ಜಯವರ್ದನೆ, ಆಸ್ಟ್ರೇಲಿಯನ್ನರಿಗೆ ಮಾಲ್ಡೀವ್ಸ್​ನಲ್ಲಿ ಕ್ವಾರಂಟೈನ್​ಗೆ ವ್ಯವಸ್ಥೆ : ಮುಂಬೈ ಇಂಡಿಯನ್ಸ್

ಐದು ಬಾರಿಯ ಚಾಂಪಿಯನ್ ಮುಂಬೈ ಇಂಡಿಯನ್ಸ್ ಸರಣಿ ಟ್ವೀಟ್​ಗಳ ಮೂಲಕ ತಮ್ಮ ಆಟಗಾರರ ಬಗ್ಗೆ ತೆಗೆದುಕೊಂಡಿರುವ ಕಾಳಜಿ ಹಂಚಿಕೊಂಡಿದೆ. ಎಲ್ಲಾ ಕೋವಿಡ್ -19 ಸಂಬಂಧಿತ ಪ್ರಯಾಣ ಮತ್ತು ಸುರಕ್ಷತಾ ಪ್ರೋಟೋಕಾಲ್‌ಗಳನ್ನು ಶ್ರದ್ಧೆಯಿಂದ ಪಾಲಿಸಲಾಗಿದ್ದು, ಭಾರತೀಯ ಆಟಗಾರರು ಅವರವರ ನಗರಗಳಿಗೆ ತಲುಪಿದ್ದಾರೆ.

ಮುಂಬೈ: ಐಪಿಎಲ್ ಮುಂದೂಡಲ್ಪಟ್ಟಿದ್ದರಿಂದ ಸ್ಥಳೀಯ ಆಟಗಾರರು ಈಗಾಗಲೇ ತಮ್ಮ ಮನೆ ತಲುಪಿದ್ದಾರೆ, ಆಸ್ಟ್ರೇಲಿಯಾ ಆಟಗಾರರು ತವರಿಗೆ ಮರಳುವ ಮುನ್ನ ಮಾಲ್ಡೀವ್ಸ್​ನಲ್ಲಿ 14 ದಿನಗಳ ಕ್ವಾರಂಟೈನ್​ ಮಾಡಲಿದ್ದು, ಅವರ ಜೊತೆಗೆ ಮುಖ್ಯ ಕೋಚ್​ ಜಯವರ್ದನೆ ಮಾಲ್ಡೀವ್ಸ್​ನಲ್ಲೇ ಉಳಿದಿದ್ದಾರೆ ಎಂದು ಮುಂಬೈ ಇಂಡಿಯನ್ಸ್ ತಿಳಿಸಿದೆ.

ಐದು ಬಾರಿಯ ಚಾಂಪಿಯನ್ ಮುಂಬೈ ಇಂಡಿಯನ್ಸ್ ಸರಣಿ ಟ್ವೀಟ್​ಗಳ ಮೂಲಕ ತಮ್ಮ ಆಟಗಾರರ ಬಗ್ಗೆ ತೆಗೆದುಕೊಂಡಿರುವ ಕಾಳಜಿಯನ್ನು ಹಂಚಿಕೊಂಡಿದೆ. ಎಲ್ಲ ಕೋವಿಡ್ -19 ಸಂಬಂಧಿತ ಪ್ರಯಾಣ ಮತ್ತು ಸುರಕ್ಷತಾ ಪ್ರೋಟೋಕಾಲ್‌ಗಳನ್ನು ಶ್ರದ್ಧೆಯಿಂದ ಪಾಲಿಸಲಾಗಿದ್ದು, ಭಾರತೀಯ ಆಟಗಾರರು ಅವರವರ ನಗರಗಳಿಗೆ ತಲುಪಿದ್ದಾರೆ.

ಮುಂಬೈ ಮತ್ತು ಅಹ್ಮದಾಬಾದ್​ ಮೂಲದ ಆಟಗಾರರು ಮತ್ತು ಸಿಬ್ಬಂದಿಗಳನ್ನು ಅಹ್ಮದಾಬಾದ್​ ಮೂಲಕ ಚಾರ್ಟೆಡ್​ ಫ್ಲೈಟ್​ನಲ್ಲಿ ಕಳುಹಿಸಲಾಗಿದೆ. ಆಸ್ಟ್ರೇಲಿಯಾ ಆಟಗಾರರು, ಸಹಾಯಕ ಸಿಬ್ಬಂದಿಗಳು ವಿಶೇಷ ಚಾರ್ಟರ್ ಫ್ಲೈಟ್ ಮೂಲಕ ಮಾಲ್ಡೀವ್ಸ್​ಗೆ ಕಳುಹಿಸಲಾಗಿದೆ.

ಕ್ರಿಸ್ ಲಿನ್ ಮತ್ತು ನಥನ್ ಕೌಲ್ಟರ್​ ನೈಲ್ 14 ದಿನಗಳ ಕ್ವಾರಂಟೈನ್​ಗೆ ಅಗತ್ಯವಾದ ಎಲ್ಲ ವ್ಯವಸ್ಥೆಗಳನ್ನು ಮಾಡಲಾಗಿದೆ. ನಂತರವ ಅವರು ಆಸ್ಟ್ರೇಲಿಯಕ್ಕೆ ಪ್ರಯಾಣ ಬೆಳಸಲಿದ್ದಾರೆ. ಇನ್ನು ತಂಡದ ಮುಖ್ಯ ಕೋಚ್ ಮಹೇಲಾ ಜಯವರ್ದನೆ ಕೂಡ ಮಾಲ್ಡೀವ್ಸ್​ನಲ್ಲೇ ಕ್ವಾರಂಟೈನ್ ಮುಗಿಸಿ ನಂತರ ಶ್ರೀಲಂಕಾಗೆ ತೆರಳಲಿದ್ದಾರೆ ಎಂದು ಫ್ರಾಂಚೈಸಿ ತಿಳಿಸಿದೆ.

ಉಳಿದಂತೆ ಕೀರನ್ ಪೊಲಾರ್ಡ್​ ಟ್ರಿನಿಡಾಡ್​ಗೆ, ಕ್ವಿಂಟನ್ ಡಿ ಕಾಕ್​ ಜೋಹನ್ಸ್​ಬರ್ಗ್​ ಮತ್ತು ಪೇಸರ್​ ಬೌಲ್ಟ್ ಹಾಗೂ ಬೌಲಿಂಗ್ ಕೋಚ್ ಶೇನ್ ಬಾಂಡ್​ ಆಕ್ಲೆಂಡ್​ಗೆ ಈಗಾಗಲೇ ತಲುಪಿದ್ದಾರೆ.

ಇದನ್ನು ಓದಿ:ಅರ್ಧಕ್ಕೆ ನಿಂತ ಐಪಿಎಲ್ ನಡೆಸಿಕೊಡಲು ಆಫರ್ ನೀಡಿದ ಇಂಗ್ಲೆಂಡ್ ಕೌಂಟಿ ಕ್ಲಬ್ಸ್​​