16 ವರ್ಷ ಕಳೆದರೂ ಎಂಎಸ್ ಧೋನಿಯ ಈ ದಾಖಲೆ ಯಾರಿಂದಲೂ ಮುರಿಯಲಾಗಿಲ್ಲ

ಧೋನಿ ಮೊದಲ ಬಾರಿ ಅಗ್ರಸ್ಥಾನಕ್ಕೇರಿ ಇಂದಿಗೆ 16 ವರ್ಷಗಳಾಗಿವೆ. ಇಂದಿಗೂ ವೇಗವಾಗಿ ಅಗ್ರಸ್ಥಾನ ಪಡೆದ ವಿಶ್ವದಾಖಲೆ ಮಿಸ್ಟರ್ ಕೂಲ್ ಹೆಸರಿನಲ್ಲಿದೆ. ಆದರೆ, ಧೋನಿ ಕೇವಲ 3 ದಿನಗಳ ಕಾಲ ಆ ಸ್ಥಾನವನ್ನು ಅಲಂಕರಿಸಿದ್ದರು. ಮತ್ತೆ 2008ರಲ್ಲಿ ಅಗ್ರಸ್ಥಾನಕ್ಕೇರಿದ ಅವರು ಬರೋಬ್ಬರಿ 2 ವರ್ಷಗಳ ಕಾಲ ಏಕದಿನ ಕ್ರಿಕೆಟ್​ನ ಸಾಮ್ರಾಟ್ ಆಗಿ ಮೆರೆದಾಡಿದ್ದರು..

ಮುಂಬೈ :ಭಾರತ ಕಂಡಂತಹ ಶ್ರೇಷ್ಠ ನಾಯಕರ ಸಾಲಿನಲ್ಲಿ ಅಗ್ರಸ್ಥಾನದಲ್ಲಿ ಕಂಡು ಬರುವ ಮಹೇಂದ್ರ ಸಿಂಗ್ ಧೋನಿ ಇಂದಿಗೆ 16 ವರ್ಷಗಳ ಹಿಂದೆ ಐಸಿಸಿ ಏಕದಿನ ಶ್ರೇಯಾಂಕದಲ್ಲಿ ಮೊದಲ ಬಾರಿಗೆ ನಂಬರ್ 1 ಪಟ್ಟ ಅಲಂಕರಿಸಿದ್ದರು. 2004ರಲ್ಲಿ ಪದಾರ್ಪಣೆ ಮಾಡಿದ್ದ ಧೋನಿ ವೇಗವಾಗಿ ವಿಶ್ವದ ನಂಬರ್​ 1 ಬ್ಯಾಟರ್​ ಎನಿಸಿದ್ದರು.

2004ರಲ್ಲಿ ಏಕದಿನ ಕ್ರಿಕೆಟ್​ಗೆ ಪದಾರ್ಪಣೆ ಮಾಡಿದ್ದ ನೀಳ ಕೂದಲ ಧೋನಿ ಕೇವಲ 38 ಇನ್ನಿಂಗ್ಸ್​ಗಳಲ್ಲಿ ಏಕದಿನ ಕ್ರಿಕೆಟ್​​ನ ನಂಬರ್​ 1 ಬ್ಯಾಟರ್​ ಸ್ಥಾನವನ್ನು ಅಲಂಕರಿಸಿದ್ದರು. 2006ರ ಏಪ್ರಿಲ್ 20ರ ವೇಳೆ ಧೋನಿ ಭಾರತದ ಪರ 42 ಏಕದಿನ ಪಂದ್ಯವನ್ನಾಡಿ, 38 ಇನ್ನಿಂಗ್ಸ್​ಗಳಿಂದ 52.76ರ ಸರಾಸರಿಯಲ್ಲಿ ಬ್ಯಾಟಿಂಗ್ ಮಾಡಿ 1372 ರನ್​ಗಳಿಸಿದ್ದರು. 103ರ ಸ್ಟ್ರೈಕ್​ರೇಟ್​ನಲ್ಲಿ ಅಬ್ಬರಿಸಿದ್ದ ಧೋನಿ 2 ಶತಕ ಮತ್ತು 8 ಅರ್ಧಶತಕ ಸಿಡಿಸಿ ಏಕದಿನ ಇತಿಹಾಸದಲ್ಲಿ ವೇಗವಾಗಿ ಶ್ರೇಯಾಂಕ ಪಟ್ಟಿಯಲ್ಲಿ ಅಗ್ರಸ್ಥಾನ ಪಡೆದಿದ್ದರು.

ಧೋನಿ ಮೊದಲ ಬಾರಿ ಅಗ್ರಸ್ಥಾನಕ್ಕೇರಿ ಇಂದಿಗೆ 16 ವರ್ಷಗಳಾಗಿವೆ. ಇಂದಿಗೂ ವೇಗವಾಗಿ ಅಗ್ರಸ್ಥಾನ ಪಡೆದ ವಿಶ್ವದಾಖಲೆ ಮಿಸ್ಟರ್ ಕೂಲ್ ಹೆಸರಿನಲ್ಲಿದೆ. ಆದರೆ, ಧೋನಿ ಕೇವಲ 3 ದಿನಗಳ ಕಾಲ ಆ ಸ್ಥಾನವನ್ನು ಅಲಂಕರಿಸಿದ್ದರು. ಮತ್ತೆ 2008ರಲ್ಲಿ ಅಗ್ರಸ್ಥಾನಕ್ಕೇರಿದ ಅವರು ಬರೋಬ್ಬರಿ 2 ವರ್ಷಗಳ ಕಾಲ ಏಕದಿನ ಕ್ರಿಕೆಟ್​ನ ಸಾಮ್ರಾಟ್ ಆಗಿ ಮೆರೆದಾಡಿದ್ದರು.

ವಿರಾಟ್​ ಕೊಹ್ಲಿ ಏಕದಿನ ಕ್ರಿಕೆಟ್​ನಲ್ಲಿ ಅಗ್ರಸ್ಥಾನಕ್ಕೇರುವ ಮುನ್ನ ನಂಬರ್​ 1 ಶ್ರೇಯಾಂಕದಲ್ಲಿ ಅತಿ ಹೆಚ್ಚು ದಿನ ಕಳೆದ ಭಾರತೀಯ ಬ್ಯಾಟರ್​ ಎನಿಸಿದ್ದರು. ವಿರಾಟ್​ 2017ರಿಂದ 2021ರವರೆಗೆ ಬರೋಬ್ಬರಿ 1420 ದಿನಗಳ ಕಾಲ ಅಗ್ರಸ್ಥಾನದಲ್ಲಿ ಕಳೆದು ಧೋನಿಯನ್ನು ಹಿಂದಿಕ್ಕಿದ್ದರು.

ಇದನ್ನೂ ಓದಿ: ಕೊಹ್ಲಿ ಇನ್ನೂ ಐದಾರು ವರ್ಷ ಕ್ರಿಕೆಟ್​ ಆಡಬೇಕಾದ್ರೆ, ಸದ್ಯಕ್ಕೆ ಒಂದು ಬ್ರೇಕ್ ಅಗತ್ಯ: ರವಿಶಾಸ್ತ್ರಿ