ಮಹಿಳಾ ಏಕದಿನ ವಿಶ್ವಕಪ್​ನಲ್ಲಿ ಅತಿ ಹೆಚ್ಚು 50ಕ್ಕಿಂತ ಹೆಚ್ಚು ರನ್ ​: ವಿಶ್ವದಾಖಲೆ ಹಂಚಿಕೊಂಡ ಮಿಥಾಲಿ ರಾಜ್

ಮಿಥಾಲಿ ರಾಜ್ ಈ ಪಂದ್ಯದಲ್ಲಿ ಭಾರತ 28ಕ್ಕೆ 2 ವಿಕೆಟ್​ ಕಳೆದುಕೊಂಡಿದ್ದ ಸಂದರ್ಭದಲ್ಲಿ ಬ್ಯಾಟಿಂಗ್‌ಗೆ ಇಳಿದಿದ್ದರು. ಅವರು ಮೂರನೇ ವಿಕೆಟ್​ ಜೊತೆಯಾಟದಲ್ಲಿ ಯಸ್ತಿಕಾ ಭಾಟಿಯಾ ಜೊತೆಗೂಡಿ 130 ರನ್​ ಸೇರಿಸಿದ್ದರು..

ಆಕ್ಲೆಂಡ್ :ಭಾರತ ತಂಡದ ನಾಯಕಿ ಮಿಥಾಲಿ ರಾಜ್ ಆಸ್ಟ್ರೇಲಿಯಾ ವಿರುದ್ಧ ಅರ್ಧಶತಕ ಸಿಡಿಸುವ ಮೂಲಕ ಐಸಿಸಿ ಮಹಿಳಾ ವಿಶ್ವಕಪ್​ನಲ್ಲಿ ಅತಿ ಹೆಚ್ಚು ಬಾರಿ 50ಕ್ಕಿಂತ ಹೆಚ್ಚು ರನ್​ಗಳಿಸಿದ ವಿಶ್ವದಾಖಲೆಗೆ ಪಾತ್ರರಾಗಿದ್ದಾರೆ.

ನ್ಯೂಜಿಲ್ಯಾಂಡ್​ನಲ್ಲಿ ನಡೆಯುತ್ತಿರುವ ವಿಶ್ವಕಪ್​ನಲ್ಲಿ ತಮ್ಮ 12ನೇ ಹಾಗೂ ವೃತ್ತಿ ಜೀವನದ 63ನೇ ಶತಕ ದಾಖಲಿಸಿದ್ದಾರೆ. ಇದೇ ಸಂದರ್ಭದಲ್ಲಿ ಅವರು ನ್ಯೂಜಿಲ್ಯಾಂಡ್​ನ ಬ್ಯಾಟರ್​ ಡೆಬೀ ಹಾಕ್ಲೇ ಅವರ ಗರಿಷ್ಠ ಅರ್ಧಶತಗಳ ವಿಶ್ವದಾಖಲೆಯನ್ನು ಸರಿಗಟ್ಟಿದರು. ಈ ಇಬ್ಬರು ಬ್ಯಾಟರ್​ಗಳು 12 ಬಾರಿ 50ರ ಗಡಿ ದಾಟಿದ್ದಾರೆ.

ಮಿಥಾಲಿ ರಾಜ್ ಈ ಪಂದ್ಯದಲ್ಲಿ ಭಾರತ 28ಕ್ಕೆ 2 ವಿಕೆಟ್​ ಕಳೆದುಕೊಂಡಿದ್ದ ಸಂದರ್ಭದಲ್ಲಿ ಬ್ಯಾಟಿಂಗ್‌ಗೆ ಇಳಿದಿದ್ದರು. ಅವರು ಮೂರನೇ ವಿಕೆಟ್​ ಜೊತೆಯಾಟದಲ್ಲಿ ಯಸ್ತಿಕಾ ಭಾಟಿಯಾ ಜೊತೆಗೂಡಿ 130 ರನ್​ ಸೇರಿಸಿದ್ದರು. ಅವರು 96 ಎಸೆತಗಳಲ್ಲಿ 4 ಬೌಂಡರಿ ಮತ್ತು ಒಂದು ಸಿಕ್ಸರ್​ ಸಹಿತ 68 ರನ್​ಗಳಿಸಿದ್ದರು. ಭಾಟಿಯಾ 59 ಮತ್ತು ಹರ್ಮನ್​ಪ್ರೀತ್ ಕೌರ್​ ಅವರ 57 ರನ್​ಗಳ ನೆರವಿನಿಂದ ಭಾರತ 277 ರನ್​ಗಳಸಿತ್ತು.

ಇದನ್ನೂ ಓದಿ:ಐಪಿಎಲ್​ನಲ್ಲಿ ಅತಿ ಹೆಚ್ಚು ಬಾರಿ 200ರನ್ ಸಿಡಿಸಿದ - ನೀಡಿದ ತಂಡಗಳ ವಿವರ ಇಲ್ಲಿದೆ