ಕರಾಚಿ:ವೆಸ್ಟ್ ಇಂಡೀಸ್ ತಂಡದಲ್ಲಿ ಐವರಿಗೆ ಕೋವಿಡ್ 19 ಪಾಸಿಟಿವ್ ಕಾಣಿಸಿಕೊಂಡ ಬೆನ್ನಲ್ಲೇ ಶನಿವಾರದಿಂದ ನಡೆಯಬೇಕಿದ್ದ 3 ಪಂದ್ಯಗಳ ಏಕದಿನ ಸರಣಿಯನ್ನು ಎರಡೂ ಕ್ರಿಕೆಟ್ ಮಂಡಳಿಯ ಒಪ್ಪಿಗೆ ಮೇರೆಗೆ ಮುಂದಿನ ವರ್ಷ ಜೂನ್ಗೆ ಮುಂದೂಡಲಾಗಿದೆ.
ಪಾಕಿಸ್ತಾನ ಕ್ರಿಕೆಟ್ ಮಂಡಳಿಯ ಕೋವಿಡ್ 19 ಪ್ರೋಟೋಕಾಲ್ ಅನ್ವಯ ಗುರುವಾರ ಎರಡೂ ತಂಡದ 15 ಆಟಗಾರರು ಮತ್ತು 6 ಬೆಂಬಲ ಸಿಬ್ಬಂದಿಗಳಿಗೆ ನೆಗೆಟಿವ್ ಬಂದಿದ್ದರಿಂದ ಕೊನೆಯ ಟಿ-20 ಪಂದ್ಯವನ್ನ ವೇಳಾಪಟ್ಟಿಯಂತೆ ಆಯೋಜಿಸಲಾಯಿತು. ಆದರೆ, ತಂಡದ ಪ್ರಮುಖ ಆಟಗಾರರ ಅಲಭ್ಯತೆಯಲ್ಲಿ ಏಕದಿನ ಸರಣಿಯನ್ನಾಡಲು ಸಾಧ್ಯವಿಲ್ಲ ಎಂದು ನಿರ್ಧರಿಸಿ ಶನಿವಾರದಿಂದ ನಡೆಯಬೇಕಿದ್ದ ಏಕದಿನ ಸರಣಿ ಮುಂದೂಡುವ ನಿರ್ಧಾರ ತೆಗೆದುಕೊಳ್ಳಲಾಯಿತು.