ಮುಂಬೈ:ಗಾಯಗೊಂಡು ಟೂರ್ನಿಯಿಂದ ಹೊರಬಿದ್ದಿರುವ ಶ್ರೇಯಸ್ ಅಯ್ಯರ್ ಬದಲಿಗೆ ಡೆಲ್ಲಿ ಕ್ಯಾಪಿಟಲ್ಸ್ ಫ್ರಾಂಚೈಸಿ, ಕರ್ನಾಟಕದ ಮಧ್ಯಮ ಕ್ರಮಾಂಕದ ಬ್ಯಾಟ್ಸ್ಮನ್ ಅನಿರುದ್ಧ ಜೋಶಿಯನ್ನುತಂಡಕ್ಕೆ ಸೇರ್ಪಡೆ ಮಾಡಿಕೊಂಡಿದೆ.
ಇಂಗ್ಲೆಂಡ್ ವಿರುದ್ಧದ ಏಕದಿನ ಸರಣಿ ವೇಳೆ ಗಾಯಗೊಂಡಿದ್ದ ಶ್ರೇಯಸ್ ಅಯ್ಯರ್ 3ರಿಂದ 4 ತಿಂಗಳು ವಿಶ್ರಾಂತಿಯಲ್ಲಿರಬೇಕಾಗಿದೆ. ಆದ್ದರಿಂದ ರಿಷಭ್ ಪಂತ್ ಅವರನ್ನು 2021ರ ಆವೃತ್ತಿಗೆ ನಾಯಕನನ್ನಾಗಿ ನೇಮಿಸಲಾಗಿದೆ. ಇದೀಗ ಅಯ್ಯರ್ ಬದಲಿಗೆ ಈ ಆವೃತ್ತಿಗೆ ಮಾತ್ರ ಅನಿರುದ್ಧ ಜೋಶಿಗೆ ಮಣೆ ಹಾಕಿದೆ.
ಜೋಶಿ ಕರ್ನಾಟಕ ಪರ 17 ಲಿಸ್ಟ್ ಪಂದ್ಯಗಳನ್ನಾಡಿದ್ದು 211 ರನ್ಗಳಿಸಿದ್ದಾರೆ. 20 ಟಿ-20 ಇನ್ನಿಂಗ್ಸ್ಗಳಿಂದ 320 ರನ್ಗಳಿಸಿದ್ದಾರೆ. ಈ ಹಿಂದೆ ಆರ್ಸಿಬಿ ಮತ್ತು ರಾಜಸ್ಥಾನ್ ರಾಯಲ್ಸ್ ತಂಡದಲ್ಲಿದ್ದರಾದರೂ ಆಡುವ ಅವಕಾಶ ಸಿಕ್ಕಿರಲಿಲ್ಲ.