ಕ್ರೈಸ್ಟ್‌ಚರ್ಚ್ :ನಿನ್ನೆ ನಡೆದ ಐಪಿಎಲ್ ಮಿನಿ ಹರಾಜು ಪ್ರಕ್ರಿಯೆಯಲ್ಲಿ ಆಸ್ಟ್ರೇಲಿಯಾದ ವೇಗದ ಬೌಲರ್ ಜೇ ರಿಚರ್ಡ್‌ಸನ್ ದಾಖಲೆ ಮೊತ್ತಕ್ಕೆ ಪಂಜಾಬ್ ಕಿಂಗ್ಸ್‌ಗೆ ಸೇಲ್ ಆಗಿದ್ದಾರೆ. ಜೇ ರಿಚರ್ಡ್‌ಸನ್‌ರನ್ನ ಪಂಜಾಬ್ ಕಿಂಗ್ಸ್ ಬರೋಬ್ಬರಿ ₹14 ಕೋಟಿ ಕೊಟ್ಟು ಖರೀದಿಸಿದೆ. ರಿಚರ್ಡ್‌ಸನ್ ಮೂಲ ಬೆಲೆಗಿಂತ ಸುಮಾರು 10 ಪಟ್ಟು ಹೆಚ್ಚು ಮೊತ್ತಕ್ಕೆ ಬಿಕರಿಯಾದರು.
ಈ ಕುರಿತು ಪ್ರತಿಕ್ರಿಯಿಸಿರುವ ರಿಚರ್ಡ್‌ಸನ್, ಈ ಬಿಡ್ ನನ್ನ ಜೀವನವನ್ನೇ ಬದಲಾಯಿಸಲಿದೆ. ನಾನು ಈ ಬಾರಿ ಐಪಿಎಲ್ನಲ್ಲಿ ಆಡಲು ಉತ್ಸುಕನಾಗಿದ್ದೇನೆ ಎಂದಿದ್ದಾರೆ. ಈ ಬಾರಿಯ ಬಿಗ್ ಬ್ಯಾಷ್ ಲೀಗ್ನಲ್ಲಿ ಮಿಂಚು ಹರಿಸಿದ್ದ ಜೇ ರಿಚರ್ಡ್‌ಸನ್ ಎಲ್ಲಾ ತಂಡಗಳ ಪ್ರಮುಖ ವಿಕೆಟ್ ಕಿತ್ತು ಬ್ಯಾಟ್ಸ್ಮನ್ಗಳಿಗೆ ಮಾರಕವಾಗಿದ್ದರು.
ಈ ಆಟವನ್ನ ನೋಡಿ ಆಸ್ಟ್ರೇಲಿಯಾ ಕ್ರಿಕೆಟ್ ಹಲವು ದಿನಗಳ ನಂತರ ಟಿ-20 ತಂಡಕ್ಕೆ ಜೇ ರಿಚರ್ಡ್‌ಸನ್ ಆಯ್ಕೆ ಮಾಡಲಾಗಿದೆ. ಮುಂಬರುವ ನ್ಯೂಜಿಲೆಂಡ್ ವಿರುದ್ಧದ ಟಿ-20 ಸರಣಿಗೆ ಸ್ಥಾನ ಪಡೆದಿರುವ ರಿಚರ್ಡ್‌ಸನ್, ಸದ್ಯ ಹೋಟೆಲ್ನಲ್ಲಿ ಕ್ವಾರಂಟೈನ್ನಲ್ಲಿದ್ದಾರೆ.