ನವದೆಹಲಿ: ಕ್ಯಾನ್ಸರ್ನಿಂದ ಬಳಲುತ್ತಿದ್ದ ಲೆಜೆಂಡರಿ ಕೋಚ್ ತಾರಕ್ ಸಿನ್ಹಾ ಶನಿವಾರ ತಮ್ಮ 71 ನೇ ವಯಸ್ಸಿನಲ್ಲಿ ಇಹಲೋಕ ತ್ಯಜಿಸಿದ್ದಾರೆ. ಅವರು ಸುರೀಂದರ್ ಖನ್ನಾ, ಮನೋಜ್ ಪ್ರಭಾಕರ್, ಅಜಯ್ ಶರ್ಮಾ, ಅತುಲ್ ವಸ್ಸಾನ್, ಆಶೀಶ್ ನೆಹ್ರಾ, ಸಂಜೀವ್ ಶರ್ಮಾ, ಆಕಾಶ್ ಚೋಪ್ರಾ, ಶಿಖರ್ ಧವನ್, ಅಂಜುಮ್ ಚೋಪ್ರಾ ಮತ್ತು ರಿಷಭ್ ಪಂತ್ ಅಂತಹ ಶ್ರೇಷ್ಠ ಅಂತಾರಾಷ್ಟ್ರೀಯ ಕ್ರಿಕೆಟಿಗರಿಗೆ ಮತ್ತು ನೂರಾರು ಪ್ರಥಮ ದರ್ಜೇ ಕ್ರಿಕೆಟಿಗರಿಗೆ ತರಬೇತಿ ನೀಡಿದ್ದರು.
ಸೊನೆಟ್ ಕ್ರಿಕೆಟ್ ಕ್ಲಬ್ನ ಸಂಸ್ಥಾಪಕರಾದ ತಾರಕ್ ಸಿನ್ಹಾ ನಿಧರಾಗಿರುವ ಸುದ್ದಿಯನ್ನ ಹಂಚಿಕೊಳ್ಳುವುದಕ್ಕೆ ನಮಗೆ ತುಂಬಾ ದುಃಖವಾಗುತ್ತಿದೆ. ಕಳೆದ ಎರಡು ತಿಂಗಳಿಂದ ಕ್ಯಾನ್ಸರ್ ವಿರುದ್ಧ ಹೋರಾಡುತ್ತಿದ್ದ ಸಿನ್ಹಾ ಅವರು ಶನಿವಾರ ಬೆಳಗಿನ ಜಾವ ಕೊನೆಯುಸಿರೆಳೆದಿದ್ದಾರೆ. ಭಾರತ ಮತ್ತು ಡೆಲ್ಲಿ ಕ್ರಿಕೆಟ್ಗೆ ಹಲವು ಸ್ಟಾರ್ ಕ್ರಿಕೆಟರ್ಗಳನ್ನು ನೀಡಿದ್ದ ಅವರು ಸೋನೆಟ್ ಕ್ರಿಕೆಟ್ ಕ್ಲಬ್ ಜೀವಾಳವಾಗಿದ್ದರು. ಇಷ್ಟು ದಿನ ಅವರ ಚೇತರಿಕೆಗೆ ಪ್ರಾರ್ಥಿಸಿದ ಪ್ರತಿಯೊಬ್ಬರಿಗೂ ಧನ್ಯವಾದವನ್ನು ಹೇಳಲು ಬಯಸುತ್ತೇವೆ ಎಂದು ಸೊನೆಟ್ ಕ್ರಿಕೆಟ್ ಕ್ಲಬ್ ಪ್ರಕಟಣೆಯಲ್ಲಿ ತಿಳಿಸಿದೆ.