ವಾರ್ನರ್​, ಅಯ್ಯರ್ ಅಲ್ಲ, ವಿಂಡೀಸ್​ನ ಈ ಆಲ್​ರೌಂಡರ್​ ಆರ್​ಸಿಬಿ ನಾಯಕತ್ವಕ್ಕೆ ಸೂಕ್ತ : ಆಕಾಶ್ ಚೋಪ್ರಾ

ದಶಕದ ಕಾಲ ತಂಡವನ್ನು ಮುನ್ನಡೆಸಿದರೂ ಪ್ರಶಸ್ತಿ ಎತ್ತಿ ಹಿಡಿಯಲು ಸಾಧ್ಯವಾಗದೇ ಕೊನೆಗೆ ನಾಯಕತ್ವವನ್ನ ಬಿಟ್ಟುಕೊಟ್ಟು ಕೇವಲ ಆಟಗಾರನಾಗಿ ಮುಂದುವರಿಯುವುದಾಗಿ ಹೇಳಿದ್ದಾರೆ..

ಮುಂಬೈ:ಇಂಡಿಯನ್ ಪ್ರೀಮಿಯರ್ ಲೀಗ್​ನ ಮೆಗಾ ಹರಾಜು ಹತ್ತಿರ ಬರುತ್ತಿದೆ. ರಾಯಲ್​ ಚಾಲೆಂಜರ್ಸ್ ಬೆಂಗಳೂರು, ಕೋಲ್ಕತ್ತಾ ನೈಟ್​ ರೈಡರ್ಸ್ ಮತ್ತು ಪಂಜಾಬ್ ಕಿಂಗ್ಸ್​ ಫ್ರಾಂಚೈಸಿಗಳು ನಾಯಕತ್ವ ನಿರ್ವಹಿಸುವ ಆಟಗಾರರನ್ನು ಎದುರು ನೋಡುತ್ತಿವೆ.

ಅದರಲ್ಲೂ ಆರ್​ಸಿಬಿ ಮೇಲೆ ಎಲ್ಲರ ಕಣ್ಣಿದೆ. ವಿರಾಟ್​ ಕೊಹ್ಲಿ ಸ್ಥಾನಕ್ಕೆ ಯಾರು ಸರಿಯಾದ ಆಯ್ಕೆ ಎಂಬ ಚರ್ಚೆ ಸಾಗುತ್ತಿದೆ. ಭಾರತದ ಮಾಜಿ ನಾಯಕ ಕಳೆದ ಆವೃತ್ತಿಯಲ್ಲಿ ಆರ್​ಸಿಬಿ ನಾಯಕತ್ವವನ್ನು ತ್ಯಜಿಸಿದ್ದರು.

ದಶಕದ ಕಾಲ ತಂಡವನ್ನು ಮುನ್ನಡೆಸಿದರೂ ಪ್ರಶಸ್ತಿ ಎತ್ತಿ ಹಿಡಿಯಲು ಸಾಧ್ಯವಾಗದೇ ಕೊನೆಗೆ ನಾಯಕತ್ವವನ್ನ ಬಿಟ್ಟುಕೊಟ್ಟು ಕೇವಲ ಆಟಗಾರನಾಗಿ ಮುಂದುವರಿಯುವುದಾಗಿ ಹೇಳಿದ್ದಾರೆ.

