ನವದೆಹಲಿ:ನ್ಯೂಜಿಲ್ಯಾಂಡ್ ಅನುಭವಿ ಬೌಲರ್ ಟಿಮ್ ಸೌಥಿಯನ್ನು ಪ್ಯಾಟ್ ಕಮಿನ್ಸ್ಗೆ ಬದಲೀ ಆಟಗಾರನಾಗಿ ಕೋಲ್ಕತ್ತಾ ನೈಟ್ ರೈಡರ್ಸ್ ಒಪ್ಪಂದ ಮಾಡಿಕೊಂಡಿದೆ. ಪಂಜಾಬ್ ಕಿಂಗ್ಸ್ ಜೇ ರಿಚರ್ಡ್ಸನ್ ಬದಲಿಗೆ ಇಂಗ್ಲೆಂಡ್ ಅನುಭವಿ ಸ್ಪಿನ್ನರ್ ಆದಿಲ್ ರಶೀದ್ಗೆ ಮಣೆ ಹಾಕಿದೆ.
ಸೆಪ್ಟೆಂಬರ್ 19ರಿಂದ 14ನೇ ಆವೃತ್ತಿಯ ಮುಂದುವರಿದ ಭಾಗ ಆರಂಭವಾಗಲಿದೆ. ಆದರೆ, ಕೆಲವು ರಾಷ್ಟ್ರಗಳ ಆಟಗಾರರು ವೈಯಕ್ತಿಕ ಕಾರಣ, ರಾಷ್ಟ್ರೀಯ ಸೇವೆ ಹಾಗೂ ಗಾಯದ ಕಾರಣದಿಂದ ಲೀಗ್ಗೆ ಗೈರಾಗುತ್ತಿದ್ದಾರೆ. ಹಾಗಾಗಿ ಫ್ರಾಂಚೈಸಿಗಳು ಅಂತಹ ಆಟಗಾರರ ಬದಲಿಗೆ ಲಭ್ಯರಿರುವ ಆಟಗಾರರೊಂದಿಗೆ ಒಪ್ಪಂದ ಮಾಡಿಕೊಳ್ಳುತ್ತಿದ್ದಾರೆ.
15.5 ಕೋಟಿ ರೂ ಪಡೆದು ಕೆಕೆಆರ್ ಸೇರಿದ್ದ ಆಸ್ಟ್ರೇಲಿಯಾದ ಪ್ಯಾಟ್ ಕಮ್ಮಿನ್ಸ್ ಈ ಬಾರಿಯ ಐಪಿಎಲ್ನಿಂದ ಹೊರಗುಳಿಯಲು ನಿರ್ಧರಿಸಿದ್ದಾರೆ. ಹಾಗಾಗಿ 2 ಬಾರಿಯ ಚಾಂಪಿಯನ್ ಕಿವೀಸ್ನ ಸೌಥಿಯ ಜೊತೆಗೆ ಒಪ್ಪಂದ ಮಾಡಿಕೊಂಡಿದೆ.
ಇದನ್ನು ಓದಿ:ಕೇನ್ ರಿಚರ್ಡ್ಸನ್ ಬದಲಿಗೆ ಇಂಗ್ಲೆಂಡ್ನ ವೇಗಿ ಗಾರ್ಟನ್ಗೆ ಗಾಳ ಹಾಕಿದ ಆರ್ಸಿಬಿ