22:32 May 29
ಟೈಟನ್ಸ್ಗೆ ಆರಂಭಿಕ ಆಘಾತ: ಸಹಾ, ವೇಡ್ ವಿಕೆಟ್ ಪತನ.. 6 ಓವರ್ಗೆ 2 ವಿಕೆಟ್ಗೆ 31ರನ್
130 ರನ್ ಗುರಿ ಬೆನ್ನು ಹತ್ತಿದ ಟೈಟನ್ಸ್ಗೆ ಆರಂಭಿಕ ಆಘಾತ ಉಂಟಾಗಿದೆ. ವೃದ್ಧಿಮಾನ್ ಸಹಾ 7 ಬಾಲ್ಗೆ 5ರನ್ ಗಳಿಸುವಷ್ಟರಲ್ಲಿ ಪ್ರಸಿದ್ಧ್ ಕೃಷ್ಣ ಅವರ ಬೌಲ್ಗೆ ಬೌಲ್ಡ್ ಆದರು. ನಂತರ ಬಂದ ವೇಡ್ 10 ಬಾಲ್ಗೆ 8ರನ್ ಗಳಿಸಿದ್ದಾಗ ಟ್ರೆಂಟ್ ಬೌಲ್ಟ್ಗೆ ವಿಕೆಟ್ ಒಪ್ಪಿಸಿದರು.
ಆರಂಭಿಕ ಆಟಗಾರ ಗಿಲ್ 14 ಎಸೆತಕ್ಕೆ 10ರನ್ ಮತ್ತು ನಾಯಕ ಹಾರ್ದಿಕ್ 6 ಬಾಲ್ಗೆ 1ರನ್ ಗಳಿಸಿ ಕ್ರೀಸ್ ಕಾಯ್ದುಕೊಂಡಿದ್ದಾರೆ.
22:10 May 29
ನಾಯಕ ಹಾರ್ದಿಕ್ ಭರ್ಜರಿ ಬೌಲಿಂಗ್ಗೆ ನಲುಗಿದ ರಾಜಸ್ಥಾನ್
ರಾಜಸ್ಥಾನ ತಂಡದಿಂದ ಸಾಂಗಿಕ ಪ್ರದರ್ಶನ ಬಾರದಿದ್ದರೂ ಸಾಧಾರಣ ಮೊತ್ತವನ್ನು ಕಲೆ ಹಾಕಿದೆ. ಬಟ್ಲರ್ ಜಯಸ್ವಾಲ್ ಬಿಟ್ಟರೆ ಮತ್ತಾರು 20 ರನ್ ಗಡಿ ದಾಟಲೇ ಇಲ್ಲ. ರಿಯಾನ್ ಪರಾಗ್ 15 ಬಾಲ್ನಲ್ಲಿ 15 ರನ್ ಗಳಿಸಿ ಶಮಿಗೆ ಬೌಲ್ಡ್ ಆದರು. ಓಬೇದ್ ಮೆಕಾಯ್ 5 ಬಾಲ್ಗೆ 8ರನ್ ಮತ್ತು ಪ್ರಸಿದ್ಧ್ ಕೃಷ್ಣ ಅಜೇಯವಾಗಿ ಉಳಿದರು.
ರಾಜಸ್ಥಾನ 20 ಓವರ್ಗೆ 9ವಿಕೆಟ್ ನಷ್ಟಕ್ಕೆ 130 ರನ್ ಗಳಿಸಲಷ್ಟೇ ಶಕ್ತವಾಯಿತು. ಟೈಟನ್ಸ್ ಕಡೆಯಿಂದ ನಾಯಕ ಹಾರ್ದಿಕ್ 3, ಸಾಯಿ ಕಿಶೋರ್ 2, ಶಮಿ ಮತ್ತು ಯಶ್ ದಯಾಳ್ ತಲಾ ಒಂದು ವಿಕೆಟ್ ಪಡೆದರು. ಹಾರ್ದಿಕ್ ಪಾಂಡ್ಯ 4 ಓವರ್ಗೆ 17 ರನ್ ಕೊಟ್ಟು 3 ವಿಕೆಟ್ ಪಡೆದು ಉತ್ತಮ ಎಕಾನಮಿ ಸಾಧಿಸಿದರು.