ಜೇಸನ್ ಹೋಲ್ಡರ್​ ಆರ್​ಸಿಬಿ ನಾಯಕ

ಪ್ರಸ್ತುತ ಆರ್​ಸಿಬಿ ಮೂರು ಆಟಗಾರರನ್ನು ರಿಟೈನ್ ಮಾಡಿಕೊಂಡಿದೆ. ವಿರಾಟ್​ ಕೊಹ್ಲಿ, ಗ್ಲೇನ್ ಮ್ಯಾಕ್ಸ್​ವೆಲ್​ ಮತ್ತು ಮೊಹಮ್ಮದ್ ಸಿರಾಜ್​ರನ್ನು ಕ್ರಮವಾಗಿ 15 ಕೋಟಿ ರೂ., 11ಕೋಟಿ ರೂ. ಮತ್ತು 7 ಕೋಟಿ ರೂ.ಗಳಿಗೆ ರಿಟೈನ್ ಮಾಡಿಕೊಂಡಿದೆ. ಬಿಬಿಎಲ್​ನಲ್ಲಿ ಮೆಲ್ಬೋರ್ನ್​ ಸ್ಟಾರ್ಸ್​ ತಂಡವನ್ನು ಮುನ್ನಡೆಸಿದ ಅನುಭವವಿದ್ದು, ಅವರಿಗೆ ಆರ್​ಸಿಬಿ ನಾಯಕತ್ವವನ್ನು ನೀಡಬಹುದೆ ಎನ್ನಲಾಗುತ್ತಿದೆ.

ಇದನ್ನೂ ಓದಿ: ಯುಎಇಗಿಂತಲೂ ಕಡಿಮೆ ವೆಚ್ಚದಲ್ಲಿ ಐಪಿಎಲ್​ ಆಯೋಜಿಸಲು ಆಫರ್ ನೀಡಿದ ದಕ್ಷಿಣ ಆಫ್ರಿಕಾ

ಆದರೆ, ಭಾರತ ತಂಡದ ಮಾಜಿ ಆರಂಭಿಕ ಬ್ಯಾಟರ್​ ಆಕಾಶ್ ಚೋಪ್ರಾ ವೆಸ್ಟ್​ ಇಂಡೀಸ್​ ಆಲ್​ರೌಂಡರ್​ ಜೇಸನ್​ ಹೋಲ್ಡರ್​ ಆರ್​ಸಿಬಿ ನಾಯಕತ್ವಕ್ಕೆ ಸೂಕ್ತ ಆಟಗಾರನಾಗಬಹುದು ಎಂದು ಸಲಹೆ ನೀಡಿದ್ದಾರೆ.

"ಒಂದು ವೇಳೆ ಮ್ಯಾಕ್ಸ್​ವೆಲ್​ಗೆ ಆರ್​ಸಿಬಿ ನಾಯಕತ್ವ ನೀಡದಿದ್ದರೆ, ಜೇಸನ್​ ಹೋಲ್ಡರ್​ ನಾಯಕತ್ವದ ಅಭ್ಯರ್ಥಿಯಾದರೆ ಹೇಗೆ?. ಏಕೆಂದರೆ, ತಂಡದಲ್ಲಿ ಒಬ್ಬ ಆಲ್​ರೌಂಡರ್​ನ ಅಗತ್ಯವಿದೆ. ಅಲ್ಲದೆ ಹೋಲ್ಡರ್​ಗೆ ನಾಯಕತ್ವ ಜವಾಬ್ದಾರಿಯನ್ನು ನಿರ್ವಹಿಸುವ ಸಾಮರ್ಥ್ಯವಿದೆ" ಎಂದು ಚೋಪ್ರಾ ಟ್ವೀಟ್​ ಮೂಲಕ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.

ಮೆಗಾ ಹರಾಜಿನಲ್ಲಿ ಭಾರತದ ಶ್ರೇಯಸ್ ಅಯ್ಯರ್, ಆಸ್ಟ್ರೇಲಿಯಾದ ಡೇವಿಡ್​ ವಾರ್ನರ್​, ಕರ್ನಾಟಕದ ಮನೀಶ್ ಪಾಂಡೆ ಕೂಡ ಇರಲಿದ್ದು, ಇವರಲ್ಲಿ ಯಾರನ್ನಾದರೂ ಆಯ್ಕೆ ಮಾಡಿಕೊಳ್ಳಬಹುದು ಎನ್ನಲಾಗುತ್ತಿದೆ.

ನಿಮ್ಮ ಸೂಕ್ತ ಸಂಗಾತಿ ಹುಡುಕುತ್ತಿರುವಿರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ ನೋಂದಣಿ ಉಚಿತ