಹಿಂದಿನ ಪಂದ್ಯಗಳಲ್ಲಿ ಸಾಬೀತು ಮಾಡಿದ್ದಾರೆ. ಈಗ ಅವರು ಕಳಪೆ ಫಾರ್ಮ್​​​​ನಲ್ಲಿದ್ದಾರೆ ಹೀಗಾಗಿ ಅವರನ್ನು ಬೆಂಬಲಿಸುವ ಅಗತ್ಯ ಇದೆ. ಇತ್ತೀಚಿನ ಪಂದ್ಯಗಳಲ್ಲಿ ಅವರು ವಿಫಲತೆ ಕಂಡಿದ್ದಾರೆ. ಆದರೆ, ಅವರಲ್ಲಿ ಉತ್ತಮ ಬ್ಯಾಟಿಂಗ್​ ಸಾಮರ್ಥ್ಯ ಇದೆ ಇದಕ್ಕಾಗಿ ಅವರಿಗೆ ಅವಕಾಶ ನೀಡಬೇಕಿದೆ ಎಂದು ಹೇಳಿದ್ದಾರೆ.

ಸಂಜುಸ್ಯಾಮ್ಸನ್ ಮೊದಲ ಪಂದ್ಯದಲ್ಲಿ ಮತ್ತು ಭಾರತದಲ್ಲಿ ನಡೆದ ಸೌಥ್​ ಆಫ್ರಿಕಾ ನಡುವಣ ಪಂದ್ಯದಲ್ಲಿ ಉತ್ತಮ ಪ್ರದರ್ಶನ ನೀಡಿದ್ದರು. ದಕ್ಷಿಣ ಆಫ್ರಿಕಾದ ಸರಣಿಯಲ್ಲಿ 86, 30, 2 ರನ್​ ದಾಖಲಿಸಿದ್ದರು ಮತ್ತು ಎಲ್ಲದರಲ್ಲೂ ಅಜೇಯರಾಗಿದ್ದರು. ನ್ಯೂಜಿಲ್ಯಾಂಡ್​ನಲ್ಲಿ ನಡೆದ ಮೊದಲ ಪಂದ್ಯದಲ್ಲಿ 36 ರನ್​ ದಾಖಲಿಸಿದ್ದರು.

ಸಂಜು ಸ್ಯಾಮ್ಸನ್ ಕಾಯಬೇಕು:ವಿಕೆಟ್​ ಕೀಪರ್​ ಕಮ್​ ಬ್ಯಾಟರ್​ ಆಗಿರುವ ಸಂಜುಸ್ಯಾಮ್ಸನ್ ಅವಕಾಶಕ್ಕಾಗಿ ಕಾಯುವ ಅಗತ್ಯ ಇದೆ. ಸಂಜುಸಿಕ್ಕ ಅವಕಾಶದಲ್ಲಿ ಉತ್ತಮ ಪ್ರದರ್ಶನ ನೀಡಿದ್ದಾರೆ. ಅವರು ಉತ್ತಮ ಫಾರ್ಮನಲ್ಲಿದ್ದಾರೆ. ಹೀಗಿರುವಾಗ ಅವಕಾಶಕ್ಕಾಗಿ ಕಾಯಬೇಕಾಗುತ್ತದೆ ಎಂದು ಶಿಖರ್​ ಸಂಜು ಬಗ್ಗೆ ಹೇಳಿದ್ದಾರೆ.

ಪಂತ್​ ಬಗ್ಗೆ ಟೀಕೆ ಏಕೆ: ರಿಷಭ್​​ ಪಂತ್​ಗೆ ಭಾರತ ತಂಡದಲ್ಲಿ ವಿಫಲತೆಯ ನಡುವೆಯೂ ಅವಕಾಶ ದೊರೆಯುತ್ತಿದೆ. ಟಿ20 ವಿಶ್ವಕಪ್​ ಪಂದ್ಯಗಳಿಗೂ ಆಯ್ಕೆ ಮಾಡಲಾಗಿತ್ತು. ಕಾರ್ತಿಕ್​ ಉಪಸ್ಥಿತಿಯಲ್ಲಿ ಪಂತ್​ ಬೆಂಚ್​ ಕಾದಿದ್ದರು. ಆದರೆ, ಕೊನೆ ಎರಡು ಪಂದ್ಯಗಳಲ್ಲಿ ಅವಕಾಶ ಸಿಕ್ಕಿತ್ತಾದರೂ ಉತ್ತಮ ಆಟ ಕಂಡು ಬಂದಿರಲಿಲ್ಲ. ಪಂತ್​ರ​ ಏಕದಿನ ಮತ್ತು ಟಿ20ಯ ಕಳೆದ ಒಂಬತ್ತು ಇನ್ನಿಂಗ್ಸ್‌ಗಳಲ್ಲಿ 10, 15, 11, 6, 6, 3, 9, 9 ಮತ್ತು 27 ಸ್ಕೋರ್‌ಗಳಿಸಿದ್ದಾರೆ.

ಇದನ್ನೂ ಓದಿ:ಭಾರತ ನ್ಯೂಜಿಲ್ಯಾಂಡ್​ ಸರಣಿಯಲ್ಲಿ ಮಳೆಯದ್ದೇ ಮೇಲುಗೈ.. ಟಿ20 ಭಾರತಕ್ಕೆ, ಏಕದಿನ ಕಿವೀಸ್​ ಪಾಲು