ಆಕ್ಲೆಂಡ್:ಮೊದಲ ಏಕದಿನ ಪಂದ್ಯದಲ್ಲಿಭಾರತ ಕೊಟ್ಟಿದ್ದ ಬೃಹತ್ ಮೊತ್ತವನ್ನು 7 ವಿಕೆಟ್ಗಳಿಂದ ಕಿವೀಸ್ ಗೆದ್ದು ಕೊಂಡಿದೆ. ಟಾಮ್ ಲ್ಯಾಥಮ್ ಮತ್ತು ನಾಯಕ ಕೇನ್ ವಿಲಿಯಮ್ಸನ್ ಅವರ 200 ರನ್ಗಳ ಜೊತೆಯಾಟಕ್ಕೆ ಗೆಲುವು ದೊರೆತಿದೆ. ಕಿವೀಸ್ ಆಟದ ಮುಂದೆ ಭಾರತೀಯ ಬೌಲಿಂಗ್ ಮಂಕಾಗಿದೆ.
ಮೊದಲು ಬ್ಯಾಟ್ ಮಾಡಿದ ಭಾರತ ಅಯ್ಯರ್, ಧವನ್ ಮತ್ತು ಗಿಲ್ ಅವರ ಅರ್ಧ ಶತಕದ ನೆರವಿನಿಂದ 306 ರನ್ಗಳ ಬೃಹತ್ ಮೊತ್ತವನ್ನು ನೀಡಿತ್ತು. ಅದನ್ನು ಬೆನ್ನು ಹತ್ತಿದ ನ್ಯೂಜಿಲ್ಯಾಂಡ್ ತಂಡ ಕೇವಲ ಮೂರು ವಿಕೆಟ್ ಕಳೆದು ಕೊಂಡು ಗುರಿ ಸಾಧಿಸಿದೆ.
ಆರಂಭಿಕ ಆಘಾತ:307 ಗರಿ ಬೆನ್ನು ಹತ್ತಿದ್ದ ನ್ಯೂಜಿಲ್ಯಾಂಡ್ಗೆ ಶಾರ್ದೂಲ್ ಠಾಕೂರ್ ಮೊದಲ ಶಾಕ್ ನೀಡಿದರು. 7.3 ನೇ ಚೆಂಡು ಎದುರಿಸುತ್ತಿದ್ದ ಫಿನ್ ಅಲೆನ್(22) ಶಾರ್ದೂಲ್ ಎಸೆದ ಟೆಸ್ಟ್ ಲೈನ್ ಬೌಲ್ ಬ್ಯಾಟ್ಗೆ ಎಡ್ಜ್ ಆಗಿ ಪಂತ್ ಕೈ ಸೇರಿತು. ತಂಡದ 35 ಆಗಿದ್ದಾಗ ಅಲೆನ್ ವಿಕೆಟ್ ನೀಡಿ ಪೆವಿಲಿಯನ್ಗೆ ಹೆಜ್ಜೆ ಹಾಕಿದರು.
ಮೊದಲ ವಿಕೆಟ್ ಪತನವಾಗಿ ನ್ಯೂಜಿಲ್ಯಾಂಡ್ ತಂಡಕ್ಕೆ 33 ರನ್ ಸೇರುತ್ತಿದ್ದಂತೆ ಚೊಚ್ಚಲ ಪಂದ್ಯ ಆಡುತ್ತಿರುವ ಉಮ್ರಾನ್ ಮಲಿಕ್ ಡೆವೊನ್ ಕಾನ್ವೇ(24) ವಿಕೆಟ್ ಪಡೆದರು.
ಮೂರನೇ ವಿಕೆಟ್ ಆಗಿ ಬಂದಿದ್ದ ನಾಯಕ ವಿಲಿಯಮ್ಸನ್ ಜತೆ ಡೇರಿಲ್ ಮಿಚೆಲ್ ಸೇರಿಕೊಂಡರು. ಮಿಚೆಲ್(11) ಕ್ರೀಸ್ನಲ್ಲಿ ಹೆಚ್ಚು ಹೊತ್ತು ನಿಲ್ಲಲಿಲ್ಲ. ಕಾಶ್ಮೀರಿ ಬೌಲರ್ ಉಮ್ರಾನ್ ಮಿಚೆಲ್ ವಿಕೆಟ್ ಪಡೆದು ಚೊಚ್ಚಲ ಪಂದ್ಯದ ಎರಡನೇ ವಿಕೆಟ್ ಪಡೆದರು.
ಬೃಹತ್ ಮೊತ್ತದ ಜೊತೆಯಾಟ: ಕಿವೀಸ್ ಮೂರನೇ ವಿಕೆಟ್ ಹೋದ ನಂತರ ನಾಯಕ ವಿಲಿಯಮ್ಸನ್(94) ಜೊತೆ ಐದನೇ ವಿಕೆಟ್ ಆಗಿ ಬಂದ ಟಾಮ್ ಲ್ಯಾಥಮ್(145) ತಂಡವನ್ನು ಗೆಲುವಿನತ್ತ ಕೊಂಡೊಯ್ಯುವ ಜೊತೆಯಾಟ ನೀಡಿದರು. ನಾಯಕ ಮತ್ತು ವಿಕೆಟ್ ಕೀಪರ್ನ 221 ರನ್ಗಳ ಬೃಹತ್ ಜೊತೆಯಾಟ ಕಿವೀಸ್ಗೆ ಗೆಲುವು ತಂದಿತ್ತಿತು.
