ಸೂರತ್​ನಲ್ಲಿ ತರಬೇತಿ ಆರಂಭಿಸಿದ ಚಾಂಪಿಯನ್ ಚೆನ್ನೈ ಸೂಪರ್ ಕಿಂಗ್ಸ್​

ಚೆನ್ನೈ ಸೂಪರ್ ಕಿಂಗ್ಸ್ (ಸಿಎಸ್‌ಕೆ) ಸೋಮವಾರ ಹಂಚಿಕೊಂಡಿರುವ ವಿಡಿಯೋದಲ್ಲಿ ಸಿಎಸ್‌ಕೆ ಆಟಗಾರರ ನೋಡಲು ನೂರಾರು ಅಭಿಮಾನಿಗಳು ಬೀದಿಗಳಲ್ಲಿ ಸರತಿ ಸಾಲಿನಲ್ಲಿ ನಿಂತಿರುವುದು, ಧೋನಿ ಇತರೆ ಆಟಗಾರರೊಂದಿಗೆ ಮೈದಾನಕ್ಕೆ ಹೋಗುತ್ತಿರುವುದು ಕಾಣಬಹುದು.

ನವದೆಹಲಿ: ಹಾಲಿ ಚಾಂಪಿಯನ್​ ಚೆನ್ನೈ ಸೂಪರ್ ಕಿಂಗ್ಸ್​ 2022ರ ಐಪಿಎಲ್​ಗೂ ಮುನ್ನ ಸೂರತ್​ನ ಲಾಲಭಾಯ್​ ಕಾಂಟ್ರ್ಯಾಕ್ಟರ್​ ಸ್ಟೇಡಿಯಂನಲ್ಲಿ ತರಬೇತಿ ಆರಂಭಿಸಿದೆ.

ಚೆನ್ನೈ ಸೂಪರ್ ಕಿಂಗ್ಸ್ (ಸಿಎಸ್‌ಕೆ) ಸೋಮವಾರ ಹಂಚಿಕೊಂಡಿರುವ ವಿಡಿಯೋದಲ್ಲಿ, ಸಿಎಸ್‌ಕೆ ಆಟಗಾರರ ನೋಡಲು ನೂರಾರು ಅಭಿಮಾನಿಗಳು ಬೀದಿಗಳಲ್ಲಿ ಸರತಿ ಸಾಲಿನಲ್ಲಿ ನಿಂತಿರುವುದು, ಧೋನಿ ಇತರೆ ಆಟಗಾರರೊಂದಿಗೆ ಮೈದಾನಕ್ಕೆ ಹೋಗುತ್ತಿರುವುದು ಕಾಣಬಹುದು.

"ನಾವೂ ಎಲ್ಲೇ ಹೋದರೂ ಪ್ರೀತಿಯಿಂದ ನಗುವ ಈ ಕಣ್ಣುಗಳು ನಮಗೆ ಸಂತೋಷವನ್ನುಂಟು ಮಾಡುತ್ತವೆ" ಎಂದು ಸೂರತ್‌ನಲ್ಲಿ ಅಭಿಮಾನಿಗಳು ತಂಡವನ್ನು ಹುರಿದುಂಬಿಸುವ ವಿಡಿಯೋ ಸಿಎಸ್​ಕೆ ತನ್ನ ಅಧಿಕೃತ ಟ್ವಿಟರ್​ನಲ್ಲಿ ಬರೆದುಕೊಂಡಿದೆ.

ಇನ್ನು ಹಲವು ಟ್ವೀಟ್​ಗಳಲ್ಲಿ ಫ್ರಾಂಚೈಸಿ ಧೋನಿ, ಅಂಬಾಟಿ ರಾಯುಡು, ಕೆ.ಎಂ.ಆಸಿಫ್​ ಹಾಗೂ ಬೌಲಿಂಗ್ ಕೋಚ್​ ಲಕ್ಷ್ಮೀಪತಿ ಬಾಲಾಜಿ ತರಬೇತಿ ಸೆಷನ್​ನಲ್ಲಿರುವ ಫೋಟೊವನ್ನು ಹಂಚಿಕೊಂಡಿದೆ.

ಮಾರ್ಚ್​ 26ರಂದು ಚೆನ್ನೈ ಸೂಪರ್ ಕಿಂಗ್ಸ್​ 2022ರ ಐಪಿಎಲ್ ಉದ್ಘಾಟನಾ ಪಂದ್ಯದಲ್ಲಿ ಕೋಲ್ಕತ್ತಾ ನೈಟ್​ ರೈಡರ್ಸ್ ಎದುರು ಕಣಕ್ಕಿಳಿಯಲಿದೆ.

ಇದನ್ನೂ ಓದಿ:ಪಾಕ್ ಕ್ರಿಕೆಟ್ ತಂಡದ ನಾಯಕಿ ಬಿಸ್ಮಾ ಮರೂಫ್ ಮಹಿಳಾ ಕ್ರಿಕೆಟಿಗರಿಗೆ ಸ್ಫೂರ್ತಿ: ಸ್ಮೃತಿ ಮಂಧಾನ