4 ಬಾಲಿಗೆ 4 ವಿಕೆಟ್ ​:ವಿಟ್ಯಾಲಿಟಿ ಟಿ20 ಬ್ಲಾಸ್ಟ್​ನಲ್ಲಿ​ ಪಾಕ್‌ನ ಶಾಹೀನ್ ಆಫ್ರಿದಿ ಡಬಲ್​ ಹ್ಯಾಟ್ರಿಕ್​

17 ನೇ ಓವರ್​ನ 3ನೇ ಎಸೆತದಲ್ಲಿ ಸಿಂಪ್ಸನ್​(48), 4ನೇ ಎಸೆತದಲ್ಲಿ ಸ್ಟೆವೆನ್​ ಫಿನ್​(0), 5ನೇ ಎಸೆತದಲ್ಲಿ ತಿಲಾನ್​ ವಾಲಲ್ಲವಟ್ಟ(0) ಹಾಗೂ ಕೊನೆಯ ಎಸೆದಲ್ಲಿ ಟಿಮ್ ಮರ್ಟ್ಯಾಗ್​(0) ಅವರನ್ನು ಬೌಲ್ಡ್​ ಮಾಡಿದರು..

ಸೌತಾಂಪ್ಟನ್​ :ಪಾಕಿಸ್ತಾನದ ಯುವ ಬೌಲರ್​ ಶಾಹೀನ್​ ಆಫ್ರಿದಿ ಇಂಗ್ಲೆಂಡ್​ನ ಟಿ20 ಬ್ಲಾಸ್ಟ್​ನಲ್ಲಿ 4 ಸತತ ಎಸೆತಗಳಲ್ಲಿ 4 ವಿಕೆಟ್​ ಪಡೆಯುವ ಮೂಲಕ ಹ್ಯಾಂಪ್​ಶೈರ್​ ತಂಡಕ್ಕೆ ಅಚ್ಚರಿಯ ಗೆಲುವು ತಂದುಕೊಟ್ಟಿದ್ದಾರೆ.

ಮೊದಲು ಬ್ಯಾಟಿಂಗ್ ನಡೆಸಿದ್ದ ಹ್ಯಾಂಪ್​ಶೈರ್​ 20 ಓವರ್​ಗಳಲ್ಲಿ 9 ವಿಕೆಟ್​ ಕಳೆದುಕೊಂಡು 141ರನ್​ಗಳಿಸಿತ್ತು. 142 ರನ್​ಗಳ ಗುರಿ ಬೆನ್ನಟ್ಟಿದ ಮಿಡ್ಲ್​ಎಸೆಕ್ಸ್​ ಶಾಹೀನ್​ ಆಫ್ರಿದಿ (19ಕ್ಕೆ6)ಬೌಲಿಂಗ್ ದಾಳಿಗೆ ತತ್ತರಿಸಿ 121ರನ್​ಗಳಿಗೆ ಆಲೌಟ್​ ಆಗುವ ಮೂಲಕ 20 ರನ್​ಗಳ ಸೋಲನುಭವಿಸಿದೆ.

ಮಿಡ್ಲ್​ಎಸೆಕ್ಸ್​ಗೆ ಗೆಲ್ಲಲು ಕೊನೆಯ 18 ಎಸೆತಗಳಲ್ಲಿ 22 ರನ್​ಗಳ ಅವಶ್ಯಕತೆಯಿತ್ತು. ಕೈಯಲ್ಲಿ ನಾಲ್ಕು ವಿಕೆಟ್​ಗಳಿದ್ದವು. ಅದರಲ್ಲೂ 48 ರನ್​ಗಳಿಸಿದ್ದ ಸಿಂಪ್ಸನ್​ ಕೂಡ ಕ್ರೀಸ್​ನಲ್ಲಿದ್ದರು. ಆದರೆ, 18ನೇ ಓವರ್​ನ ಮೊದಲ ಎರಡು ಎಸೆತಗಳಲ್ಲಿ 2 ರನ್​ ಬಿಟ್ಟುಕೊಟ್ಟ ಆಫ್ರಿದಿ ಉಳಿದ ನಾಲ್ಕು ಎಸೆತಗಳಲ್ಲಿ ಮಿಡ್ಲ್​ಎಸೆಕ್ಸ್​ ತಂಡದ ಎಲ್ಲಾ ನಾಲ್ಕು ವಿಕೆಟ್​ ಪಡೆದು ಹ್ಯಾಂಪ್​ಶೈರ್​ಗೆ 20 ರನ್​ಗಳ ಅಚ್ಚರಿಯ ಗೆಲುವು ತಂದುಕೊಟ್ಟರು.

17 ನೇ ಓವರ್​ನ 3ನೇ ಎಸೆತದಲ್ಲಿ ಸಿಂಪ್ಸನ್​(48), 4ನೇ ಎಸೆತದಲ್ಲಿ ಸ್ಟೆವೆನ್​ ಫಿನ್​(0), 5ನೇ ಎಸೆತದಲ್ಲಿ ತಿಲಾನ್​ ವಾಲಲ್ಲವಟ್ಟ(0) ಹಾಗೂ ಕೊನೆಯ ಎಸೆದಲ್ಲಿ ಟಿಮ್ ಮರ್ಟ್ಯಾಗ್​(0) ಅವರನ್ನು ಬೌಲ್ಡ್​ ಮಾಡಿದರು.

ಈ ಮೂಲಕ ಟಿ20 ಕ್ರಿಕೆಟ್​ನಲ್ಲಿ ಸತತ ನಾಲ್ಕು ಎಸೆತಗಳಲ್ಲಿ ನಾಲ್ಕು ವಿಕೆಟ್​ ಪಡೆದ ವಿಶ್ವದ 6ನೇ ಬೌಲರ್​ ಎಂಬ ದಾಖಲೆಗೆ ಪಾತ್ರರಾದರು. ಆಫ್ರಿದಿಗೂ ಮೊದಲು ವಿಂಡೀಸ್​ನ ಆ್ಯಂಡ್ರೆ ರಸೆಲ್​(2013), ಬಾಗ್ಲಾದೇಶದ ಆಲ್​ ಅಮಿನ್​ ಹುಸೈನ್​ (2013), ಆಫ್ಘಾನಿಸ್ಥಾನದ ರಶೀದ್ ಖಾನ್​(2019), ಶ್ರೀಲಂಕಾದ ಲಸಿತ್​ ಮಾಲಿಂಗಾ(2019) ಹಾಗೂ ಭಾರತದ (ಕರ್ನಾಟಕದ) ಅಭಿಮನ್ಯು ಮಿಥುನ್​ 2019ರಲ್ಲಿ ಈ ಸಾಧನೆ ಮಾಡಿದ್ದರು.

ವಿಶೇಷವೆಂದ್ರೆ ಈ ಪಂದ್ಯದಲ್ಲಿ ಆಫ್ರಿದಿ ಡಬಲ್​ ಹ್ಯಾಟ್ರಿಕ್​ ಸಹಿತ 19 ರನ್​ ನೀಡಿ 6 ವಿಕೆಟ್ ಪಡೆದರು. ಎಲ್ಲಾ ಆರು ವಿಕೆಟ್​ ಬೌಲ್ಡ್​ ಮಾಡುವ ಮೂಲಕವೇ ಪಡೆದಿದ್ದಾರೆ.