ಐಪಿಎಲ್​ನ ದುಬಾರಿ ಫ್ರಾಂಚೈಸಿಗೆ 'ಲಖನೌ ಸೂಪರ್​ ಜೈಂಟ್ಸ್​' ಎಂದು ನಾಮಕರಣ

ಕಳೆದ ವಾರವಷ್ಟೆ ಲಖನೌ ಫ್ರಾಂಚೈಸಿ ಕನ್ನಡಿಗ ಕೆಎಲ್​ ರಾಹುಲ್​ ಅವರನ್ನು ದಾಖಲೆಯ 17 ಕೋಟಿ ರೂ. ನೀಡಿ ಡ್ರಾಫ್ಟ್​ ಮಾಡಿಕೊಂಡಿದ್ದ ಫ್ರಾಂಚೈಸಿ ಅವರನ್ನೇ ನಾಯಕನನ್ನಾಗಿ ನೇಮಿಸಿತ್ತು. ಇವರ ಜೊತೆಗೆ ಆಸ್ಟ್ರೇಲಿಯಾದ ಆಲ್​ರೌಂಡರ್​ ಮಾರ್ಕಸ್​ ಸ್ಟೋಯ್ನಿಸ್​ ಮತ್ತು ಯುವ ಸ್ಪಿನ್ನರ್​ ರವಿ ಬಿಷ್ಣೋಯ್​ ಅವರನ್ನು ಕ್ರಮವಾಗಿ 9.5 ಮತ್ತು 4 ಕೋಟಿ ರೂ.ಗಳಿಗೆ ರಿಟೈನ್ ಮಾಡಿಕೊಂಡಿತ್ತು..

ಮುಂಬೈ: 2022ರ 0ಇಂಡಿಯನ್ ಪ್ರೀಮಿಯರ್​ ಲೀಗ್​ಗೆ ಹೊಸದಾಗಿ ಸೇರ್ಪಡೆಗೊಂಡಿರುವ ಉದ್ಯಮಿ ಸಂಜೀವ್​ ಗೋಯಂಕ ನೇತೃತ್ವದ RPSG ಗ್ರೂಪ್​ ಮಾಲೀಕತ್ವದ ಲಖನೌ ಮೂಲದ ಫ್ರಾಂಚೈಸಿಗೆ ಲಲಖನೌ ಸೂಪರ್​ ಜೈಂಟ್ಸ್​ ಎಂದು ಸೋಮವಾರ ನಾಮಕರಣ ಮಾಡಲಾಗಿದೆ.

ಕಳೆದ ಅಕ್ಟೋಬರ್​ನಲ್ಲಿ ನಡೆದಿದ್ದ ಬಿಡ್​ನಲ್ಲಿ ಬರೋಬ್ಬರಿ 7090 ಕೋಟಿ ರೂ. ನೀಡಿ RPSG ಗ್ರೂಪ್ ಲಖನೌ ಫ್ರಾಂಚೈಸಿಯನ್ನು ಖರೀದಿಸಿತ್ತು. ಈ ಮೂಲಕ ಐಪಿಎಲ್ ಇತಿಹಾಸದಲ್ಲೇ ಅತ್ಯಂತ ದುಬಾರಿ ತಂಡ ಎಂಬ ಖ್ಯಾತಿಗೂ ಪಾತ್ರವಾಗಿತ್ತು.

ಮತ್ತೊಂದು ತಂಡ ಅಹ್ಮದಾಬಾದ್​ ಫ್ರಾಂಚೈಸಿಯನ್ನು ಸಿವಿಸಿ ಕ್ಯಾಪಿಟಲ್ಸ್​ ಪಾರ್ಟ್ನರ್ಸ್​ ಎಂಬ ಖಾಸಗಿ ಇಕ್ವಿಟಿ ಕಂಪನಿ 5625 ಕೋಟಿ ರೂ. ನೀಡಿ ಖರೀದಿಸಿತ್ತು.

