ಇನ್ನಿಂಗ್ಸ್​ ಹಿನ್ನಡೆಯ ಹೊರತಾಗಿಯೂ ಬಾಂಗ್ಲಾದೇಶದ ವಿರುದ್ಧ ಟೆಸ್ಟ್​ ಗೆದ್ದ ಪಾಕಿಸ್ತಾನ

ಎರಡೂ ಇನ್ನಿಂಗ್ಸ್​ಗಳಿಂದ 224 ರನ್​ಗಳಿಸಿ ಅಬೀದ್ ಅಲಿ ಪಂದ್ಯಶ್ರೇಷ್ಠ ಪ್ರಶಸ್ತಿಗೆ ಭಾಜನರಾದರು. ಎರಡೂ ದೇಶಗಳ ನಡುವಿನ 2ನೇ ಟೆಸ್ಟ್​ ಪಂದ್ಯ ಡಿಸೆಂಬರ್​ 4ರಿಂದ 8ರವರೆಗೆ ಢಾಕಾದಲ್ಲಿ ನಡೆಯಲಿದೆ..

ಚಟ್ಟೋಗ್ರಾಮ್ :ಮೊದಲ ಇನ್ನಿಂಗ್ಸ್​ನಲ್ಲಿ 44 ರನ್​ಗಳ ಇನ್ನಿಂಗ್ಸ್​ ಹಿನ್ನಡೆಯ ಹೊರತಾಗಿಯೂ ಪಾಕಿಸ್ತಾನ 8 ವಿಕೆಟ್​ಗಳಿಂದ ಅತಿಥೇಯ ಬಾಂಗ್ಲಾದೇಶವನ್ನು ಮಣಿಸಿ 1-0 ಅಂತರದಲ್ಲಿ ಸರಣಿ ಮುನ್ನಡೆ ಸಾಧಿಸಿದೆ.

ಬಾಂಗ್ಲಾದೇಶ ತನ್ನ ಮೊದಲ ಇನ್ನಿಂಗ್ಸ್​ನಲ್ಲಿ ಲಿಟನ್ ದಾಸ್​(114) ಶತಕದ ನೆರವಿನಿಂದ 330 ರನ್​​ಗಳಿಸಿದರೆ. ಇದಕ್ಕುತ್ತರವಾಗಿ ಪಾಕಿಸ್ತಾನ 286 ರನ್​ಗಳಿಸಿ 44 ರನ್​ಗಳ ಹಿನ್ನಡೆ ಅನುಭವಿಸಿತ್ತು. ಆರಂಭಿಕ ಅಬೀದ್ ಅಲಿದ್​ 133 ರನ್​ಗಳಿಸಿದ್ದರು. ಬಾಂಗ್ಲಾದೇಶ ಪರ ತಆಜುಲ್ ಇಸ್ಲಾಮ್​ 7 ವಿಕೆಟ್ ಪಡೆದು ಮಿಂಚಿದ್ದರು.

ಇನ್ನು 44 ರನ್​ಗಳ ಇನ್ನಿಂಗ್ಸ್ ಮುನ್ನಡೆಯೊಂದಿಗೆ 2ನೇ ಇನ್ನಿಂಗ್ಸ್​ ಆರಂಭಿಸಿದ ಬಾಂಗ್ಲಾದೇಶ ಶಾಹೀನ್​ ಅಫ್ರಿದಿ ದಾಳಿಗೆ ತತ್ತರಿಸಿ ಕೇವಲ 157ಕ್ಕೆ ಆಲೌಟ್ ಆಗಿ ಪಾಕ್​ಗೆ ಕೇವಲ 202 ರನ್​ಗಳ ಸಾಧಾರಣ ಗುರಿ ನೀಡಿತ್ತು.

ಲಿಟನ್ ದಾಸ್​ 59 ರನ್​ಗಳಿಸಿ ತಂಡದ ಗರಿಷ್ಠ ಸ್ಕೋರರ್​ ಎನಿಸಿದ್ದರು. ಶಾಹೀನ್ ಆಫ್ರಿದಿ 32ಕ್ಕೆ 5, ಹಸನ್​ ಅಲಿ 52ಕ್ಕೆ 2, ಸಾಜಿದ್​ ಖಾನ್​ 33ಕ್ಕೆ 3 ವಿಕೆಟ್​ ಪಡೆದಿದ್ದರು.

ಪಾಕಿಸ್ತಾನ 58.3 ಓವರ್​ಗಳಲ್ಲಿ 2 ವಿಕೆಟ್ ಕಳೆದುಕೊಂಡು 202 ರನ್​ಗಳ ಸುಲಭ ಗುರಿ ಬೆನ್ನಟ್ಟಿತಲುಪಿತು. ಅಬೀದ್​ ಅಲಿ 91 ರನ್​ಗಳಿಸಿದರೆ, ಅಬ್ದುಲ್ ಶಫೀಕ್​ 73 ರನ್​ಗಳಿಸಿ ಗೆಲುವಿನ ರೂವಾರಿಯಾದರು.

ಎರಡೂ ಇನ್ನಿಂಗ್ಸ್​ಗಳಿಂದ 224 ರನ್​ಗಳಿಸಿ ಅಬೀದ್ ಅಲಿ ಪಂದ್ಯಶ್ರೇಷ್ಠ ಪ್ರಶಸ್ತಿಗೆ ಭಾಜನರಾದರು. ಎರಡೂ ದೇಶಗಳ ನಡುವಿನ 2ನೇ ಟೆಸ್ಟ್​ ಪಂದ್ಯ ಡಿಸೆಂಬರ್​ 4ರಿಂದ 8ರವರೆಗೆ ಢಾಕಾದಲ್ಲಿ ನಡೆಯಲಿದೆ.

ಇದನ್ನು ಓದಿ:ಕಳಪೆ ಫಾರ್ಮ್‌; ಟೀಂ ಇಂಡಿಯಾ ಉಪ ನಾಯಕನ ಪರ ಕೋಚ್‌ ದ್ರಾವಿಡ್‌ ಬ್ಯಾಟಿಂಗ್‌