65 ಎಸೆತಗಳಲ್ಲಿ 141 ರನ್​, ನಂಬಲಾಸಾಧ್ಯವಾದ ಶತಕ: 24ಕ್ಕೆ4 ವಿಕೆಟ್ ಕಳೆದುಕೊಂಡ್ರೂ 228 ರನ್​ ಚೇಸ್!

ಈ ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್ ಮಾಡಿದ್ದ ಸೆಂಟ್ರಲ್ ಡಿಸ್ಟ್ರಿಕ್ಟ್​ ತಂಡ 20 ಓವರ್​ಗಳಲ್ಲಿ 4 ವಿಕೆಟ್ ಕಳೆದುಕೊಂಡು 227 ರನ್​ಗಳಿಸಿತ್ತು. ಜೋಶ್​ ಕ್ಲಾರ್ಕ್​ಸನ್​ ಅಜೇಯ 76, ಬೇಲೆ ವಿಗಿನ್ಸ್​ 45 , ಟಾಮ್​ ಬ್ರುಸ್​ 36 ರನ್​ಗಳಿಸಿದ್ದರು.

ವೆಲ್ಲಿಂಗ್ಟನ್: ನ್ಯೂಜಿಲ್ಯಾಂಡ್​ನ ಸೂಪರ್​ ಸ್ಮ್ಯಾಷ್​ನಲ್ಲಿ ಶನಿವಾರ ನಡೆದ ವೆಲ್ಲಿಂಗ್ಟನ್​ ಮತ್ತು ಸೆಂಟ್ರೆಲ್ ಡಿಸ್ಟ್ರಿಕ್ಟ್​ ನಡುವಿನ ಪಂದ್ಯದಲ್ಲಿ ವೆಲ್ಲಿಂಗ್ಟನ್​ ನಾಯಕ ಮೈಕಲ್ ಬ್ರೇಸ್​ವೆಲ್​ ಕೇವಲ 65 ಎಸೆತಗಳಲ್ಲಿ ಅಜೇಯ 141 ರನ್​ ಸಿಡಿಸಿ 228ರನ್​ ಬೃಹತ್​ ಮೊತ್ತವನ್ನು ಯಶಸ್ವಿಯಾಗಿ ಬೆನ್ನೆಟ್ಟಲು ನೆರವಾಗಿದ್ದಾರೆ.

ಈ ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್ ಮಾಡಿದ್ದ ಸೆಂಟ್ರಲ್ ಡಿಸ್ಟ್ರಿಕ್ಟ್​ ತಂಡ 20 ಓವರ್​ಗಳಲ್ಲಿ 4 ವಿಕೆಟ್ ಕಳೆದುಕೊಂಡು 227 ರನ್​ಗಳಿಸಿತ್ತು. ಜೋಶ್​ ಕ್ಲಾರ್ಕ್​ಸನ್​ ಅಜೇಯ 76, ಬೇಲೆ ವಿಗಿನ್ಸ್​ 45 , ಟಾಮ್​ ಬ್ರುಸ್​ 36 ರನ್​ಗಳಿಸಿದ್ದರು.

24ಕ್ಕೆ4 ವಿಕೆಟ್​! ಆದ್ರೂ ಚೇಸಿಂಗ್ ಯಶಸ್ವಿ

228 ರನ್​ಗಳ ಬೃಹತ್​ ಗುರಿಯನ್ನು ಬೆನ್ನತ್ತಿಟ್ಟಿದ ವೆಲ್ಲಿಂಗ್ಟನ್ ತಂಡ ಮೊದಲ ಓವರ್​ನಲ್ಲೆ 2 ವಿಕೆಟ್ ಕಳೆದುಕೊಂಡಿತ್ತು. 2ನೇ ಓವರ್​ನಲ್ಲಿ 3, 4ನೇ ಓವರ್​ನಲ್ಲಿ 4ನೇ ವಿಕೆಟ್ ಕಳೆದುಕೊಂಡಿತ್ತು. 5ನೇ ಓವರ್​ ಮುಗಿಯುವ ವೇಳೆ ವೆಲ್ಲಿಂಗ್ಟನ್​ 5 ವಿಕೆಟ್ ಕಳೆದುಕೊಂಡು 43 ರನ್​ಗಳಿಸಿತ್ತು. ಆ ವೇಳೆಗೆ ತಂಡಕ್ಕೆ 90 ಎಸೆತಗಳಲ್ಲಿ ತಂಡಕ್ಕೆ ಗೆಲ್ಲಲು 184 ರನ್​ಗಳ ಅಗತ್ಯವಿತ್ತು.

ಈ ಸಂದರ್ಭದಲ್ಲಿ ವೆಲ್ಲಿಂಗ್ಟನ್​ ಗೆಲ್ಲುವ ಸಾಧ್ಯತೆ 100ಕ್ಕೆ 1 ಪರ್ಸೆಂಟ್​ ಕೂಡ ಇಲ್ಲ ಎಂದು ಭಾವಿಸಲಾಗಿತ್ತು. ಆದರೆ ನಾಯಕ ಬ್ರೇಸ್​ವೆಲ್​ ಬಾಲಂಗೋಚಿಗಳ ನೆರವಿನಿಂದ ಕೇವಲ ಒಂದು ಎಸೆತ ಇರುವಂತೆ ಗೆಲುವು ತಂದುಕೊಡುವ ಮೂಲಕ ತಾಳ್ಮೆಯಿದ್ದರೆ ಯಾವುದು ಅಸಾಧ್ಯವಿಲ್ಲ ಎನ್ನುವುದನ್ನು ಕ್ರಿಕೆಟ್​ ಜಗತ್ತಿಗೆ ತೋರಿಸಿಕೊಟ್ಟರು.

ತಲಾ 11 ಬೌಂಡರಿ, ಸಿಕ್ಸರ್​!

ಈ ನಂಬಲಾಸಾಧ್ಯವಾದ ಗೆಲುವಿನಲ್ಲಿ ಹೋರಾಟದಲ್ಲಿ ಬ್ರೇಸ್​ವೆಲ್​ 65 ಎಸೆತಗಳಲ್ಲಿ ತಲಾ 11 ಸಿಕ್ಸರ್,11 ಬೌಂಡರಿಗಳ ನೆರವಿನಿಂದ ಅಜೇಯ 141 ರನ್​ಗಳಿಸಿದರೆ, ಇವರಿಗೆ ಸಾಥ್​ ನೀಡಿದ ಜೆಮಿ ಗಿಬ್ಸನ್​ 14 ಎಸೆತಗಳಲ್ಲಿ 21, ಲೊಗಾನ್ ವ್ಯಾನ್ ಬೀಕ್​ 18 ಎಸೆತಗಳಲ್ಲಿ 1 ಬೌಂಡರಿ ಮತ್ತು 4 ಸಿಕ್ಸರ್​ಗಳ ನೆರವಿನಿಂದ 37 ರನ್​ಗಳಿಸಿದರು.

ಇದನ್ನೂ ಓದಿ:ICC Player of the Month : ಕನ್ನಡಿಗ ಮಯಾಂಕ್​ ಅಗರವಾಲ್​ ಸೇರಿ ಮೂವರು ಪ್ಲೇಯರ್ಸ್​ ನಾಮನಿರ್ದೇಶನ