ಹೈದರಾಬಾದ್:ಇಂಡಿಯನ್ ಪ್ರೀಮಿಯರ್ ಲೀಗ್ನಲ್ಲಿ ಮುಂದಿನ ಆವೃತ್ತಿಯಿಂದ 10 ತಂಡಗಳು ಕಣಕ್ಕಿಳಿಯಲಿದ್ದು, ಹೊಸದಾಗಿ ಎರಡು ತಂಡಗಳ ಸೇರ್ಪಡೆಗೆ ಈಗಾಗಲೇ ಕ್ಷಣಗಣನೇ ಆರಂಭಗೊಂಡಿದೆ. ಇದರ ಮಧ್ಯೆ ಬಾಲಿವುಡ್ ತಾರಾ ದಂಪತಿಗಳಾಗಿರುವ ರಣವೀರ್ ಸಿಂಗ್ ಹಾಗೂ ದೀಪಿಕಾ ಪಡುಕೊಣೆ ಹೊಸ ತಂಡ ಖರೀದಿ ಮಾಡಲು ಆಸಕ್ತಿ ತೋರಿದ್ದಾರೆ ಎಂಬ ಮಾಹಿತಿ ಕೇಳಿ ಬರಲು ಶುರುವಾಗಿದೆ.
ಬಾಲಿವುಡ್ ದಂಪತಿ ರಣವೀರ್-ದೀಪಿಕಾ ನೂತನ ತಂಡ ಖರೀದಿಗಾಗಿ ಈಗಾಗಲೇ ವಿವಿಧ ಕಂಪನಿಗಳು ಬಿಡ್ ಖರೀದಿ ಮಾಡಿದ್ದು, ಇದರ ಬೆನ್ನಲ್ಲೇ ಬಾಲಿವುಡ್ ದಂಪತಿಗಳ ಹೆಸರು ಕೇಳಿ ಬಂದಿದೆ. ಐಪಿಎಲ್ನಲ್ಲಿ ಈಗಾಗಲೇ ಶಾರುಖ್ ಖಾನ್, ಜೂಹಿ ಚಾವ್ಹಾ ಹಾಗೂ ಪ್ರೀತಿ ಜಿಂಟಾ ತಂಡ ಖರೀದಿ ಮಾಡಿದ್ದು, ಇದೀಗ ಮುಂದಿನ ವರ್ಷದ ಐಪಿಎಲ್ ಸೀಸನ್ಗಾಗಿ ರಣವೀರ್ - ದೀಪಿಕಾ ತಂಡಕ್ಕೆ ಬಿಡ್ ಮಾಡಬಹುದು ಎನ್ನಲಾಗಿದೆ.
ಕಪಿಲ್ ದೇವ್ ಅವತಾರದಲ್ಲಿ ಮಿಂಚಿದ್ದ ರಣವೀರ್ ಸಿಂಗ್ ದಿನೇಶ್ ಕಾರ್ತಿಕ್ ಟ್ವೀಟ್
ಬಾಲಿವುಡ್ ದಂಪತಿ ಐಪಿಎಲ್ ತಂಡ ಖರೀದಿ ಮಾಡಲು ಮುಂದಾಗಿದ್ದಾರೆ ಎಂಬ ಸುದ್ದಿ ಕೇಳಿ ಬರಲು ಶುರುವಾಗುತ್ತಿದ್ದಂತೆ ಟೀಂ ಇಂಡಿಯಾ ವಿಕೆಟ್ ಕೀಪರ್ ಬ್ಯಾಟರ್ ದಿನೇಶ್ ಕಾರ್ತಿಕ್ ವ್ಯಂಗ್ಯವಾಗಿ ಟ್ವೀಟ್ ಮಾಡಿದ್ದಾರೆ. ರಣವೀರ್ ಮಾಲೀಕತ್ವದ ತಂಡದ ಜರ್ಸಿ ನೋಡಲು ತುಂಬಾ ಆಶ್ಚರ್ಯಕರವಾಗಿರುತ್ತದೆ ಎಂದಿದ್ದಾರೆ.
ಹೊಸ ತಂಡಗಳ ಹರಾಜು ಪ್ರಕ್ರಿಯೆ ಅಕ್ಟೋಬರ್ 25ರಂದು ದುಬೈನಲ್ಲಿ ನಡೆಯಲಿದ್ದು, ಈಗಾಗಲೇ ಅಹಮದಾಬಾದ್, ಲಖನೌ ತಂಡಗಳು ಮುಂದಿನ ಐಪಿಎಲ್ ತಂಡದಲ್ಲಿ ಭಾಗಿಯಾಗಲಿವೆ ಎಂಬ ಮಾತು ಕೇಳಿ ಬರಲು ಶುರುವಾಗಿದೆ. ಐಪಿಎಲ್ನಲ್ಲಿ ಶಾರುಖ್ ಖಾನ್ ಕೋಲ್ಕತ್ತಾ ನೈಟ್ ರೈಡರ್ಸ್ ಹಾಗೂ ಪ್ರೀತಿ ಜಿಂಟಾ ಕಿಂಗ್ಸ್ ಪಂಜಾಬ್ ತಂಡದ ಮಾಲೀಕರಾಗಿದ್ದಾರೆ.
ಇದನ್ನೂ ಓದಿರಿ:IPL 2022: ನಾಲ್ವರು ಪ್ಲೇಯರ್ಸ್ಗೆ ಉಳಿಸಿಕೊಳ್ಳಲು ಅವಕಾಶ... RTMಗಿಲ್ಲ ಚಾನ್ಸ್!
ಕಳೆದ ಆವೃತ್ತಿಯಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ತಂಡ ಕೆಕೆಆರ್ ವಿರುದ್ಧ ಗೆಲುವು ಸಾಧಿಸಿ, ಚಾಂಪಿಯನ್ ಆಗಿ ಹೊರಹೊಮ್ಮಿದೆ.
