ದಿ ಹಂಡ್ರೆಡ್​ ಕ್ರಿಕೆಟ್​ ಪಂದ್ಯಾವಳಿ: ಭಾರತದ ರೋಡ್ರಿಗಾಸ್​, ಮಂಧಾನ ಉಳಿಸಿಕೊಂಡ ತಂಡಗಳು

ಇಂಗ್ಲೆಂಡ್​ನಲ್ಲಿ ನಡೆಯುವ 'ದಿ ಹಂಡ್ರೆಡ್'​ ಕ್ರಿಕೆಟ್ ಪಂದ್ಯಾವಳಿಯಲ್ಲಿ ಭಾರತೀಯ ಮಹಿಳಾ ತಾರಾ ಆಟಗಾರರಾದ ಜೆಮಿಮಾ ರೋಡ್ರಿಗಾಸ್​(ಸೂಪರ್​ ಚಾರ್ಜರ್ಸ್​) ಸ್ಮೃತಿ ಮಂಧಾನ(ಸೌಥರ್ನ್​ ಬ್ರೇವ್​) ಅವರನ್ನು ಆಯಾ ತಂಡಗಳು ರೀಟೇನ್​ ಮಾಡಿಕೊಂಡಿವೆ.​ ಈ ಪಂದ್ಯಾವಳಿಯು ಜುಲೈ 29 ರಿಂದ ಆಗಸ್ಟ್ 7 ರವರೆಗೆ ಎಡ್ಜ್‌ಬಾಸ್ಟನ್‌ನಲ್ಲಿ ನಡೆಯಲಿದೆ.

ಇದೇ ವರ್ಷ ಇಂಗ್ಲೆಂಡ್​ನಲ್ಲಿ ನಡೆಯುವ 'ದಿ ಹಂಡ್ರೆಡ್​' ಕ್ರಿಕೆಟ್ ಪಂದ್ಯಾವಳಿಯಲ್ಲಿ ಭಾರತದ ಮಹಿಳಾ ಸ್ಟಾರ್‌ ಆಟಗಾರರಾದ ಜೆಮಿಮಾ ರೋಡ್ರಿಗಾಸ್​(ಸೂಪರ್​ ಚಾರ್ಜರ್ಸ್​) ಸ್ಮೃತಿ ಮಂಧಾನ(ಸೌಥರ್ನ್​ ಬ್ರೇವ್​) ಅವರನ್ನು ಆಯಾ ತಂಡಗಳು ರೀಟೇನ್​ ಮಾಡಿಕೊಂಡಿವೆ.​ ಈ ಇಬ್ಬರು ಮಾತ್ರ ವಿದೇಶಿ ಟೂರ್ನಿಯಲ್ಲಿ ಉಳಿದುಕೊಂಡ ಆಟಗಾರರಾಗಿದ್ದಾರೆ.

ಕಳೆದ ವರ್ಷದ ಉದ್ಘಾಟನಾ ಪಂದ್ಯಾವಳಿಯನ್ನು ತಪ್ಪಿಸಿಕೊಂಡಿದ್ದ ಆಸ್ಟ್ರೇಲಿಯಾದ ಆಟಗಾರ್ತಿಯರು ಈ ಬಾರಿಯ ಟೂರ್ನಿಯಲ್ಲಿ ಭಾಗವಹಿಸಲಿದ್ದಾರೆ ಎಂದು ಇಸಿಬಿ ಅಧಿಕಾರಿಗಳು ತಿಳಿಸಿದ್ದಾರೆ.

ಪೆರ್ರಿ (ಬರ್ಮಿಂಗ್‌ಹ್ಯಾಮ್ ಫೀನಿಕ್ಸ್) ಮತ್ತು ಅಲಿಸ್ಸಾ ಹೀಲಿ (ಸೌಥರ್ನ್​ ಸೂಪರ್‌ಚಾರ್ಜರ್ಸ್​) ಅವರನ್ನು ತಂಡಗಳು ಉಳಿಸಿಕೊಂಡಿವೆ. ಮಹಿಳಾ ಪಂದ್ಯಾವಳಿಯು ಜುಲೈ 29 ರಿಂದ ಆಗಸ್ಟ್ 7 ರವರೆಗೆ ಎಡ್ಜ್‌ಬಾಸ್ಟನ್‌ನಲ್ಲಿ ನಡೆಯಲಿದೆ.

ಆಯಾ ತಂಡಗಳು ಮೂವರು ಆಟಗಾರರನ್ನು ರೀಟೇನ್​ ಮಾಡಿಕೊಂಡ ಬಳಿಕ ಉಳಿದ ಆಟಗಾರರು ಹರಾಜಿಗೆ ಲಭ್ಯರಿದ್ದು, ಅವರನ್ನು ತಂಡಗಳು ಖರೀದಿಸಬಹುದು ಎಂದು ಇಸಿಬಿ ತಿಳಿಸಿದೆ.

ಏನಿದು ದಿ ಹಂಡ್ರೆಂಡ್​ ಪಂದ್ಯಾವಳಿ?:ಈ ಪಂದ್ಯಾವಳಿಯನ್ನು ಇಂಗ್ಲೆಂಡ್ ಮತ್ತು ವೇಲ್ಸ್​ ಕ್ರಿಕೆಟ್​ ಮಂಡಳಿಗಳು ಆಯೋಜಿಸುತ್ತವೆ. ಟಿ-20 ಮಾದರಿಯಂತೆ 100 ಎಸೆತಗಳ ಟೂರ್ನಿ ಇದಾಗಿದೆ. ಇದರಲ್ಲಿ ಓವರ್​ಗೆ 5 ಎಸೆತಗಳು ಮಾತ್ರ ಇರುತ್ತವೆ. ಒಬ್ಬರು 20 ಎಸೆತ (4 ಓವರ್​) ಹಾಕಬಹುದು. ಒಬ್ಬ ಬ್ಯಾಟರ್​ 10 ಎಸೆತದ ಬಳಿಕ ಕ್ರೀಸ್​ ಬದಲಿಸಬಹುದಾಗಿದೆ.

ಇದನ್ನೂ ಓದಿ:U19 ವಿಶ್ವಕಪ್ ವೇಳೆ ಭಾರತದ ಯುವಕರು ಎದುರಿಸಿದ ಕಷ್ಟಗಳನ್ನು ಬಿಚ್ಚಿಟ್ಟ ಟೀಮ್ ಮ್ಯಾನೇಜರ್