ನವದೆಹಲಿ :ಮುಂಬರುವ ಟಿ -20 ವಿಶ್ವಕಪ್ ಟೂರ್ನಿಗಾಗಿ ಭಾರತ ಕ್ರಿಕೆಟ್ ತಂಡ ಪ್ರಕಟವಾಗಿದೆ. ಟಿ-20ಗಾಗಿ ಸ್ಪಿನ್ನರ್ ಆರ್ ಅಶ್ವಿನ್ ಅವರನ್ನ ಆಯ್ಕೆ ಸಮಿತಿ ಪುನಃ ಆರಿಸಿದೆ. ಈ ಹಿನ್ನೆಲೆ ಆರ್ ಅಶ್ವಿನ್ ಅವರು ತಮ್ಮ ಆಯ್ಕೆ ಕುರಿತು ಸಂತಸ ಹಂಚಿಕೊಂಡಿದ್ದಾರೆ.
ಆರ್ ಅಶ್ವಿನ್ ತಮ್ಮ ಮನೆಯ ಗೋಡೆಯ ಮೇಲೆ ಬರೆದಿರುವ ಸಾಲುಗಳನ್ನು ಇದೀಗ ಟ್ವಿಟರ್ನಲ್ಲಿ ಹಂಚಿಕೊಂಡಿದ್ದಾರೆ. ಮಿಲಿಯನ್ನಷ್ಟು ಬಾರಿ ನನ್ನ ಡೈರಿಯಲ್ಲಿ ಈ ಸಾಲನ್ನು ಬರೆದಿಟ್ಟ ಮೇಲೆ 2017ರಲ್ಲಿ ಈ ಸಾಲನ್ನು ಗೋಡೆಯ ಮೇಲೆ ಬರೆದಿದ್ದೆ. ನಾವು ಓದುವ ಮತ್ತು ಇಷ್ಟಪಡುವ ಸಾಲುಗಳು ನಮ್ಮ ಜೀವನದಲ್ಲೂ ಅಳವಡಿಸಿಕೊಂಡಾಗ ಅವು ಇನ್ನಷ್ಟು ಬಲವಾಗಿ ಗೋಚರವಾಗುತ್ತವೆ ಎಂದಿದ್ದಾರೆ.
ಅವರು ತಮ್ಮ ಮನೆಯ ಗೋಡೆಯಲ್ಲಿ ‘ಪ್ರತಿಯೊಂದು ಸುರಂಗವು ಅದರ ಕೊನೆಯಲ್ಲಿ ಬೆಳಕನ್ನು ಹೊಂದಿರುತ್ತದೆ. ಆದರೆ, ಆ ಬೆಳಕನ್ನು ನಂಬುವವರು ಮಾತ್ರ ಅದನ್ನು ನೋಡಲು ಬದುಕುತ್ತಾರೆ’ ಎಂದು ಬರೆದಿದ್ದಾರೆ.