ಕಳೆದ ವಾರವಷ್ಟೆ ಲಖನೌ ಫ್ರಾಂಚೈಸಿ ಕನ್ನಡಿಗ ಕೆ ಎಲ್​ ರಾಹುಲ್​ ಅವರನ್ನು ದಾಖಲೆಯ 17 ಕೋಟಿ ರೂ. ನೀಡಿ ಡ್ರಾಫ್ಟ್​ ಮಾಡಿಕೊಂಡಿದ್ದ ಫ್ರಾಂಚೈಸಿ ಅವರನ್ನೇ ನಾಯಕನನ್ನಾಗಿ ನೇಮಿಸಿತ್ತು. ಇವರ ಜೊತೆಗೆ ಆಸ್ಟ್ರೇಲಿಯಾದ ಆಲ್​ರೌಂಡರ್​ ಮಾರ್ಕಸ್​ ಸ್ಟೋಯ್ನಿಸ್​ ಮತ್ತು ಯುವ ಸ್ಪಿನ್ನರ್​ ರವಿ ಬಿಷ್ಣೋಯ್​ ಅವರನ್ನು ಕ್ರಮವಾಗಿ 9.5 ಮತ್ತು 4 ಕೋಟಿ ರೂ.ಗಳಿಗೆ ರಿಟೈನ್ ಮಾಡಿಕೊಂಡಿತ್ತು.

ನಿಮ್ಮ ಸೂಕ್ತ ಸಂಗಾತಿ ಹುಡುಕುತ್ತಿರುವಿರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ ನೋಂದಣಿ ಉಚಿತ

ಇದೀಗ ಲಖನೌ ಸೂಪರ್​ ಜೈಂಟ್ಸ್​ ಎಂದು ತಂಡದ ಹೆಸರನ್ನು ಬಹಿರಂಗಪಡಿಸಿದೆ. 2016 ಮತ್ತು 17ರಲ್ಲಿ ಇದೇ ಸಂಸ್ಥೆ ಪುಣೆ ತಂಡವನ್ನು ಖರೀದಿಸಿ ಅದಕ್ಕೆ ಪುಣೆ ಸೂಪರ್​ ಜೇಂಟ್ಸ್ ಎಂದು ನಾಮಕರಣ ಮಾಡಿತ್ತು. ಇದೀಗ ಮತ್ತೆ ಅದೇ ಹೆಸರನ್ನು ತಮ್ಮ ನೂತನ ತಂಡಕ್ಕೂ ಮುಂದುವರಿಸಿದೆ.

ಟ್ವಿಟರ್​ಗೆ ಪ್ರವೇಶ ಮಾಡಿದ್ದ ದಿನದಿಂದ ಲಖನೌ ನಾಮ್​ ಬನೋವ್​ ನಾಮ್ ಕಮಾವ್​ ಎಂಬ ಅಭಿಮಾಯನದಡಿ ಅಭಿಮಾನಿಗಳಿಗೆ ತಂಡಕ್ಕೆ ಹೆಸರನ್ನು ಸೂಚಿಸಲು ಕೋರಿಕೊಂಡಿದ್ದರು. ಇದಕ್ಕೆ ಲಕ್ಷಾಂತರ ಅಭಿಮಾನಿಗಳು ಸಾಕಷ್ಟು ಹೆಸರನ್ನು ನೀಡಿದ್ದರು. ಆದರೆ, ಫ್ರಾಂಚೈಸಿ ತಮ್ಮ ಹಳೆಯ ಹೆಸರನ್ನೇ ಆಯ್ಕೆ ಮಾಡಿಕೊಂಡಿದೆ.

ಇದನ್ನೂ ಓದಿ:2ನೇ ಬಾರಿ ವರ್ಷದ ಮಹಿಳಾ ಕ್ರಿಕೆಟರ್​ ಪ್ರಶಸ್ತಿ ಪಡೆದ ಮಂಧಾನ.. ಈ ವರ್ಷ ಏಕೈಕ ಭಾರತೀಯೆ