ಕ್ವೀನ್ಸ್ಟೌನ್(ನ್ಯೂಜಿಲ್ಯಾಂಡ್): ಮುಂದಿನ ತಿಂಗಳಿಂದ ಆರಂಭವಾಗಲಿರುವ ಮಹಿಳಾ ಏಕದಿನ ವಿಶ್ವಕಪ್‌ ಕ್ರಿಕೆಟ್‌ಗೆ ಮುಂಚಿತವಾಗಿ ವಿವಿಧ ದೇಶಗಳ ತಂಡಗಳು ಅಭ್ಯಾಸದಲ್ಲಿ ತೊಡಗಿವೆ. ಇದರ ಭಾಗವಾಗಿ, ನ್ಯೂಜಿಲೆಂಡ್ ವಿರುದ್ಧದ ಮಹತ್ವದ ಸರಣಿಯಲ್ಲಿ ಭಾರತೀಯ ಮಹಿಳೆಯರ ತಂಡ ಭಾಗಿಯಾಗಿದ್ದು, ಇಂದು ಮೊದಲ ಮತ್ತು ಏಕೈಕ ಟಿ-20 ಪಂದ್ಯದಲ್ಲಿ 18 ರನ್ಗಳ ಅಂತರದಲ್ಲಿ ಸೋಲು ಕಂಡಿತು.
ಕ್ವೀನ್ಸ್ಟೌನ್ನ ಜಾನ್ ಡೇವಿಸ್ ಓವಲ್ ಕ್ರೀಡಾಂಗಣದಲ್ಲಿ ಪಂದ್ಯ ನಡೆದಿದ್ದು, ಟಾಸ್ ಗೆದ್ದು ಬೌಲಿಂಗ್ ಆಯ್ಕೆ ಮಾಡಿಕೊಂಡ ಭಾರತೀಯ ವನಿತೆಯರ ತಂಡಕ್ಕೆ ನ್ಯೂಜಿಲ್ಯಾಂಡ್ 155 ರನ್ಗಳ ಗುರಿ ನೀಡಿತು. ತಂಡದ ಪರವಾಗಿ ಸುಜಿ ಬೇಟ್ಸ್ 36, ಸೋಫಿ ಡಿವೈನ್ 31, ಅಮೇಲಿಯಾ ಕೆರ್ 17, ಮ್ಯಾಡಿ ಗ್ರೀನ್ 26, ಬ್ರೂಕ್ ಹಲ್ಲಿಡೆ 27 ರನ್ಗಳ ಕೊಡುಗೆ ನೀಡಿದರು.
ಈ ವೇಳೆ, ಭಾರತೀಯ ವನಿತೆಯರು ಕೇವಲ 5 ವಿಕೆಟ್ ಪಡೆಯಲಷ್ಟೇ ಶಕ್ತರಾದರು. ಪೂಜಾ ವಸ್ತ್ರಾಕರ್, ದೀಪ್ತಿ ಶರ್ಮ ತಲಾ ಎರಡು ವಿಕೆಟ್ ಪಡೆದರೆ, ರಾಜೇಶ್ವರಿ ಗಾಯಕ್ವಾಡ್ 1 ವಿಕೆಟ್ ಪಡೆದರು.