ಚೆನ್ನೈ: ಭಾರತ ತಂಡ ಆಸ್ಟ್ರೇಲಿಯಾ ಪ್ರವಾಸದಲ್ಲಿ ಸೀಮಿತ ಓವರ್ಗಳ ಸರಣಿ ನಡೆಯುತ್ತಿದ್ದಾಗ ನನ್ನನ್ನು ಆರ್ಸಿಬಿಗೆ ಸೇರಿಸಿಕೊಳ್ಳಲು ನಾಯಕ ವಿರಾಟ್ ಕೊಹ್ಲಿ ಬಯಸಿದ್ದರು ಎಂದು ಆರ್ಸಿಬಿ ಆಲ್ರೌಂಡರ್ ಗ್ಲೇನ್ ಮ್ಯಾಕ್ಸ್ವೆಲ್ ಬಹಿರಂಗಪಡಿಸಿದ್ದಾರೆ.
ಭಾರತ ಮತ್ತು ಆಸ್ಟ್ರೇಲಿಯಾ ಏಕದಿನ ಸರಣಿ ನಂತರ ಒಳ್ಳೆಯ ಚಾಟ್ ಮಾಡುತ್ತಿದ್ದೆವು. ನನ್ನ ಜೊತೆ ಮಾತನಾಡುತ್ತಾ, ಆರ್ಸಿಬಿಯಲ್ಲಿ ಸಮರ್ಥವಾಗಿ ಆಡುವ ಬಗ್ಗೆ ಅವರು ನನ್ನ ಜೊತೆ ಮಾತನಾಡಿದ್ದರು. ಅವಕಾಶ ಸಿಕ್ಕರೆ ನಿಮ್ಮನ್ನು ಹೊಂದುವುದಕ್ಕೆ ನಾವು ಇಷ್ಟಪಡುತ್ತೇವೆ ಎಂದು ಕೊಹ್ಲಿ ಹೇಳಿದ್ದರು. ಆದರೆ ನಿಸ್ಸಂಶಯವಾಗಿ ಈ ಮಾತುಕತೆಯ ಮಧ್ಯೆ ಹರಾಜು ಇತ್ತು ಎಂದು ಆರ್ಸಿಬಿ ಬಿಡುಗಡೆ ಮಾಡಿರುವ ವಿಡಿಯೋದಲ್ಲಿ ಮ್ಯಾಕ್ಸ್ವೆಲ್ ಹೇಳಿದ್ದಾರೆ.