ಜಮ್ಮು: ಇಂಡಿಯನ್ ಪ್ರೀಮಿಯರ್ ಲೀಗ್ನಲ್ಲಿ ಸನ್ರೈಸರ್ಸ್ ಹೈದರಾಬಾದ್ ತಂಡದ ಪರ ಅದ್ಭುತ ಪ್ರದರ್ಶನ ನೀಡಿರುವ ಉಮ್ರಾನ್ ಮಲಿಕ್ ಟೀಂ ಇಂಡಿಯಾದಲ್ಲಿ ಸ್ಥಾನ ಪಡೆದುಕೊಳ್ಳುವಲ್ಲಿ ಯಶಸ್ವಿಯಾಗಿದ್ದಾರೆ. ಕೇವಲ 22 ವರ್ಷದ ವೇಗಿ, ಐಪಿಎಲ್ನಲ್ಲಿ ಮಾರಕ ಬೌಲಿಂಗ್ನಿಂದಲೇ ಎದುರಾಳಿ ಬ್ಯಾಟರ್ಗಳ ನಿದ್ದೆಗೆಡಿಸಿದ್ದರು. ಇದೀಗ ದಕ್ಷಿಣ ಆಫ್ರಿಕಾ ವಿರುದ್ಧದ ಸರಣಿಯಲ್ಲಿ ಪಾಲ್ಗೊಳ್ಳಲಿದ್ದಾರೆ.
ETV ಭಾರತ್ ಜೊತೆ ಮನದಾಳ ಬಿಚ್ಚಿಟ್ಟ ಅಬ್ದುಲ್ ಟೀಂ ಇಂಡಿಯಾಗೆ ಉಮ್ರಾನ್ ಮಲಿಕ್ ಆಯ್ಕೆ ವಿಚಾರಕ್ಕೆ ಸಂಬಂಧಿಸಿದಂತೆ ಅವರ ತಂದೆ ಅಬ್ದುಲ್ ರಶೀದ್ ಈಟಿವಿ ಭಾರತ್ ಜೊತೆ ಮಾತನಾಡಿದ್ದಾರೆ. ಈ ವೇಳೆ ಅನೇಕ ವಿಚಾರ ಹೊರಹಾಕಿರುವ ಅವರು, ಮಗನಿಗೋಸ್ಕರ ಮಾಡಿರುವ ತ್ಯಾಗದ ಬಗ್ಗೆ ಪ್ರೀತಿಯಿಂದಲೇ ಹೇಳಿಕೊಂಡಿದ್ದಾರೆ. ತಮ್ಮ ಹಾಗೇ ಉಮ್ರಾನ್ ಯಾವತ್ತೂ ತರಕಾರಿ ಮಾರಬೇಕೆಂದು ನಾನು ಇಷ್ಟಪಡಲಿಲ್ಲ. ಹೀಗಾಗಿ, ಅಂಗಡಿ ಕಡೆ ಬಾರದಂತೆ ಆತನಿಗೆ ತಾಕೀತು ಮಾಡಲಾಗಿತ್ತು ಎಂದು ತಿಳಿಸಿದ್ದಾರೆ.
