ಐಸಿಸಿ ವರ್ಷದ ಟಿ20 ಮಹಿಳಾ ಆಟಗಾರ್ತಿ ಪ್ರಶಸ್ತಿಗೆ ಸ್ಮೃತಿ ಮಂಧಾನ ನಾಮನಿರ್ದೇಶನ

ICC Women's T20 Player of the Year award: ಸ್ಮತಿ ಮಂಧಾನ ಅವರ ಜೊತೆಗೆ ಇಂಗ್ಲೆಂಡ್​ ಆಲ್​ರೌಂಡರ್​ ನ್ಯಾಟ್​ ಸೀವರ್​ ಮತ್ತು ಆರಂಭಿಕ ಬ್ಯಾಟರ್​ ಟಾಮಿ ಬ್ಯೂಮಂಟ್​ ಹಾಗೂ ಐರ್ಲೆಂಡ್​ನ ಗೇಬಿ ಲೂಯಿಸ್​ ಈ ಪ್ರಶಸ್ತಿಗೆ ಪೈಪೋಟಿಯಲ್ಲಿದ್ದಾರೆ.

ದುಬೈ: ಭಾರತ ತಂಡದ ಆರಂಭಿಕ ಬ್ಯಾಟರ್ ಸ್ಮೃತಿ ಮಂಧಾನ '2021 ವರ್ಷದ ಮಹಿಳಾ ಟಿ20 ಆಟಗಾರ್ತಿ' ಪ್ರಶಸ್ತಿಗೆ ಇತರೆ ಮೂವರು ಆಟಗಾರ್ತಿಯರೊಂದಿಗೆ ನಾಮನಿರ್ದೇಶನಗೊಂಡಿದ್ದಾರೆ.

2021ರಲ್ಲಿ ಸ್ಮೃತಿ ಮಂಧಾನ 9 ಟಿ20 ಪಂದ್ಯಗಳಿಂದ 31.87ರ ಸರಾಸರಿಯಲ್ಲಿ 2 ಅರ್ಧಶತಕ ಸೇರಿದಂತೆ 255 ರನ್​ಗಳಿಸಿದ್ದಾರೆ.

ಸ್ಮತಿ ಮಂಧಾನ ಅವರ ಜೊತೆಗೆ ಇಂಗ್ಲೆಂಡ್​ ಆಲ್​ರೌಂಡರ್​ ನ್ಯಾಟ್​ ಸೀವರ್​ ಮತ್ತು ಆರಂಭಿಕ ಬ್ಯಾಟರ್​ ಟಾಮಿ ಬ್ಯೂಮಂಟ್​ ಹಾಗೂ ಐರ್ಲೆಂಡ್​ನ ಗೇಬಿ ಲೂಯಿಸ್​ ಈ ಪ್ರಶಸ್ತಿಗೆ ಪೈಪೋಟಿಯಲ್ಲಿದ್ದಾರೆ.

ಮಂಧಾನ ಹೊರತಪಡಿಸಿದರೆ ಐಸಿಸಿ ಏಕದಿನ ಮತ್ತು ಟಿ20 ವರ್ಷದ ಕ್ರಿಕೆಟರ್​ ಪ್ರಶಸ್ತಿಗೆ ಪುರುಷ ಅಥವಾ ಮಹಿಳಾ ತಂಡದಿಂದ ಯಾವುದೇ ಕ್ರಿಕೆಟರ್ ನಾಮನಿರ್ದೇಶನಗೊಂಡಿಲ್ಲ. ರವಿಚಂದ್ರನ್ ಅಶ್ವಿನ್ ಮಾತ್ರ ವರ್ಷದ ಟೆಸ್ಟ್​ ಆಟಗಾರ ಪ್ರಶಸ್ತಿಗೆ ಜೋ ರೂಟ್​, ಕೈಲ್ ಜೇಮಿಸನ್ ಮತ್ತು ಕರುಣರತ್ನೆ ಜೊತೆಗೆ ನಾಮನಿರ್ದೇಶನಗೊಂಡಿದ್ದಾರೆ.

2021ರ ವರ್ಷದಲ್ಲಿ ಆಟಗಾರರು ನೀಡಿರುವ ಪ್ರದರ್ಶನದ ಆಧಾರದ ಮೇಲೆ ಈ ವಿವಿಧ ವಿಭಾಗಗಳಲ್ಲಿ ಪ್ರಶಸ್ತಿಗಳನ್ನು ನೀಡಲಾಗುತ್ತದೆ.

ಇದನ್ನೂ ಓದಿ:'ಐಸಿಸಿ ವರ್ಷದ ಟಿ20 ಕ್ರಿಕೆಟಿಗ' ಪ್ರಶಸ್ತಿ ರೇಸ್​ನಲ್ಲಿ ಇಬ್ಬರು ವಿಕೆಟ್ ಕೀಪರ್, ಇಬ್ಬರು ಆಲ್​ರೌಂಡರ್​!