ಬಿಸಿಸಿಐ ನಡೆ ನಕಲು ಮಾಡಿದ SLC.. ಟಿ20 ವಿಶ್ವಕಪ್​ ಸಲಹೆಗಾರನಾಗಿ ಜಯವರ್ದನೆ ನೇಮಕ..

ರಾಷ್ಟ್ರೀಯ ತಂಡದ ಪರ ಇವರ ಅವಧಿ ಕೇವಲ 7 ದಿನಗಳು ಮಾತ್ರವಿರುತ್ತದೆ. ಅಕ್ಟೋಬರ್​ 16ರಿಂದ 23ರವರಗೆ ಇವರು ತಂಡದ ಜೊತೆ ಕಾರ್ಯನಿರ್ವಹಿಸಲಿದ್ದಾರೆ. ನಂತರ ಅಂಡರ್​ 19 ತಂಡದ ಜೊತೆಗೆ 5 ತಿಂಗಳು ಕಾರ್ಯನಿರ್ವಹಿಸಲಿದ್ದಾರೆ..

ಕೊಲೊಂಬೊ :ಬಿಸಿಸಿಐ ಮುಂಬರುವ ಟಿ20 ವಿಶ್ವಕಪ್‌ಗೆ​ ಧೋನಿಯನ್ನು ಮಾರ್ಗದರ್ಶಕನಾಗಿ ಆಯ್ಕೆ ಮಾಡುತ್ತಿದ್ದಂತೆ ಶ್ರೀಲಂಕಾ ಕೂಡ ಇದೇ ಮಾದರಿಯಲ್ಲಿ ಐಪಿಎಲ್​ನಲ್ಲಿ ಮುಂಬೈ ತಂಡದ ಯಶಸ್ವಿ ಕೋಚ್​ ಆಗಿರುವ ಮಹೇಲಾ ಜಯವರ್ದನೆ ಅವರನ್ನು ತಂಡದ ಸಲಹೆಗಾರನಾಗಿ ನೇಮಕ ಮಾಡಿಕೊಂಡಿದೆ.

ಓಮನ್ ಮತ್ತು ಯುಎಇಯಲ್ಲಿ ಟಿ20 ವಿಶ್ವಕಪ್ ಅಕ್ಟೋಬರ್​-ನವೆಂಬರ್​ನಲ್ಲಿ ನಡೆಯಲಿದೆ. ಶ್ರೀಲಂಕಾ ತಂಡ ಈ ಬಾರಿ ಅರ್ಹತಾ ಟೂರ್ನಿಯ ಮೂಲಕ ವಿಶ್ವಕಪ್​ಗೆ ಪ್ರವೇಶ ಪಡೆಯಬೇಕಿದೆ. ಹಾಗಾಗಿ, ಮಾಜಿ ಕ್ರಿಕೆಟಿಗ ಜಯವರ್ದನೆ ಅವರನ್ನು ಸಲಹೆಗಾರನಾಗಿ ತಂಡಕ್ಕೆ ಸೇರಿಸಿಕೊಂಡಿದೆ.

ಸೀನಿಯರ್​ ತಂಡದ ಜವಾಬ್ದಾರಿ ಮುಗಿಯುತ್ತಿದ್ದಂತೆ ಜಯವರ್ದನೆಯನ್ನು ವೆಸ್ಟ್​ ಇಂಡಿಸ್​ನಲ್ಲಿ ಮುಂದಿನ ವರ್ಷ ನಡೆಯಲಿರುವ ಕಿರಿಯರ ವಿಶ್ವಕಪ್​ಗಾಗಿ ಶ್ರೀಲಂಕಾ ಅಂಡರ್​ 19 ತಂಡಕ್ಕೆ ಸಲಹೆಗಾರ ಮತ್ತು ಮಾರ್ಗದರ್ಶಕರಾಗಿ ಕಾರ್ಯನಿರ್ವಹಿಸಲಿದ್ದಾರೆ.

ರಾಷ್ಟ್ರೀಯ ತಂಡದ ಪರ ಇವರ ಅವಧಿ ಕೇವಲ 7 ದಿನಗಳು ಮಾತ್ರವಿರುತ್ತದೆ. ಅಕ್ಟೋಬರ್​ 16ರಿಂದ 23ರವರಗೆ ಇವರು ತಂಡದ ಜೊತೆ ಕಾರ್ಯನಿರ್ವಹಿಸಲಿದ್ದಾರೆ. ನಂತರ ಅಂಡರ್​ 19 ತಂಡದ ಜೊತೆಗೆ 5 ತಿಂಗಳು ಕಾರ್ಯನಿರ್ವಹಿಸಲಿದ್ದಾರೆ ಎಂದು ಐಸಿಸಿ ತಿಳಿಸಿದೆ.

ಪ್ರಸ್ತುತ ಮುಂಬೈ ಇಂಡಿಯನ್ಸ್ ತಂಡದ ಮುಖ್ಯ ಕೋಚ್​ ಆಗಿರುವ ಮಹೇಲಾ ಜಯವರ್ದನೆ ಐಪಿಎಲ್​ ಮುಗಿದ ಬಳಿಕ ಶ್ರೀಲಂಕಾ ತಂಡವನ್ನು ಸೇರಿಕೊಳ್ಳಲಿದ್ದಾರೆ.

ಇದನ್ನು ಓದಿ:ಭವಿಷ್ಯದಲ್ಲಿ ಭಾರತ-ಇಂಗ್ಲೆಂಡ್​ ಸರಣಿ ನಡೆದ್ರೂ ನಾವು ಬರಲ್ಲ ಅಂತಿದ್ದಾರೆ; ಹಾಗಾದರೆ ಹೀಗೆ ಮಾಡಿ ಎಂದ ಫರೋಖ್