2007ರ ಈ ದಿನ.. ಪಾಕ್​ ವಿರುದ್ಧ ಟೀಂ ಇಂಡಿಯಾ ಐತಿಹಾಸಿಕ ಬೌಲ್‌ಔಟ್ ಜಯಕ್ಕೆ 13 ವರ್ಷ

ಎರಡು ತಂಡಕ್ಕೂ 6 ಅವಕಾಶ ನೀಡಲಾಗಿತ್ತು. ಭಾರತದ ಪರ ಹರ್ಭಜನ್​ ಸಿಂಗ್, ವಿರೇಂದ್ರ ಸೆಹ್ವಾಗ್‌​ ಹಾಗೂ ರಾಬಿನ್​ ಉತ್ತಪ್ಪ ಸ್ಟಂಪ್​ಗೆ ಹೊಡೆಯುವುಯದರಲ್ಲಿ ಯಶಸ್ವಿಯಾಗಿದ್ರು..

ಮುಂಬೈ :ಚೊಚ್ಚಲ ಟಿ20 ವಿಶ್ವಕಪ್​ನಲ್ಲಿ ಭಾರತ ಪಾಕಿಸ್ತಾನದ ವಿರುದ್ಧ ಜಯಗಳಿಸುವ​ ಮೂಲಕ ತನ್ನ ಅಭಿಯಾನ ಆರಂಭಿಸಿತು. ​ಟೈ ಆಗಿದ್ದ ಈ ಪಂದ್ಯದಲ್ಲಿ ಭಾರತ ಐತಿಹಾಸಿಕ ಬೌಲ್‌ಔಟ್ ಮೂಲಕ ಗೆಲುವು ಪಡೆದಿದ್ದು ವಿಶೇಷ.

ಸೆಪ್ಟೆಂಬರ್​ 14, 2007ರ ಮಹೇಂದ್ರ ಸಿಂಗ್ ಧೋನಿ ನೇತೃತ್ವದ ಭಾರತ ತಂಡದ ಮೊದಲು ಬ್ಯಾಟಿಂಗ್ ನಡೆಸಿ 141 ರನ್​ಗಳಿಸಿತ್ತು. ಕನ್ನಡಿಗ ರಾಬಿನ್ ಉತ್ತಪ್ಪ 39 ಎಸೆತಗಳಲ್ಲಿ 50 ರನ್​ಗಳಿಸಿದ್ರೆ, ಧೋನಿ 33 ರನ್​ಗಳಿಸಿದ್ದರು. ಇದಕ್ಕುತ್ತರವಾಗಿ ಪಾಕ್‌ ಕೂಡ 20 ಓವರ್​ಗಳಲ್ಲಿ 7 ವಿಕೆಟ್​ ಕಳೆದುಕೊಂಡು 141 ರನ್​ಗಳಿಸಿತ್ತು.

ವಿಜೇತರನ್ನು ಘೋಷಣೆ ಮಾಡಲು ಬೌಲ್‌ಔಟ್​ ಮೊರೆ ಹೋಗಲಾಗಿತ್ತು. ಎರಡು ತಂಡಕ್ಕೂ 5 ಅವಕಾಶ ನೀಡಲಾಗಿತ್ತು. ಭಾರತದ ಪರ ಹರ್ಭಜನ್​ ಸಿಂಗ್, ವಿರೇಂದ್ರ ಸೆಹ್ವಾಗ್‌​ ಹಾಗೂ ರಾಬಿನ್​ ಉತ್ತಪ್ಪ ಸ್ಟಂಪ್​ಗೆ ಹೊಡೆಯುವುಯದರಲ್ಲಿ ಯಶಸ್ವಿಯಾದ್ರು. ಪಾಕಿಸ್ತಾನದ ಪರ ಉಮರ್​ ಗುಲ್​, ಶಾಹಿದ್​ ಆಫ್ರಿದಿ ಹಾಗೂ ಯಾಸೀರ್​ ಅರಾಫತ್​ ವಿಫಲರಾಗಿದ್ದರಿಂದ ಭಾರತ 3-0ಯಲ್ಲಿ ಗೆಲುವು ಸಾಧಿಸಿತ್ತು.

ಟೂರ್ನಿಯಲ್ಲಿ ಉತ್ತಮ ಪ್ರದರ್ಶನ ತೋರಿದ ಯಂಗ್​ ಇಂಡಿಯಾ ಫೈನಲ್​ನಲ್ಲಿ ಇದೇ ಪಾಕ್‌ನ ಬಗ್ಗುಬಡಿದು ಚೊಚ್ಚಲ ಟಿ20 ವಿಶ್ವಕಪ್​ ಎತ್ತಿ ಹಿಡಿದಿತ್ತು.