IPL 2021: ಕೇವಲ 5 ರನ್​ಗಳ ಅಂತರದಿಂದ ಸೋತ ಸನ್​ರೈಸರ್ಸ್​.. ಕೊನೆಗೂ ಗೆದ್ದ ಪಂಜಾಬ್ ಕಿಂಗ್ಸ್..

ಅತ್ಯಂತ ಸಾಧಾರಣ ಮಟ್ಟದ ಗುರಿಯನ್ನು ತಲುಪಲಾಗದ ಸನ್​ರೈಸರ್ಸ್​ ಹೈದರಾಬಾದ್ ತಂಡ ಪಂಜಾಬ್ ತಂಡದ ವಿರುದ್ಧ ಸೋಲನ್ನು ಅನುಭವಿಸಿದೆ.

ಶಾರ್ಜಾ, ದುಬೈ:ಪಂಜಾಬ್ ಕಿಂಗ್ಸ್ ನೀಡಿದ್ದ 125 ರನ್​ಗಳ ಸಾಧಾರಣ ಮಟ್ಟದ ಗುರಿಯನ್ನು ತಲುಪಲಾಗದ ಸನ್​ರೈಸರ್ಸ್​ ಹೈದರಾಬಾದ್ ತಂಡ ಹೀನಾಯ ಸೋಲು ಅನುಭವಿಸಿದೆ.

ಟಾಸ್​ ಸೋತು ಮೊದಲು ಬ್ಯಾಟಿಂಗ್ ಮಾಡಿದ ಪಂಜಾಬ್ ಕಿಂಗ್ಸ್​ ಭಾರಿ ಮೊತ್ತದ ರನ್ ಪೇರಿಸಲು ವಿಫಲವಾಯಿತು. 30 ರನ್​ಗಳ ಗಡಿಯನ್ನು ಯಾವ ಆಟಗಾರನೂ ಕೂಡ ದಾಟಲಿಲ್ಲ. ಕೆ.ಎಲ್​​.ರಾಹುಲ್​ 21, ಐಡನ್​ ಮರ್ಕ್ರಮ್​ 27 ರನ್​ಗಳನ್ನು ಗಳಿಸಿದ್ದೇ ಅತ್ಯಂತ ದೊಡ್ಡ ಮೊತ್ತವಾಗಿತ್ತು. ಇದರ ಜೊತೆಗೆ ಕ್ರಿಸ್ ಗೇಲ್ 14, ದೀಪಕ್ ಹೂಡಾ 13, ಹರ್​ಪ್ರೀತ್ ಬ್ರಾರ್ 18, ನಾಥನ್ ಎಲ್ಲಿಸ್ 12, ಮಯಾಂಕ್ ಅಗರ್ವಾಲ್ 5, ನಿಕೋಲಸ್ ಪೂರನ್ 8 ರನ್ ಮಾತ್ರ ಗಳಿಸಿದ್ದರು.

ಬ್ಯಾಟಿಂಗ್ ವೈಫಲ್ಯದ ನಡುವೆಯೇ 7 ವಿಕೆಟ್ ನಷ್ಟಕ್ಕೆ 125 ರನ್​ಗಳನ್ನು ಗಳಿಸಲು ಪಂಜಾಬ್ ತಂಡಕ್ಕೆ ಸಾಧ್ಯವಾಯಿತು. ಪಂಜಾಬ್ ಕಿಂಗ್ಸ್ ಮೇಲೆ ಮಾರಕ ಬೌಲಿಂಗ್ ದಾಳಿ ನಡೆಸಿದ್ದ ಜಾಸನ್ ಹೋಲ್ಡರ್ 4 ಓವರ್​ಗಳಲ್ಲಿ 19 ರನ್ ನೀಡಿ 3 ವಿಕೆಟ್ ಪಡೆದರು. ಇನ್ನುಳಿದಂತೆ ರಶೀದ್ ಖಾನ್, ಅಬ್ದುಲ್ ಸಮದ್, ಸಂದೀಪ್ ಶರ್ಮಾ, ಭುವನೇಶ್ವರ್ ಕುಮಾರ್, ಖಲೀಲ್ ಅಹ್ಮದ್ ತಲಾ ಒಂದು ವಿಕೆಟ್ ಪಡೆದರು.

ಪಂಜಾಬ್ ನೀಡಿದ್ದ ಸ್ಕೋರ್ ಬೆನ್ನಟ್ಟಿದ ಸನ್​ ರೈಸರ್ಸ್ ತಂಡದ ಬ್ಯಾಟರ್ಸ್​ ಪ್ರದರ್ಶನವೂ ಕಳಪೆಯಿಂದ ಕೂಡಿತ್ತು. ಡೇವಿಡ್ ವಾರ್ನರ್ 2 ರನ್​ಗೆ ಔಟಾದರೆ, ವೃದ್ಧಿಮಾನ್ ಸಹಾ 31, ಜಾಸನ್ ಹೋಲ್ಡರ್ 47 ರನ್​ ಗಳಿಸಿ, ತಂಡಕ್ಕೆ ಆಸರೆಯಾಗಿದ್ದರೂ, ಗೆಲುವು ಅಸಾಧ್ಯವಾಯಿತು. ಕೇನ್ ವಿಲಿಯಮ್ಸನ್ 1, ಮನೀಷ್ ಪಾಂಡೆ 13, ಕೇದಾರ್ ಜಾದವ್ 12, ಅಬ್ದುಲ್ ಸಮದ್ 1. ರಶೀದ್ ಖಾನ್ 3, ಭುವನೇಶ್ವರ್ ಕುಮಾರ್ 3 ರನ್​ ಗಳಿಸಿದರು. ಇಷ್ಟಾದರೂ ಕೇವಲ 120 ರನ್ ಗಳಿಸಲು ಮಾತ್ರವೇ ಸನ್​ರೈಸರ್ಸ್ ಸಫಲರಾದರು.

ಹೈದರಾಬಾದ್​​ ಆಟಗಾರರ ಮೇಲೆ ರವಿ ಬಿಷ್ನೋಯಿ ಮಾರಕ ದಾಳಿ ನಡೆಸಿದ್ದು, ಮೂರು ವಿಕೆಟ್ ಪಡೆದರು. ಮೊಹಮದ್ ಶಮಿ 2, ಅರ್ಷದೀಪ್ ಸಿಂಗ್ 1 ವಿಕೆಟ್ ಪಡೆದು, ಸನ್ ರೈಸರ್ಸ್​ ಅನ್ನು ಕಟ್ಟಿಹಾಕಲು ಸಫಲರಾದರು.

ಇದನ್ನೂ ಓದಿ:ಸಿಎಸ್​ಕೆ ಪ್ಲೇ ಆಫ್​ ತಲುಪಿದ ಮೇಲೆ ಧೋನಿ 4ನೇ ಕ್ರಮಾಂಕದಲ್ಲಿ ಬ್ಯಾಟಿಂಗ್ ಮಾಡ್ಬೇಕು : ಗಂಭೀರ್ ಸಲಹೆ