ನಟ ಅಮೀರ್​ ಖಾನ್​ ಜೊತೆ ಕ್ರಿಕೆಟಿಗ ಚಹಾಲ್​ ದಂಪತಿ ಫೋಟೋ: ಫ್ಯಾನ್ಸ್​ ಮೆಚ್ಚುಗೆ

ಬಾಲಿವುಡ್​ ನಟ ಅಮೀರ್​ ಖಾನ್​ ಜೊತೆ ಕ್ರಿಕೆಟಿಗ ಯಜುವೇಂದ್ರ ಚಹಾಲ್​ ಮತ್ತು ಪತ್ನಿ ಧನಶ್ರೀ ವರ್ಮಾ ಫೋಟೋ ತೆಗೆಸಿಕೊಂಡಿದ್ದಾರೆ.

ಕ್ರಿಕೆಟಿಗ ಯಜುವೇಂದ್ರ ಚಹಾಲ್​ ಪತ್ನಿ ಧನಶ್ರೀ ವರ್ಮಾ ಸೋಶಿಯಲ್​ ಮೀಡಿಯಾದಲ್ಲಿ ಸದಾ ಸಕ್ರಿಯರಾಗಿದ್ದಾರೆ. ಯೂಟ್ಯೂಬರ್​​ ಮತ್ತು ನೃತ್ಯ ಸಂಯೋಜಕಿಯೂ​ ಆಗಿರುವ ಧನಶ್ರೀ ಆಗಾಗ ಹೊಸ ಪೋಸ್ಟ್​ ಶೇರ್​ ಮಾಡುತ್ತಿರುತ್ತಾರೆ. ಇನ್​ಸ್ಟಾದಲ್ಲಿ 5 ಮಿಲಿಯನ್‌ಗಿಂತಲೂ ಹೆಚ್ಚು ಫಾಲೋವರ್ಸ್​ ಹೊಂದಿರುವ ಇವರು ನೃತ್ಯ ಮಾಡುವ ವಿಡಿಯೋದಿಂದ ಹಿಡಿದು, ಬಗೆ ಬಗೆಯ ಫೋಟೋಗಳನ್ನು ಹಂಚಿಕೊಳ್ಳುತ್ತಿರುತ್ತಾರೆ.

ಅದರಂತೆ ಪತಿ ಚಹಲ್​ ಮತ್ತು ನಟ ಅಮೀರ್​ ಖಾನ್​ ಜೊತೆಗೆ ತೆಗೆದ ಫೋಟೋವನ್ನು ಧನಶ್ರೀ ಇನ್​ಸ್ಟಾ ಖಾತೆಯಲ್ಲಿ ಪೋಸ್ಟ್​ ಮಾಡಿದ್ದಾರೆ. ಚಿತ್ರದಲ್ಲಿ ಅಮೀರ್​ ಖಾನ್​ ಪ್ರಕಾಶಮಾನವಾದ ಕೆಂಪು ಬಣ್ಣದ ಸ್ಪೋರ್ಟ್ಸ್​ ವೇರ್​ನಲ್ಲಿ 'ಹಂಡ್ರೆಡ್​ ಡಾಲರ್'​ ಸ್ಮೈಲ್​ ನೀಡಿದ್ದಾರೆ. ಚಹಲ್ ಪ್ರಿಂಟೆಡ್​ ಕಪ್ಪು ಶರ್ಟ್​ ಮತ್ತು​ ಮ್ಯಾಚಿಂಗ್​ ಪ್ಯಾಂಟ್​ ಹಾಗೂ ಧನಶ್ರೀ ಬಿಳಿ ಟಾಪ್ ಮತ್ತು ಬೂದು ಬಣ್ಣದ ಪ್ಯಾಂಟ್ ಧರಿಸಿದ್ದಾರೆ.

ಈ ಫೋಟೋಗಳಿಗೆ ಅಭಿಮಾನಿಗಳು ಪ್ರೀತಿಯ ಸುರಿಮಳೆಗೈದಿದ್ದಾರೆ. ನೆಟ್ಟಿಗರೊಬ್ಬರು, 'ಇಂತಹ ಸುಂದರವಾದ ಫೋಟೋಗಾಗಿ ಧನ್ಯವಾದಗಳು' ಎಂದು ಕಮೆಂಟ್​ ಮಾಡಿದ್ದಾರೆ. ಮತ್ತೊಬ್ಬರು, 'ಲಾರ್ಡ್​ ಚಹಲ್​ ಅಮೀರ್​ ಖಾನ್​ ಜೊತೆ' ಎಂದು ಬರೆದಿದ್ದಾರೆ. ಇನ್ನೊಬ್ಬರು, 'ಮೂವರನ್ನು ಜೊತೆಯಾಗಿ ನೋಡಲು ಸಂತಸವಾಗುತ್ತಿದೆ' ಎಂದು ಹೇಳಿದ್ದಾರೆ. ಇನ್ನು ಕೆಲವರು ಕೆಂಪು ಹೃದಯ ಮತ್ತು ಬೆಂಕಿಯ ಎಮೋಜಿನೊಂದಿಗೆ ಪ್ರತಿಕ್ರಿಯೆ ವಿಭಾಗವನ್ನು ತುಂಬಿದ್ದಾರೆ. ಯಜುವೇಂದ್ರ ಚಹಾಲ್​ ಹಾಗೂ ಧನಶ್ರೀ ವರ್ಮಾ 2020 ರಲ್ಲಿ ದಾಂಪತ್ಯ ಜೀವನಕ್ಕೆ ಕಾಲಿಟ್ಟರು.

