ನವದೆಹಲಿ:ಟಿ20 ವಿಶ್ವಕಪ್ನಲ್ಲಿ ಇಂಗ್ಲೆಂಡ್ ವಿರುದ್ಧ ಸೋಲನುಭವಿಸಿದ ಪಾಕಿಸ್ತಾನ 2ನೇ ಬಾರಿಗೆ ಚಾಂಪಿಯನ್ ಆಗುವ ಕನಸು ನುಚ್ಚು ನೂರಾಯಿತು. ಭಾರತ ಸೆಮಿಫೈನಲ್ನಲ್ಲಿ ಆಂಗ್ಲರ ವಿರುದ್ಧ ಸೋತಾಗ ಪಾಕ್ ಮಾಜಿ ವೇಗಿ ಶೋಯೆಬ್ ಮಲಿಕ್ ಒಡೆದ ಹೃದಯದ ಇಮೋಜಿ ಹಾಕಿ ಅಣಕಿಸಿದ್ದರು. ಇಂದು ಪಾಕ್ ಸೋತಿದ್ದು, ಇದಕ್ಕೆ ಭಾರತದ ವೇಗಿ ಮೊಹಮದ್ ಶಮಿ ತಿರುಗೇಟು ನೀಡಿದ್ದಾರೆ.
ಟ್ವಿಟರ್ನಲ್ಲಿ ಹೃದಯ ಒಡೆದ ಮೂರು ಇಮೋಜಿಗಳನ್ನು ಹಂಚಿಕೊಂಡ ಶಮಿ, "ಸ್ವಾರಿ ಬ್ರದರ್, ಮಾಡಿದ ಕರ್ಮದ ಪ್ರತಿಫಲ" ಎಂದು ಬರೆದು ತಿವಿದಿದ್ದಾರೆ. ಶೋಯೆಬ್ ಅಖ್ತರ್ರ ಟ್ವೀಟ್ ಅನ್ನು ರೀಟ್ವಿಟ್ ಮಾಡಿರುವ ಶಮಿ ಪಾಕ್ ಮಾಜಿ ಆಟಗಾರನಿಗೆ ಗುದ್ದು ನೀಡಿದ್ದಾರೆ.
ಇದಕ್ಕೆ ತರಹೇವಾರಿ ಕಮೆಂಟ್ಗಳು ಬಂದಿದ್ದು, ಶೋಯೆಬ್ ಬೆವರಿಳಿಸಿದ್ದಾರೆ. ಆಟದಲ್ಲಿ ಸೋಲು ಗೆಲುವು ಸಹಜ. ಅದನ್ನು ಸ್ಫೂರ್ತಿದಾಯಕವಾಗಿ ಸ್ವೀಕರಿಸಬೇಕು ಎಂದು ಸಲಹೆ ನೀಡಿದ್ದಾರೆ. ಅಲ್ಲದೇ, ಈ ಹಿಂದೆ ಪಾಕಿಸ್ತಾನ ಭಾರತದ ಎದುರು ಹೀನಾಯ ಆಟವಾಡಿದ ಬಗ್ಗೆಯೂ ಕಮೆಂಟ್ ಮಾಡಲಾಗಿದೆ.