ರೋಹಿತ್​ ಅರ್ಧಶತಕದ ಬಲ: ಪಂಜಾಬ್​ ಗೆಲುವಿಗೆ 132ರನ್​ಗಳ​ ಟಾರ್ಗೆಟ್​ ನೀಡಿದ ಮುಂಬೈ!

ಚೆನ್ನೈ ಮೈದಾನದಲ್ಲಿ ನಡೆದ ಪಂದ್ಯದಲ್ಲಿ ಮುಂಬೈ ಇಂಡಿಯನ್ಸ್ ಪಂಜಾಬ್​ ಗೆಲುವಿಗೆ ಸಾಧಾರಣ ರನ್​ ಟಾರ್ಗೆಟ್​ ನೀಡಿದೆ.

ಚೆನ್ನೈ:ಇಲ್ಲಿನ ಚಿದಂಬರಂ ಮೈದಾನದಲ್ಲಿ ನಡೆದ 17ನೇ ಐಪಿಎಲ್​ ಪಂದ್ಯದಲ್ಲಿ ಕಿಂಗ್ಸ್​ ಪಂಜಾಬ್ ಗೆಲುವಿಗೆ ಮುಂಬೈ ಇಂಡಿಯನ್ಸ್​​ 132ರನ್​ಗಳ ಗೆಲುವಿನ ಟಾರ್ಗೆಟ್​ ನೀಡಿದೆ.

ಟಾಸ್​ ಸೋತು ಮೊದಲು ಬ್ಯಾಟಿಂಗ್​​ ನಡೆಸಿದ ಮುಂಬೈ ಇಂಡಿಯನ್ಸ್​ ಆರಂಭದಲ್ಲೇ ಕ್ವಿಂಟನ್​ ಡಿಕಾಕ್(3)​ ವಿಕೆಟ್​ ಕಳೆದುಕೊಂಡಿತು. ಇದರ ಬೆನ್ನಲ್ಲೇ ಬಂದ ಕಿಶನ್ ಕೂಡ 17 ಎಸೆತಗಳಲ್ಲಿ ಕೇವಲ (6)ರನ್​ಗಳಿಗೆ ವಿಕೆಟ್ ನೀಡಿ ಮತ್ತೊಮ್ಮೆ ನಿರಾಸೆ ಮೂಡಿಸಿದರು. ಹೀಗಾಗಿ ತಂಡ 26ರನ್​ಗಳಿಸುವಷ್ಟರಲ್ಲಿ 2ವಿಕೆಟ್​ ಕಳೆದುಕೊಂಡು ಸಂಕಷ್ಟಕ್ಕೊಳಗಾಯಿತು. ಈ ವೇಳೆ ಒಂದಾದ ಕ್ಯಾಪ್ಟನ್​ ರೋಹಿತ್​​- ಸೂರ್ಯಕುಮಾರ್ ಯಾದವ್​ ತಂಡಕ್ಕೆ ಚೇತರಿಕೆ ನೀಡಿದರು. ಈ ಜೋಡಿ 80 ರನ್​ಗಳ ಜೊತೆಯಾಟ ನೀಡಿತು. 33ರನ್​ಗಳಿಕೆ ಮಾಡಿದ್ದ ವೇಳೆ ಯಾದವ್​​ ಬಿಷ್ಣೋಯ್​ ಓವರ್​ನಲ್ಲಿ ವಿಕೆಟ್​ ಒಪ್ಪಿಸಿದರು.

ಇದಾದ ಬಳಿಕ ಬಂದ ಹಾರ್ದಿಕ್​(1), ಕೃನಾಲ್​(2) ವೈಫಲ್ಯ ಅನುಭವಿಸಿದರು. ಆದರೆ ಕ್ಯಾಪ್ಟನ್​ ರೋಹಿತ್​​ (63) ರನ್​ಗಳಿಸಿ ವಿಕೆಟ್ ಒಪ್ಪಿಸಿದರು. ಅಜೇಯರಾಗಿ ಉಳಿದ ಪೋಲಾರ್ಡ್​(16)ರನ್​ಗಳಿಕೆ ಮಾಡಿದರು. ಕೊನೆಯದಾಗಿ ತಂಡ 20 ಓವರ್​ಗಳಲ್ಲಿ 6ವಿಕೆಟ್ ಕಳೆದುಕೊಂಡು 131ರನ್​ಗಳಿಕೆ ಮಾಡಲು ಶಕ್ತವಾಯಿತು.

ಪಂಜಾಬ್​ ತಂಡದ ಪರ ಮೊಹಮ್ಮದ್ ಶಮಿ, ಬಿಷ್ಣೋಯ್​ ತಲಾ 2ವಿಕೆಟ್​ ಪಡೆದುಕೊಂಡರೆ, ದೀಪಕ್​ ಹುಡಾ ಹಾಗೂ ಅರ್ಷದೀಪ್​ ಸಿಂಗ್​ ತಲಾ 1 ವಿಕೆಟ್​ ಪಡೆದುಕೊಂಡರು.