ವಿಶ್ವದಾಖಲೆಯ 10 ವಿಕೆಟ್ ಪಡೆದ ಪಟೇಲ್​ಗೆ ಮುಂದಿನ ಸರಣಿಯಲ್ಲಿ ಅವಕಾಶ ನೀಡದ ಕಿವೀಸ್!

ನ್ಯೂಜಿಲ್ಯಾಂಡ್​ ತವರಿನ ಪರಿಸ್ಥಿತಿಯಲ್ಲಿ ವೇಗಿಗಳಿಗೆ ಹೆಚ್ಚು ಮಾನ್ಯತೆ ನೀಡಲಿದೆ. ಹಾಗಾಗಿ ಸ್ಪಿನ್ನರ್​ಗಳ ಅವಶ್ಯಕತೆ ಅಗತ್ಯವಿಲ್ಲ ಎಂದು ಮುಖ್ಯ ಕೋಚ್​ ಗ್ಯಾರಿ ಸ್ಟೆಡ್​ ದಾಖಲೆಯ ವೀರನನ್ನು ಹೊರಗಿಡುವ ನಿರ್ಧಾರವನ್ನು ತೆಗೆದುಕೊಂಡಿದ್ದಾರೆ. ಸ್ಪಿನ್ ಬೌಲಿಂಗ್ ಮಾಡುವ ಸಾಮರ್ಥ್ಯವಿರುವ ಬ್ಯಾಟಿಂಗ್​ ಆಲ್​ರೌಂಡರ್​ ರಚಿನ್​ ರವೀಂದ್ರ ಅವರ ಮೇಲೆ ಹೆಚ್ಚಿನ ವಿಶ್ವಾಸವಿರಿಸಿ ಅವರು 13 ಸದಸ್ಯರ ತಂಡದಲ್ಲಿ ಅವಕಾಶ ನೀಡಿದೆ.

ವೆಲ್ಲಿಂಗ್ಟನ್: ಇತ್ತೀಚೆಗೆ ಭಾರತ ವಿರುದ್ಧ ನಡೆದ ಟೆಸ್ಟ್​ ಸರಣಿಯಲ್ಲಿ ಒಂದೇ ಇನ್ನಿಂಗ್ಸ್​ನಲ್ಲಿ 10 ವಿಕೆಟ್ ಪಡೆದು ಐತಿಹಾಸಿದ ದಾಖಲೆಗೆ ಪಾತ್ರರಾಗಿದ್ದ ನ್ಯೂಜಿಲ್ಯಾಂಡ್ ತಂಡದ ಸ್ಪಿನ್ನರ್​ ಅಜಾಜ್​ ಪಟೇಲ್​ ಅವರನ್ನು ಬಾಂಗ್ಲಾದೇಶ ವಿರುದ್ಧ ತವರಿನಲ್ಲಿ ನಡೆಯುವ ಟೆಸ್ಟ್ ಸರಣಿಯಿಂದ ಕೈಬಿಡುವ ಮೂಲಕ ನ್ಯೂಜಿಲ್ಯಾಂಡ್ ಕ್ರಿಕೆಟ್ ಮಂಡಳಿ ಅಚ್ಚರಿಯ ನಿರ್ಧಾರ ಕೈಗೊಂಡಿದೆ.

ಪಟೇಲ್ ಮುಂಬೈ ಟೆಸ್ಟ್​ನ ಮೊದಲ ಇನ್ನಿಂಗ್ಸ್​ನಲ್ಲಿ ಭಾರತ ತಂಡದ ಎಲ್ಲ 10 ವಿಕೆಟ್​ಗಳನ್ನು ಪಡೆದು ಅನಿಲ್ ಕುಂಬ್ಳೆ ಮತ್ತು ಜಿಮ್ ಲೇಕರ್​ರೊಂದಿಗೆ ವಿಶ್ವದಾಖಲೆಯನ್ನು ಹಂಚಿಕೊಂಡಿದ್ದರು. ಆದರೂ ಕಿವೀಸ್​ ಮ್ಯಾನೇಜ್​ಮೆಂಟ್​ ತವರಿನ ಸರಣಿಯಲ್ಲಿ ಅವರನ್ನು ಕೈಬಿಡುವ ಗಟ್ಟಿನಿರ್ಧಾರ ತೆಗೆದುಕೊಂಡಿರುವುದು ಕ್ರಿಕೆಟ್ ಅಭಿಮಾನಿಗಳಿಗೆ ಅಚ್ಚರಿಯನ್ನುಂಟು ಮಾಡಿದೆ.

ಪಟೇಲ್ ಕೈಬಿಡಲು ಕಾರಣ?

ನ್ಯೂಜಿಲ್ಯಾಂಡ್​ ತವರಿನ ಪರಿಸ್ಥಿತಿಯಲ್ಲಿ ವೇಗಿಗಳಿಗೆ ಹೆಚ್ಚು ಮಾನ್ಯತೆ ನೀಡಲಿದೆ. ಹಾಗಾಗಿ ಸ್ಪಿನ್ನರ್​ಗಳ ಅವಶ್ಯಕತೆ ಅಗತ್ಯವಿಲ್ಲ ಎಂದು ಮುಖ್ಯ ಕೋಚ್​ ಗ್ಯಾರಿ ಸ್ಟೆಡ್​ ದಾಖಲೆಯ ವೀರನನ್ನು ಹೊರಗಿಡುವ ನಿರ್ಧಾರವನ್ನು ತೆಗೆದುಕೊಂಡಿದ್ದಾರೆ. ಸ್ಪಿನ್ ಬೌಲಿಂಗ್ ಮಾಡುವ ಸಾಮರ್ಥ್ಯವಿರುವ ಬ್ಯಾಟಿಂಗ್​ ಆಲ್​ರೌಂಡರ್​ ರಚಿನ್​ ರವೀಂದ್ರ ಅವರ ಮೇಲೆ ಹೆಚ್ಚಿನ ವಿಶ್ವಾಸವಿರಿಸಿ ಅವರು 13 ಸದಸ್ಯರ ತಂಡದಲ್ಲಿ ಅವಕಾಶ ನೀಡಿದೆ.

ಅಜಾಜ್ ಪಟೇಲ್ ತವರಿನಲ್ಲಿ ಮೂರು ಟೆಸ್ಟ್​ ಪಂದ್ಯಗಳನ್ನಾಡಿದ್ದು, ಇದುವರೆಗೆ ಒಂದೂ ವಿಕೆಟ್ ಪಡೆದಿಲ್ಲ. ಹಾಗಾಗಿ ಅವರನ್ನು ತವರಿನ ಸರಣಿಯಲ್ಲಿ ಕಡೆಗಣಿಸಿ ಯುವ ಆಟಗಾರನಿಗೆ ಅವಕಾಶ ಕಲ್ಪಿಸಿಕೊಟ್ಟಿದೆ.

ಇದನ್ನೂ ಓದಿ:ಕನ್ನಡಿಗ ಮನೀಶ್ ಪಾಂಡೆ ಮೇಲೆ RCB ಕಣ್ಣು.. ಕೊಹ್ಲಿ ಬದಲಿಗೆ ನಾಯಕನಾಗುವ ಸಾಧ್ಯತೆ