ರೋಹಿತ್ ಶರ್ಮಾರ ಮೊದಲ ಟಿ-20 ಶತಕಕ್ಕೆ 9ನೇ ವರ್ಷದ ಸಂಭ್ರಮ

ಐಪಿಎಲ್​ನಲ್ಲಿ ಅತಿ ಹೆಚ್ಚು ಪ್ರಶಸ್ತಿ ಗೆದ್ದಿರುವ ನಾಯಕನಾಗಿರುವ ರೋಹಿತ್ ಶರ್ಮಾ 2012, ಮೇ 12ರಂದು ತಮ್ಮ ಮೊದಲ ಟಿ-20 ಮತ್ತು ಐಪಿಎಲ್​ನ ಏಕೈಕ ಶತಕ ಸಿಡಿಸಿದ್ದರು. ಅವರು 5ನೇ ಆವೃತ್ತಿಯ 58ನೇ ಪಂದ್ಯದಲ್ಲಿ ಕೋಲ್ಕತ್ತಾ ನೈಟ್​ ರೈಡರ್ಸ್ ವಿರುದ್ಧ ಶತಕ ಸಿಡಿಸಿದ್ದರು.

ಮುಂಬೈ: ಮುಂಬೈ ಇಂಡಿಯನ್ಸ್ ತಂಡದ ನಾಯಕ ರೋಹಿತ್ ಶರ್ಮಾ ತಮ್ಮ ಮೊದಲ ಟಿ-20 ಹಾಗೂ ಐಪಿಎಲ್​ನ ಏಕೈಕ ಶತಕ ಸಿಡಿಸಿ ಇಂದಿಗೆ 9 ವರ್ಷ ಕಳೆದಿದೆ.

ಐಪಿಎಲ್​ನಲ್ಲಿ ಅತಿ ಹೆಚ್ಚು ಪ್ರಶಸ್ತಿ ಗೆದ್ದಿರುವ ನಾಯಕನಾಗಿರುವ ರೋಹಿತ್ ಶರ್ಮಾ 2012, ಮೇ 12ರಂದು ತಮ್ಮ ಮೊದಲ ಟಿ-20 ಮತ್ತು ಐಪಿಎಲ್​ನ ಏಕೈಕ ಶತಕ ಸಿಡಿಸಿದ್ದರು. ಅವರು 5ನೇ ಆವೃತ್ತಿಯ 58ನೇ ಪಂದ್ಯದಲ್ಲಿ ಕೋಲ್ಕತ್ತಾ ನೈಟ್​ ರೈಡರ್ಸ್ ವಿರುದ್ಧ ಶತಕ ಸಿಡಿಸಿದ್ದರು.

ಅಂದು ಮೊದಲು ಬ್ಯಾಟಿಂಗ್ ಮಾಡಿದ ಮುಂಬೈ ಇಂಡಿಯನ್ಸ್ 20 ಓವರ್​ಗಳಲ್ಲಿ 1 ವಿಕೆಟ್ ಕಳೆದುಕೊಂಡು 182 ರನ್​ ಗಳಿಸಿತ್ತು ಹರ್ಶಲ್ ಗಿಬ್ಸ್ ಅಜೇಯ 66 ರನ್ ​ಗಳಿಸಿದರೆ, ರೋಹಿತ್ ಅಜೇಯ ಶತಕ ಸಿಡಿಸಿದ್ದರು. ಅವರು ಒಟ್ಟಾರೆ 60 ಎಸೆತಗಳಲ್ಲಿ 12 ಬೌಂಡರಿ ಮತ್ತು 5 ಭರ್ಜರಿ ಸಿಕ್ಸರ್​ಗಳ ನೆರವಿನಿಂದ 109 ರನ್ ​ಗಳಿಸಿದ್ದರು. ಈ ಪಂದ್ಯವನ್ನು ಮುಂಬೈ ಇಂಡಿಯನ್ಸ್ 27 ರನ್​ಗಳಿಂದ ಗೆಲುವು ಸಾಧಿಸಿತ್ತು.

ರೋಹಿತ್​ ಶರ್ಮಾ ಆನಂತರ ಐಪಿಎಲ್​ನಲ್ಲಿ ಶತಕ ಸಿಡಿಸಿಲ್ಲವಾದರೂ ಭಾರತ ತಂಡದ ಪರ 4 ಶತಕ ಸಿಡಿಸಿದ್ದಾರೆ. ಹಿಟ್​ಮ್ಯಾನ್​ ಅಂತಾರಾಷ್ಟ್ರೀಯ ಟಿ-20ಯಲ್ಲಿ ಹೆಚ್ಚು ಶತಕ ಸಿಡಿಸಿರುವ ದಾಖಲೆಯನ್ನು ಹೊಂದಿದ್ದಾರೆ.

ರೋಹಿತ್​ ​ 2015ರಲ್ಲಿ ಧರ್ಮಾಶಾಲಾದಲ್ಲಿ ದಕ್ಷಿಣ ಆಫ್ರಿಕಾ ವಿರುದ್ಧ 106, 2017ರಲ್ಲಿ ಶ್ರೀಲಂಕಾ ವಿರುದ್ಧ 118, 2018ರಲ್ಲಿ ಇಂಗ್ಲೆಂಡ್ ವಿರುದ್ಧ ಅಜೇಯ 100 ಮತ್ತು ವೆಸ್ಟ್​ ಇಂಡೀಸ್ ವಿರುದ್ಧ 2018ರಲ್ಲಿ ಅಜೇಯ 111 ರನ್​ ಗಳಿಸಿದ್ದಾರೆ.

ಇದನ್ನು ಓದಿ: 34ನೇ ವಸಂತಕ್ಕೆ ಕಾಲಿಟ್ಟ ಕೀರನ್ ಪೊಲಾರ್ಡ್.. ವಿಶೇಷ ವಿಡಿಯೋ ಮೂಲಕ ಮುಂಬೈ ತಂಡದಿಂದ ಶುಭಾಶಯ