ಕರುಣರತ್ನೆ ದ್ವಿಶಕ: ಡ್ರಾನತ್ತಾ ಸಾಗಿದ ಶ್ರೀಲಂಕಾ- ಬಾಂಗ್ಲಾ ಮೊದಲ ಟೆಸ್ಟ್​

ಮೂರನೇ ದಿನ ಬ್ಯಾಟಿಂಗ್ ಆರಂಭಿಸಿದ್ದ ಅತಿಥೇಯ ಶ್ರೀಲಂಕಾ 73 ಓವರ್​ಗಳಲ್ಲಿ 3 ವಿಕೆಟ್ ಕಳೆದುಕೊಂಡು 229 ರನ್​ಗಳಿಸಿತ್ತು. ಕರುಣರತ್ನೆ 85 ರನ್​ಗಳಿಸಿ 4ನೇ ದಿನಕ್ಕೆ ಬ್ಯಾಟಿಂಗ್ ಕಾಯ್ದಿರಿಸಿಕೊಂಡಿದ್ದರು.

ಪಲ್ಲೆಕೆಲೆ: ಶ್ರೀಲಂಕಾ ತಂಡದ ನಾಯಕ ದಿಮುತ್ ಕರುಣರತ್ನೆ ದ್ವಿಶತಕ ಮತ್ತು ಧನಂಜಯ ಡಿ ಸಿಲ್ವಾ ಅವರ ಆಕರ್ಷಕ ಶತಕದ ನೆರವಿನಿಂದ ಶ್ರೀಲಂಕಾ ತಂಡ ತನ್ನ ಮೊದಲ ಇನ್ನಿಂಗ್ಸ್​ನಲ್ಲಿ 4ನೇ ದಿನದಂತ್ಯಕ್ಕೆ 3 ವಿಕೆಟ್ ಕಳೆದುಕೊಂಡು 512 ರನ್​ಗಳಿಸಿದೆ.

ಮೊದಲು ಬ್ಯಾಟಿಂಗ್ ಮಾಡಿದ್ದ ಬಾಂಗ್ಲಾದೇಶ ನಜ್ಮುಲ್ ಹುಸೇನ್ ಶಾಂಟೊ(163) ಮತ್ತು ನಾಯಕ ಮೊಮಿನುಲ್ ಹಕ್(127) ಶತಕ ಹಾಗೂ ತಮೀಮ್​(90) ರಹೀಮ್(68) ಮತ್ತು ಲಿಟನ್ ದಾಸ್(50) ಅರ್ಧಶತಕಗಳ ನೆರವಿನಿಂದ 7 ವಿಕೆಟ್ ಕಳೆದುಕೊಂಡು 541 ರನ್​ಗಳಿಸಿ ಮೊದಲ ಇನ್ನಿಂಗ್ಸ್​ ಡಿಕ್ಲೇರ್ ಘೋಷಿಸಿಕೊಂಡಿತು. ​

ಮೂರನೇ ದಿನ ಬ್ಯಾಟಿಂಗ್ ಆರಂಭಿಸಿದ್ದ ಅತಿಥೇಯ ಶ್ರೀಲಂಕಾ 73 ಓವರ್​ಗಳಲ್ಲಿ 3 ವಿಕೆಟ್ ಕಳೆದುಕೊಂಡು 229 ರನ್​ಗಳಿಸಿತ್ತು. ಕರುಣರತ್ನೆ 85 ರನ್​ಗಳಿಸಿ 4ನೇ ದಿನಕ್ಕೆ ಬ್ಯಾಟಿಂಗ್ ಕಾಯ್ದಿರಿಸಿಕೊಂಡಿದ್ದರು.

ಇಂದು ನಾಲ್ಕನೇ ದಿನ ಸಂಪೂರ್ಣವಾಗಿ ಬ್ಯಾಟಿಂಗ್ ನಡೆಸಿದ ಕರುಣರತ್ನೆ( ಮತ್ತು ಧನಂಜಯ 4ನೇ ವಿಕೆಟ್​ ಜೊತೆಯಾಟದಲ್ಲಿ ಬರೋಬ್ಬರಿ 322 ರನ್​ ಸೇರಿಸಿದರು. ಕರುಣರತ್ನೆ 419 ಎಸೆತಗಳಲ್ಲಿ 25 ಬೌಂಡರಿ ಸಹಿತ 234 ರನ್​ಗಳಿಸಿದರು. ಇದು ಅವರ ಚೊಚ್ಚಲ ದ್ವಿಶತಕವಾಗಿದೆ. ಜೊತೆಗೆ ಪಲ್ಲೆಕೆಲೆ ಸ್ಟೇಡಿಯಂನಲ್ಲಿ ಮೊದಲ ಡಬಲ್ ಸೆಂಚುರಿ ಸಿಡಿಸಿದ ಶ್ರೇಯ ಕೂಡ ಅವರಿಗೆ ಸಂದಿದೆ.

ಇನ್ನು ಧನಂಜಯ ಡಿ ಸಿಲ್ವಾ 278 ಎಸೆತಗಳಲ್ಲಿ 20 ಬೌಂಡರಿಗಳ ಸಹಿತ ಅಜೇಯ 154 ರನ್​ಗಳಿಸಿ 5ನೇ ದಿನಕ್ಕೆ ಬ್ಯಾಟಿಂಗ್ ಕಾಯ್ದಿರಿಸಿದ್ದಾರೆ.

ಪ್ರಸ್ತುತ ಶ್ರೀಲಂಕಾ 29 ರನ್​ಗಳ ಹಿನ್ನಡೆಯಲ್ಲಿದೆ. ನಾಳೆ 5ನೇ ದಿನವಾಗಿರುವುದರಿಂದ ಈ ಪಂದ್ಯ ಡ್ರಾನಲ್ಲಿ ಅಂತ್ಯಗೊಳ್ಳಲಿದೆ.

ಇದನ್ನು ಓದಿ:ಫುಟ್ಬಾಲ್ ಆಟಗಾರ್ತಿ, ಕೂಲಿ ಕಾರ್ಮಿಕನ ಮಗಳಿಗೆ ಹಾರ್ವರ್ಡ್​ ಯುನಿವರ್ಸಿಟಿಯಲ್ಲಿ ಓದುವ ಭಾಗ್ಯ