ತರಕಾರಿ-ಹಣ್ಣು ವ್ಯಾಪಾರ ಮಾಡುವ ಉಮ್ರಾನ್ ಮಲಿಕ್ ತಂದೆ ಇದನ್ನೂ ಓದಿ:IPLನಲ್ಲಿ ಹಲ್ಚಲ್ ಎಬ್ಬಿಸಿದ 'ಜಮ್ಮು ಎಕ್ಸ್ಪ್ರೆಸ್'.. 14 ಪಂದ್ಯದಲ್ಲೂ ಪ್ರಶಸ್ತಿ; ಹೊಸ ದಾಖಲೆ ಬರೆದ ಮಲಿಕ್
ದೇಶಾದ್ಯಂತ ನನ್ನ ಮಗನ ಬಗ್ಗೆ ಕಂಡು ಬಂದಿರುವ ಪ್ರೀತಿಯಿಂದ ತುಂಬಾ ಸಂತಸಗೊಂಡಿದ್ದೇನೆ. ಜನರು ಯಾವಾಗಲೂ ಆತನನ್ನ ಇದೇ ರೀತಿ ಪ್ರೀತಿಸಲಿ ಎಂದಿದ್ದಾರೆ. ಉಮ್ರಾನ್ಗೆ ಚಿಕ್ಕವನಾಗಿದ್ದಾಗಿನಿಂದಲೂ ಕ್ರಿಕೆಟ್ ಎಂದರೆ ಪ್ಯಾಷನ್. ಆತನ ಕನಸು ನನಸು ಮಾಡಿಕೊಳ್ಳಲು ನಾವು ಪ್ರೋತ್ಸಾಹಿಸಿದ್ದೇವೆ. ಇದಕ್ಕೆ ಆತನ ಸಹೋದರಿಯರು, ತಾಯಿ ಸಹ ಸಾಥ್ ನೀಡಿದ್ದಾರೆ ಎಂದರು. ಬಾಲ್ಯದಿಂದಲೂ ಆಟದ ಬಗ್ಗೆ ಒಲವು ಹೊಂದಿರುವ ಉಮ್ರಾನ್ ಇದೀಗ ದೇಶವನ್ನ ಪ್ರತಿನಿಧಿಸಲಿದ್ದು, ಅವರಿಗೆ ಉತ್ತಮ ಯಶಸ್ಸು ಸಿಗಲಿ ಎಂದು ಉಮ್ರಾನ್ ಮಲಿಕ್ ತಂದೆ ಹಾರೈಸಿದ್ದಾರೆ.
ಉಮ್ರಾನ್ ಮಲಿಕ್, ಟೀಂ ಇಂಡಿಯಾ ಪರ ಆಯ್ಕೆಯಾಗುತ್ತಿದ್ದಂತೆ ಅನೇಕರು ಜಮ್ಮು- ಕಾಶ್ಮೀರದಲ್ಲಿ ಸಂಭ್ರಮಾಚರಣೆ ಮಾಡಿ, ಈಗಾಗಲೇ ಸಿಹಿ ಸಹ ಹಂಚಿಕೆ ಮಾಡಿದ್ದಾರೆ.
ಈಟಿವಿ ಭಾರತ ಜೊತೆ ಉಮ್ರಾನ್ ಮಲಿಕ್ ತಂದೆ ಮಾತು ಪ್ರಸಕ್ತ ಸಾಲಿನ ಐಪಿಎಲ್ನಲ್ಲಿ ದಾಖಲೆಯ 157 ಕಿಲೋ ಮೀಟರ್ ವೇಗದಲ್ಲಿ ಬೌಲಿಂಗ್ ಮಾಡುವ ಮೂಲಕ ಹೊಸದೊಂದು ಇತಿಹಾಸ ನಿರ್ಮಿಸಿದ್ದ ಜಮ್ಮು ಎಕ್ಸ್ಪ್ರೆಸ್ ಖ್ಯಾತಿಯ ಉಮ್ರಾನ್ ಮಲಿಕ್, ತಾವು ಆಡಿರುವ ಲೀಗ್ನ 14 ಪಂದ್ಯಗಳಲ್ಲೂ ಪ್ರಶಸ್ತಿಗೆ ಭಾಜನರಾಗಿದ್ದಾರೆ. ಐಪಿಎಲ್ನಲ್ಲಿ ನೀಡಲಾಗುವ 'ಫಾಸ್ಟೆಸ್ಟ್ ಡೆಲಿವರಿ ಆಫ್ ದಿ ಮ್ಯಾಚ್' ಅವಾರ್ಡ್ ಪ್ರತಿವೊಂದು ಪಂದ್ಯದಲ್ಲೂ ಮಲಿಕ್ ಪಡೆದುಕೊಂಡಿದ್ದಾರೆ. ಅವರ ಬೌಲಿಂಗ್ ಸಾಮರ್ಥ್ಯಕ್ಕೆ ಫಿದಾ ಆಗಿರುವ ಬಿಸಿಸಿಐ, ಇದೀಗ ಮಣೆ ಹಾಕಿದೆ.
