ಡೆಲ್ಲಿ ವಿರುದ್ಧ 3 ವಿಕೆಟ್​ಗಳ ಗೆಲುವು... ಪ್ಲೇ ಆಫ್ ಕನಸು ಜೀವಂತವಾಗಿರಿಸಿಕೊಂಡ ಕೆಕೆಆರ್​

ಡೆಲ್ಲಿ ಕ್ಯಾಪಿಟಲ್ಸ್ ನೀಡಿದ್ದ 128 ರನ್​ಗಳ ಸಾಧಾರಣ ಗುರಿಯನ್ನ ಕೆಕೆಆರ್​ 18.2 ಓವರ್​ಗಳಲ್ಲಿ 7 ವಿಕೆಟ್​ ಕಳೆದುಕೊಂಡು ಗುರಿ ತಲುಪಿತು

ಶಾರ್ಜಾ: ನಿರ್ಣಾಯಕ ಪಂದ್ಯದಲ್ಲಿ ಆಲ್​ರೌಂಡರ್​​ ಪ್ರದರ್ಶನ ತೋರಿದ ಕೋಲ್ಕತ್ತಾ ನೈಟ್​ ರೈಡರ್ಸ್ ತಂಡ ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧ 4 ವಿಕೆಟ್​ಗಳ ಜಯ ಸಾಧಿಸಿ ಪ್ಲೇ ಆಫ್​ ಕನಸನ್ನು ಜೀವಂತವಾಗಿರಿಸಿಕೊಂಡಿದೆ.

ಟಾಸ್​ ಗೆದ್ದು ಚೇಸಿಂಗ್ ಮಾಡಲು ನಿರ್ಧರಿಸಿದ್ದ ಕೆಕೆಆರ್, ಬಲಿಷ್ಠ ಡೆಲ್ಲಿ ತಂಡವನ್ನು ಕೇವಲ 127 ರನ್​ಗಳಿಗೆ ಕಟ್ಟಿಹಾಕುವಲ್ಲಿ ಯಶಸ್ವಿಯಾಯಿತು. ಸುನೀಲ್ ನರೈನ್ 18ಕ್ಕೆ 2, ವೆಂಕಟೇಶ್ ಅಯ್ಯರ್​ 29ಕ್ಕೆ2, ಲಾಕಿ ಫರ್ಗುಸನ್​ 10ಕ್ಕೆ2 ಮತ್ತು ಟಿಮ್ ಸೌಥಿ 29ಕ್ಕೆ1 ರನ್​ ನೀಡಿದ ವಿಕೆಟ್ ಪಡೆದು ಡೆಲ್ಲಿ ತಂಡ ಬೃಹತ್​ ಮೊತ್ತ ಕಲೆಯಾಕುವುದನ್ನು ತಡೆದರು.

ಡೆಲ್ಲಿ ತಂಡದ ನಾಯಕ ರಿಷಭ್ ಪಂತ್ 39, ಸ್ಟೀವ್​ ಸ್ಮಿತ್​ 39 ಹಾಗೂ ಧವನ್​ 24 ರನ್​ಗಳಿಸಿದರು. ಇವರನ್ನು ಹೊರೆತುಪಡಿಸಿದರೇ ಉಳಿದ ಯಾವೊಬ್ಬ ಬ್ಯಾಟ್ಸ್​ಮನ್​ ಎರಡಂಕಿ ಮೊತ್ತ ದಾಟುವಲ್ಲಿ ವಿಫಲರಾದರು. ಅಶ್ವಿನ್ 9 ಶ್ರೇಯಸ್ ಅಯ್ಯರ್​ 1, ಶಿಮ್ರಾನ್ ಹೆಟ್ಮಾಯರ್​ 4, ಲಲಿತ್ ಯಾದವ್ ಮತ್ತು ಅಕ್ಷರ್​ ಪಟೇಲ್ ಶೂನ್ಯಕ್ಕೆ ವಿಕೆಟ್ ಒಪ್ಪಿಸಿದರು.

ಇನ್ನು 128 ರನ್​ಗಳ ಸಾಧಾರಣ ಗುರಿ ಬೆನ್ನಟ್ಟಿದ ಕೆಕೆಆರ್​ 18.2 ಓವರ್​ಗಳಲ್ಲಿ 7 ವಿಕೆಟ್​ ಕಳೆದುಕೊಂಡು ಗುರಿ ತಲುಪಿತು.

ಶುಬ್ನನ್ ಗಿಲ್​ 33 ಎಸೆತಗಳಲ್ಲಿ ಒಂದು ಬೌಂಡರಿ 2 ಸಿಕ್ಸರ್​ ಸಹಿತ 30, ನಿತೀಶ್​ ರಾಣಾ 27 ಎಸೆತಗಳಲ್ಲಿ ಅಜೇಯ 36 ಮತ್ತು ಸುನೀಲ್ ನರೇನ್​ 10 ಎಸೆತಗಳಲ್ಲಿ 21 ರನ್​ಗಳಿಸಿ ಗೆಲುವಿನ ರೂವಾರಿಗಳಾದರು . ಕೆಕೆಆರ್ ಕೂಡ ಮಧ್ಯಂತರದಲ್ಲಿ ದಿಢೀರ್​ ಗಿಲ್​, ಮಾರ್ಗನ್ ಮತ್ತು ದಿನೇಶ್ ಕಾರ್ತಿಕ್ ವಿಕೆಟ್ ಕಳೆದುಕೊಂಡಿತಾದರೂ ರಾಣಾ ಮತ್ತು ನರೈನ್​ ಸ್ಫೋಟಕ ಬ್ಯಾಟಿಂಗ್ ನಡೆಸಿ ಆಘಾತದಿಂದ ಪಾರು ಮಾಡಿದರಲ್ಲದೆ ತಂಡವನ್ನು ಗೆಲುವಿನ ಗಡಿ ದಾಟಿಸಿದರು.

ಡೆಲ್ಲಿ ಕ್ಯಾಪಿಟಲ್ಸ್ ಪರ ಆವೇಶ್ ಖಾನ್ 13ಕ್ಕೆ 3, ಕಗಿಸೋ ರಬಾಡ 28ಕ್ಕೆ1, ಅಶ್ವಿನ್ 24ಕ್ಕೆ 2, ನಾರ್ಟ್ಜ್ 15ಕ್ಕೆ1 ವಿಕೆಟ್ ಪಡೆದು ಕೆಕೆಆರ್​ ವಿರುದ್ಧ ಪ್ರಬಲ ಪೈಪೋಟಿ ನಡೆಸಿದರಾದರೂ ಗೆಲುವು ತಂದುಕೊಡಲು ವಿಫಲರಾದರು.