ಕಿವೀಸ್ ಆಟಗಾರರು ಮಾಲ್ಡೀವ್ಸ್​ನಿಂದ ನೇರವಾಗಿ ಇಂಗ್ಲೆಂಡ್​ಗೆ ತೆರಳುವ ಸಾಧ್ಯತೆ

ಮಾಲ್ಡೀವ್ಸ್ ಕೂಡ ಇಂಗ್ಲೆಂಡ್​ನ ರೆಡ್​ಲಿಸ್ಟ್​ನಲ್ಲಿದೆ. ಇದರರ್ಥ ಮಾಲ್ಡೀವ್ಸ್​ನಿಂದ ಇಂಗ್ಲೆಂಡ್​ಗೆ ನೇರವಾಗಿ ವಿಮಾನಯಾನಕ್ಕೆ ಅನುಮತಿ ಇಲ್ಲ. ಆದರೆ, ಸ್ಥಳೀಯರು ಬಂದರೆ ಸರ್ಕಾರ ಗೊತ್ತು ಮಾಡಿರುವ ಸ್ಥಳದಲ್ಲಿ 10 ದಿನಗಳ ಕಾಲ ಕ್ವಾರಂಟೈನ್ ಮಾಡಬೇಕಿರುತ್ತದೆ..

ವೆಲ್ಲಿಂಗ್ಟನ: ಮುಂದೂಡಲ್ಪಟ್ಟ ಇಂಡಿಯನ್ಸ್ ಪ್ರೀಮಿಯರ್​ ಲೀಗ್​ನ ಭಾಗವಾಗಿದ್ದ ಕಿವೀಸ್​ ಆಟಗಾರರು ಭಾರತ ತಂಡದ ವಿರುದ್ಧ ಟೆಸ್ಟ್​ ಚಾಂಪಿಯನ್​ಶಿಪ್​ ಫೈನಲ್​ ಮತ್ತು ಇಂಗ್ಲೆಂಡ್ ವಿರುದ್ಧದ 2 ಪಂದ್ಯಗಳ ಟೆಸ್ಟ್​ ಸರಣಿಗಾಗಿ ಈ ವಾರಂತ್ಯಕ್ಕೆ ಇಂಗ್ಲೆಂಡ್​ಗೆ ಪ್ರಯಾಣ ಬೆಳೆಸಲಿದ್ದಾರೆ ಎಂದು ಕಿವೀಸ್ ಕೋಚ್​ ಗ್ಯಾರಿ ಸ್ಟೆಡ್​ ತಿಳಿಸಿದ್ದಾರೆ.

ಸನ್​ರೈಸರ್ಸ್​ ಹೈದರಾಬಾದ್​ ತಂಡದ ನಾಯಕ ಕೇನ್ ವಿಲಿಯಮ್ಸನ್, ಆರ್​ಸಿಬಿಯ ಕೈಲ್ ಜೆಮೀಸನ್ ಮತ್ತು ಚೆನ್ನೈ ಸೂಪರ್​ ಕಿಂಗ್ಸ್ ತಂಡದ ಮಿಚೆಲ್ ಸ್ಯಾಂಟ್ನರ್​ ಹಾಗೂ ಪಿಸಿಯೋ ಟಾಮಿ ಸೆಮ್​ಸೆರ್ಕ್​ ಪ್ರಸ್ತುತ ಮಾಲ್ಡೀವ್ಸ್​ನಲ್ಲಿ ಕ್ವಾರಂಟೈನ್‌ನಲ್ಲಿದ್ದಾರೆ.

ನನಗೆ ಅವರ ಬಗ್ಗೆ ಸಂಪೂರ್ಣ ವಿವಿರ ತಿಳಿದಿಲ್ಲ. ಅವರು (ಮೇ 15,16, 17) ಈ ವಾರದ ಅಂತ್ಯದಲ್ಲಿ ಇಂಗ್ಲೆಂಡ್​ಗೆ ತೆರಳಲು ಎದುರು ನೋಡುತ್ತಿದ್ದಾರೆ ಎಂಬುದು ನನಗೆ ತಿಳಿದು ಬಂದಿದೆ. ನನ್ನ ಅನಿಸಿಕೆ ಏನೆಂದರೆ, ನ್ಯೂಜಿಲ್ಯಾಂಡ್​ಗೆ ಬದಲಾಗಿ ಮಾಲ್ಡೀವ್ಸ್​ನಿಂದ ಬರುವುದರ ಕುರಿತು ಇಂಗ್ಲೆಂಡ್ ಕ್ರಿಕೆಟ್ ಬೋರ್ಡ್​ ಕಾರ್ಯ ನಿರ್ವಹಿಸುತ್ತಿದೆ ಎಂದು ಸ್ಟೆಡ್​ ತಿಳಿಸಿದ್ದಾರೆ.

ಏಕೆಂದರೆ ಮಾಲ್ಡೀವ್ಸ್ ಕೂಡ ಇಂಗ್ಲೆಂಡ್​ನ ರೆಡ್​ಲಿಸ್ಟ್​ನಲ್ಲಿದೆ. ಇದರರ್ಥ ಮಾಲ್ಡೀವ್ಸ್​ನಿಂದ ಇಂಗ್ಲೆಂಡ್​ಗೆ ನೇರವಾಗಿ ವಿಮಾನಯಾನಕ್ಕೆ ಅನುಮತಿ ಇಲ್ಲ. ಆದರೆ, ಸ್ಥಳೀಯರು ಬಂದರೆ ಸರ್ಕಾರ ಗೊತ್ತು ಮಾಡಿರುವ ಸ್ಥಳದಲ್ಲಿ 10 ದಿನಗಳ ಕಾಲ ಕ್ವಾರಂಟೈನ್ ಮಾಡಬೇಕಿರುತ್ತದೆ.

ಇದೇ ಸಂದರ್ಭದಲ್ಲಿ ಟ್ರೆಂಟ್​ ಬೌಲ್ಟ್ ಬಗ್ಗೆ ಮಾತನಾಡಿರುವ ಸ್ಟೆಡ್​, ಅವರು ಕೇವಲ ಭಾರತದ ವಿರುದ್ದದ ಟೆಸ್ಟ್​ ಚಾಂಪಿಯನ್​ಶಿಪ್ ಫೈನಲ್​ಗೆ ಮಾತ್ರ ಲಭ್ಯರಿರುತ್ತಾರೆ, ಇಂಗ್ಲೆಂಡ್ ವಿರುದ್ಧದ ಸರಣಿ ವೇಳೆ ಅವರು ಕುಟುಂಬದ ಜೊತೆ ಇರಲಿದ್ದಾರೆ ಎಂದು ತಿಳಿಸಿದ್ದಾರೆ.

ಇದನ್ನು ಓದಿ:ಧೋನಿ ಭಾಯ್ ಮಾರ್ಗದರ್ಶನ ಮಿಸ್​ ಮಾಡ್ಕೊಳ್ತಿದೀನಿ: ಕುಲ್ದೀಪ್ ಯಾದವ್​