ಟಾಮ್ ಲ್ಯಾಥಮ್ ಶತಕ:ಕ್ರೀಸ್ಗೆ ಬಂದ ಕೂಡಲೇ ಬಿರುಸಿನ ಮತ್ತು ತಾಳ್ಮೆಯ ಆಟಕ್ಕೆ ಮುಂದಾದ ಟಾಮ್ ಉತ್ತಮ ಬ್ಯಾಟಿಂಗ್ ಪ್ರದರ್ಶಸಿದರು. 76 ಎಸೆತದಲ್ಲಿ 14 ಬೌಂಡರಿ ಮತ್ತು 3 ಸಿಕ್ಸರ್ ನಿಂದ ಶತಕ ಪೂರೈಸಿದರು. ಶತಕದ ನಂತರ ಬ್ಯಾಟಿಂಗ್ ವೇಗ ಹೆಚ್ಚಿಸಿ 104 ಎಸೆತದಲ್ಲಿ 145 ರನ್ ಸಿಡಿಸಿ ಅಜೇಯರಾಗಿ ತಂಡಕ್ಕೆ ಗೆಲುವು ತಂದಿತ್ತರು.
ವಿಲಿಯಮ್ಸನ್ ಅರ್ಧಶತಕ: ಬ್ಲಾಕ್ಕ್ಯಾಪ್ಸ್ ನಾಯಕ ವಿಲಿಯಮ್ಸನ್ ಕ್ರೀಸ್ನಲ್ಲಿ ಬಲವಾಗಿ ನಿಂತು ತಾಳ್ಮೆಯಿಂದ ಭಾರತೀಯ ಬೌಲರ್ಗಳನ್ನು ದಂಡಿಸಿದರು. ಎಂದಿನಂತೆ ವಿಕೆಟ್ ಕಾಯ್ದು ಕೊಳ್ಳುವ ಕೆಲಸವನ್ನು ವಿಲಿಯಮ್ಸನ್ ಮಾಡಿದರು. 98 ಬಾಲ್ ಎದುರಿಸಿ 94 ರನ್ ದಾಖಲಿಸಿದರು. ಇದು ವಿಲಿಯಮ್ಸನ್ ಅವರ 40 ನೇ ಅರ್ಧ ಶತಕವಾಗಿದೆ.
ಚೊಚ್ಚಲ ಪಂದ್ಯದಲ್ಲಿ ಉಮ್ರಾನ್ಗೆ ವಿಕೆಟ್:ಅಂತಾರಾಷ್ಟ್ರೀಯ ಏಕದಿನ ಪಂದ್ಯಕ್ಕೆ ಇಂದು ಅರ್ಶ್‌ದೀಪ್, ಉಮ್ರಾನ್ ಪದಾರ್ಪಣೆ ಮಾಡಿದರು. ಉಮ್ರಾನ್ ಪದಾರ್ಪಣೆ ಪಂದ್ಯದಲ್ಲಿ ಎರಡು ವಿಕೆಟ್ ಪಡೆದು ಮಿಂಚಿದರು. 10 ಓವರ್ ಬೌಲ್ ಮಾಡಿದ ಇವರು 66 ರನ್ ಬಿಟ್ಟುಕೊಟ್ಟು ಡೆವೊನ್ ಕಾನ್ವೇ ಮತ್ತು ಡೇರಿಲ್ ಮಿಚೆಲ್ ಅವರ ವಿಕೆಟ್ ಪಡೆದರು. 8.1 ಓವರ್ಗೆ ಮಾಡಿ 68 ರನ್ ಕೊಟ್ಟು ಅರ್ಶ್‌ದೀಪ್ ಕೊಂಚ ದುಬಾರಿ ಆದರು.
ಟಿಮ್ ಸೌಥಿ ದಾಖಲೆ :ನ್ಯೂಜಿಲ್ಯಾಂಡ್ ಪರ ಮೊದಲ ಇನ್ನಿಂಗ್ಸ್ನಲ್ಲಿ ಬೌಲ್ ಮಾಡಿದ್ದ ಸೌಥಿ ಏಕದಿನ ಮಾದರಿಯಲ್ಲಿ 200 ವಿಕೆಟ್ ಪಡೆದ ಸಾಧನೆ ಮಾಡಿದರು. ಇಂದಿನ ಪಂದ್ಯದಲ್ಲಿ 10 ಓವರ್ಗೆ 73 ರನ್ ಕೊಟ್ಟು 3 ವಿಕೆಟ್ ಪಡೆದಿದ್ದಾರೆ. 200 ವಿಕೆಟ್ ಪಡೆದ ಪಟ್ಟಿಯಲ್ಲಿ ನಾಲ್ಕನೇ ಸ್ಥಾನ ಪಡೆದರು. ಡೇನಿಯಲ್ ವಿಕ್ಟರ್ 297, ಮಿಲ್ಸ್ 240 ಮತ್ತು ಕ್ರಿಸ್ ಹ್ಯಾರಿಸ್ 203 ವಿಕೆಟ್ ಪಡೆದಿದ್ದಾರೆ. ಸೌಥಿ 300 ಟೆಸ್ಟ್ ಪಂದ್ಯಗಳಲ್ಲಿ 347, 200 ಏಕದಿನದಲ್ಲಿನ 202 ಮತ್ತು 100 ಟಿ-20ಯಲ್ಲಿ 134 ವಿಕೆಟ್ ಪಡೆದಿದ್ದಾರೆ.
ಇದನ್ನೂ ಓದಿ:ಅಯ್ಯರ್, ಧವನ್, ಗಿಲ್ ಅರ್ಧ ಶತಕದಾಟ: ನ್ಯೂಜಿಲೆಂಡ್‌ಗೆ ಬೃಹತ್ ಟಾರ್ಗೆಟ್
