ಮೊಹಾಲಿ: ಇಂಡಿಯನ್ ಪ್ರೀಮಿಯರ್ ಲೀಗ್ನ ಡೆಲ್ಲಿ ಕ್ಯಾಪಿಟಲ್ ವಿರುದ್ಧದ ಪಂದ್ಯದಲ್ಲಿ ಪಂಜಾಬ್ 14ರನ್ಗಳ ಭರ್ಜರಿ ಗೆಲುವು ದಾಖಲು ಮಾಡಿದೆ. ಅಶ್ವಿನ್ ಪಡೆಯ ಬೌಲಿಂಗ್ ದಾಳಿಗೆ ದಿಢೀರ್ ಕುಸಿತ ಕಂಡ ಶ್ರೇಯಸ್ ಅಯ್ಯರ್ ಪಡೆ ಸೋತು ನಿರಾಸೆಗೊಳಗಾಗಿದೆ.
ಟಾಸ್ ಸೋತು ಮೊದಲು ಬ್ಯಾಟಿಂಗ್ ನಡೆಸಿದ ಪಂಜಾಬ್ ತಂಡ ಗೇಲ್ ಅಲಭ್ಯ ನಡುವೆ ಕೂಡ 20 ಓವರ್ಗಳಲ್ಲಿ 8 ವಿಕೆಟ್ನಷ್ಟಕ್ಕೆ 166ರನ್ ಗಳಿಕೆ ಮಾಡಿತು. ತಂಡದ ಪರ ಸರ್ಫರಾಜ್(39), ಮಿಲ್ಲರ್(43)ರನ್ ಗಳಿಸಿದರು.
ಗುರಿ ಬೆನ್ನತ್ತಿದ್ದ ಪಂಜಾಬ್ ತಂಡ, ಅಶ್ವಿನ್ ಎಸೆದ ಮೊದಲ ಓವರ್ನ ಫಸ್ಟ್ ಎಸೆತದಲ್ಲೇ ಪೃಥ್ವಿ ವಿಕೆಟ್ ಕಳೆದುಕೊಂಡಿತು. ಇದಾದ ಬಳಿಕ ಒಂದಾದ ಧವನ್ ಕ್ಯಾಪ್ಟನ್ ಅಯ್ಯರ್ ಜೋಡಿ ತಂಡಕ್ಕೆ ಉತ್ತಮ ಬುನಾದಿ ಹಾಕಿದರು. ಧವನ್(30), ಶ್ರೇಯಸ್ (28)ರನ್ ಗಳಿಸಿದರು.
ಅಯ್ಯರ್ ವಿಕೆಟ್ ಬೀಳುತ್ತಿದ್ದಂತೆ ಕಣಕ್ಕಿಳಿದ ಪಂತ್ ಕೂಡ ಉತ್ತಮವಾಗಿ ಆಡಿದರು. 39 ರನ್ ಗಳಿಸಿದ್ದ ವೇಳೆ ಶಮಿ ಓವರ್ನಲ್ಲಿ ಸಿಕ್ಸರ್ ಸಿಡಿಸುವ ಅವಸರದಲ್ಲಿ ಕ್ಲೀನ್ ಬೊಲ್ಡ್ ಆದರು. ಇದೇ ವೇಳೆ ಇನ್ಗ್ರಾಮ್(38)ಕೂಡ ಕರ್ರನ್ ಓವರ್ನಲ್ಲಿ ವಿಕೆಟ್ ಒಪ್ಪಿಸುತ್ತಿದ್ದಂತೆ ತಂಡ ಅಘಾತಕ್ಕೊಳಗಾಯಿತು.
ಬಳಿಕ ಬಂದ ಯಾವೊಬ್ಬ ಬ್ಯಾಟ್ಸ್ಮನ್ ಕೂಡ ಪಂಜಾಬ್ ಬೌಲರ್ಗಳನ್ನ ಎದುರಿಸಲು ಸಾಧ್ಯವಾಗಲಿಲ್ಲ. ಮೊರಿಸ್(0), ಹನುಮ ವಿಹಾರಿ(2), ಪಟೇಲ್(0), ರಬಾಡಾ(0), ಸಂದೀಪ್(0)ರನ್ಗಳಿಸಿ ವಿಕೆಟ್ ಒಪ್ಪಿಸಿದರು. ಕೊನೆಯದಾಗಿ 9.2 ಓವರ್ಗಳಲ್ಲಿ ತನ್ನೆಲ್ಲ ವಿಕೆಟ್ ಕಳೆದುಕೊಂಡು 152ರನ್ ಮಾತ್ರ ಪೇರಿಸಿ, 14 ರನ್ಗಳ ಸೋಲನುಭವಿಸುವಂತಾಯಿತು.
ಸುಲಭವಾಗಿ ಗೆಲುವಿನ ನಿರೀಕ್ಷೆಯಲ್ಲಿದ್ದ ಡೆಲ್ಲಿ ತಂಡಕ್ಕೆ ಸ್ಯಾಮ್ ಕರ್ರನ್ ಮಾರಕವಾದರು. 2.2 ಓವರ್ನಲ್ಲಿ 11ರನ್ ನೀಡಿ ಹ್ಯಾಟ್ರಿಕ್ ಸೇರಿ ಪ್ರಮುಖ ನಾಲ್ಕು ವಿಕೆಟ್ ಪಡೆದು ಸ್ಯಾಮ್ ಮಿಂಚಿದರು. ವಿಶೇಷವೆಂದರೆ ಡೆಲ್ಲಿ ಕೊನೆಯ 17 ಎಸೆತಗಳಲ್ಲಿ 8ರನ್ ಗಳಿಸಿ ಪ್ರಮುಖ ಏಳು ವಿಕೆಟ್ ಕಳೆದುಕೊಂಡಿತು.