ಇದನ್ನೂ ಓದಿ:'3 ಈಡಿಯಟ್ಸ್' ಪಾರ್ಟ್-2ಗಾಗಿ ಅಭಿಮಾನಿಗಳ ಬೇಡಿಕೆ; 'ಕಂಗ್ರಾಜುಲೇಷನ್ಸ್‌' ಎಂದ ಶರ್ಮನ್​ ಜೋಶಿ

ಗರಿಷ್ಠ ವಿಕೆಟ್​ ಸರದಾರ ಚಹಾಲ್​:ಐಪಿಎಲ್​ 16 ನೇ ಆವೃತ್ತಿಯಲ್ಲಿ ಯಜುವೇಂದ್ರ ಚಹಾಲ್​ ರಾಜಸ್ಥಾನ ರಾಯಲ್ಸ್​ ಪರ ಆಡುತ್ತಿದ್ದಾರೆ. ಮೇ 7 ರಂದು ಸನ್​ರೈಸರ್ಸ್​ ಹೈದರಾಬಾದ್ ವಿರುದ್ಧದ ಪಂದ್ಯದಲ್ಲಿ ಅದ್ಭುತವಾಗಿ ಬೌಲಿಂಗ್​ ಪ್ರದರ್ಶಿಸಿದ ಚಹಾಲ್​ ಹೊಸ ದಾಖಲೆ ಬರೆದರು. ಐಪಿಎಲ್​ನಲ್ಲಿ​ ಈವರೆಗೆ 183 ವಿಕೆಟ್​ ಕಿತ್ತಿದ್ದು, ಗರಿಷ್ಠ ವಿಕೆಟ್​ ಸರದಾರರ ಪಟ್ಟಿಯಲ್ಲಿ ಡ್ವೇನ್​ ಬ್ರಾವೋ ಜೊತೆ ಚಹಲ್​ ಮೊದಲ ಸ್ಥಾನ ಹಂಚಿಕೊಂಡರು. ಇದು ಮಾತ್ರವಲ್ಲದೇ ಗುರುವಾರ ಕೊಲ್ಕತ್ತಾ ನೈಟ್​ ರೈಡರ್ಸ್​ ಜೊತೆಗಿನ ಪಂದ್ಯದಲ್ಲಿ 4 ಓವರ್​ಗೆ 25 ರನ್​ ನೀಡುವ ಮೂಲಕ 4 ವಿಕೆಟ್​ ಕಿತ್ತು ಮಿಂಚಿದರು.

'ಲಾಲ್​ ಸಿಂಗ್​ ಚಡ್ಡಾ'ದಲ್ಲಿ ಅಮೀರ್​:ಬಾಲಿವುಡ್​ ನಟ ಅಮೀರ್​ ಖಾನ್​ ಸಿನಿಮಾಗಾಗಿ ಅಭಿಮಾನಿಗಳು ಕಾಯುತ್ತಿರುತ್ತಾರೆ. ಅವರು ಕೊನೆಯದಾಗಿ ಕತ್ರಿನಾ ಕಪೂರ್​ ಖಾನ್​ ಅವರ ಜೊತೆ ಲಾಲ್​ ಸಿಂಗ್​ ಚಡ್ಡಾ ಚಿತ್ರದಲ್ಲಿ ಕಾಣಿಸಿಕೊಂಡರು. ಆದರೆ ಈ ಸಿನಿಮಾ ನಿರೀಕ್ಷಿತ ಮಟ್ಟದಲ್ಲಿ ಹಿಟ್​ ಆಗಿರಲಿಲ್ಲ. ಅದರ ನಂತರ ಕೊಂಚ ಬ್ರೇಕ್​ ತೆಗೆದುಕೊಂಡಿರುವ ನಟ ತಮ್ಮ ಅಮೂಲ್ಯ ಸಮಯವನ್ನು ಕುಟುಂಬದ ಜೊತೆ ಕಳೆಯುತ್ತಿದ್ದಾರೆ. ಅವರ ಮುಂದಿನ ಸಿನಿಮಾದ ಬಗೆಗಿನ ಘೋಷಣೆಗಾಗಿ ನಿರೀಕ್ಷಿಸಲಾಗುತ್ತಿದೆ.

ಇದನ್ನೂ ಓದಿ:13 ಬೌಂಡರಿ, 5 ಸಿಕ್ಸರ್ ಸಿಡಿಸಿದ ಜೈಸ್ವಾಲ್; 4 ವಿಕೆಟ್‌ ಕಿತ್ತ ಚಹಾಲ್- ಕೆಕೆಆರ್‌ ವಿರುದ್ಧ ದಾಖಲೆಯ ಆಟ