21:18 May 29
ಸಾಯಿ ಕಿಶೋರ್ಗೆ ಎರಡು ವಿಕೆಟ್ ನಾಯಕ ಹಾರ್ದಿಕ್ಗೆ 3 ವಿಕೆಟ್
ಅಹಮದಾಬಾದ್: ಗುಜರಾತ್ ಟೈಟಾನ್ಸ್ ವಿರುದ್ಧ 15 ಓವರ್‌ಗಳ ನಂತರ ರಾಜಸ್ಥಾನ್ ರಾಯಲ್ಸ್ ಆರಂಭಿಕ ಸ್ಥಿರ ಆಟದ ನಂತರ ವಿಕೆಟ್ ಪತನದತ್ತ ಸಾಗಿದೆ. 98ಕ್ಕೆ 6 ವಿಕೆಟ್ಗಳನ್ನು ಕಳೆದುಕೊಂಡಿರುವ ರಾಜಸ್ಥಾನ್ ಉತ್ತಮ ಆಧಾರ ಸಿಗದೇ ಗಟ್ಟಿ ಮೊತ್ತ ಕಲೆ ಹಾಕುವಲ್ಲಿ ಸಂಕಷ್ಟ ಎದುರಿಸುತ್ತಿದ್ದಾರೆ. ಆರಂಭಿಕ ಆಟಗಾರ ಯಶಸ್ವಿ ಜೈಸ್ವಾಲ್ (16 ಎಸೆತಗಳಲ್ಲಿ 22) ಬಿರುಸಿನ ಆಟ ಪ್ರದರ್ಶಿಸಿ ಬೇಗ ವಿಕೆಟ್ ಒಪ್ಪಿಸಿದರು. ನಂತರ ಬಂದ ನಾಯಕ ಸಂಜು ಸ್ಯಾಮ್ಸನ್ (11 ಎಸೆತಗಳಲ್ಲಿ 14 ರನ್) ಮಾತ್ರ ಗಳಿಸಿದರು.
ಗುಜರಾತ್ ಟೈಟಾನ್ಸ್ ಪರ ಯಶ್ ದಯಾಳ್ ಜೈಸ್ವಾಲ್ ಅವರ ವಿಕೆಟ್ ಪಡೆದರು. ಸ್ಯಾಮ್ಸನ್ ಅವರ ವಿಕೆಟ್ಅನ್ನು ನಾಯಕ ಹಾರ್ದಿಕ್ ಪಾಂಡ್ಯ ಪಡೆದರು. ಹಾರ್ದಿಕ್ ಪಾಂಡ್ಯಗೆ 3 ವಿಕೆಟ್ ಪಡೆಯುವ ಮೂಲಕ 4 ಓವರ್ಗಳಲ್ಲಿ 17ರನ್ ಮಾತ್ರ ಬಿಟ್ಟು ಕೊಟ್ಟರು.
ಮೊದಲ 15 ಓವರ್ಗಳಲ್ಲಿ ಮೊಹಮ್ಮದ್ ಶಮಿ, ರಶೀದ್ ಖಾನ್, ಇತರರು ಬಿಗಿಯಾದ ಲೈನ್ ಮತ್ತು ಲೆಂತ್ ಬೌಲಿಂಗ್ ಮಾಡಿದರೂ ಆರ್‌ಆರ್ ಆಕ್ರಮಣಕಾರಿ ಆಟಕ್ಕೆ ಆವಕಾಶ ನೀಡಲಿಲ್ಲ. ಜೋಸ್ ಬಟ್ಲರ್ (29 ಎಸೆತಗಳಲ್ಲಿ 34 ರನ್), ದೇವದತ್ ಪಡಿಕ್ಕಲ್ (10ಎಸೆತಗಳಲ್ಲಿ 2ರನ್), ಶಿಮ್ರಾನ್ ಹೆಟ್ಮೆಯರ್(12 ಎಸೆತಗಳಲ್ಲಿ 11ರನ್), ರವಿಚಂದ್ರನ್ ಅಶ್ವಿನ್,(9 ಎಸೆತಗಳಲ್ಲಿ 6ರನ್) ಟ್ರೆಂಟ್ ಬೌಲ್ಟ್, (7 ಎಸೆತಗಳಲ್ಲಿ 11ರನ್) ವಿಕೆಟ್ ಒಪ್ಪಿಸಿದ್ದಾರೆ. ರಿಯಾನ್ ಪರಾಗ್ ಮತ್ತು ಓಬೇದ್ ಮೆಕಾಯ್ ಪ್ರಸ್ತುತ ಕ್ರೀಸ್‌ನಲ್ಲಿದ್ದಾರೆ.
