ಕೋಲ್ಕತ್ತಾ: ಭಾನುವಾರ ಸನ್ರೈಸರ್ಸ್ ವಿರುದ್ಧ ನಡೆದ ಪಂದ್ಯದಲ್ಲಿ ಗೆಲುವು ಸಾಧಿಸಿದ ಬಳಿಕ ಭರ್ಜರಿ ಬ್ಯಾಟಿಂಗ್ ಪ್ರದರ್ಶಿಸಿದ ರಸೆಲ್ ಕೆಕೆಆರ್ ಅಭಿಮಾನಿಗಳ ಅಭಿಮಾನ ನೋಡಿ ಅಳು ಬರುತ್ತಿದೆ ಎಂದು ತಮ್ಮೊಂದಿಗೆ ಹೇಳಿಕೊಂಡಿದ್ದರೆಂಬ ಮಾಹಿತಿಯನ್ನು ಶಾರುಖ್ ಖಾನ್ ತಿಳಿಸಿದ್ದಾರೆ.
ನಿನ್ನೆಯ ಪಂದ್ಯದಲ್ಲಿ ಕೇವಲ 19 ಎಸೆತಗಳಲ್ಲಿ 49 ರನ್ಗಳಿಸಿ ಕೆಕೆಆರ್ಗೆ ಭರ್ಜರಿ ಗೆಲುವು ತಂದುಕೊಟ್ಟಿದ್ದರು. ಇವರ ಜೊತೆಗೆ ಯುವ ಆಟಗಾರ ಗಿಲ್ ಕೊನೆಯ ಓವರ್ನಲ್ಲಿ 2 ಭರ್ಜರಿ ಸಿಕ್ಸರ್ ಸಿಡಿಸಿ ಗೆಲುವಿನಲ್ಲಿ ಪ್ರಮುಖ ಪಾತ್ರವಹಿಸಿದ್ದರು. ಪಂದ್ಯ ಗೆಲುವಿನ ಬಳಿಕ ರಸೆಲ್ ತಮ್ಮ ಬಳಿ ಬಂದು ಇಲ್ಲಿನ ಅಭಿಮಾನಿಗಳು ನಮ್ಮ ತಂಡವನ್ನು ಬೆಂಬಲಿಸಿದನ್ನು ಕಂಡು ತಮಗೆ ಅಳಬೇಕೆನಿಸುತ್ತಿದೆ ಎಂದಿದ್ದರು ಎಂಬ ಮಾಹಿತಿಯನ್ನು ಸ್ವತಃ ಶಾರುಖ್ ತಮ್ಮ ಟ್ಟ್ವಿಟರ್ ಮೂಲಕ ತಿಳಿಸಿದ್ದಾರೆ.