ದುಬೈ: ದಕ್ಷಿಣ ಆಫ್ರಿಕಾದ ಮಾಜಿ ನಾಯಕ ಫಾಫ್ ಡು ಪ್ಲೆಸಿಸ್ ಮೈದಾನದಲ್ಲಿ ಫೀಲ್ಡಿಂಗ್ ವೇಳೆ ಮತ್ತೊಬ್ಬ ಆಟಗಾರನಿಗೆ ಡಿಕ್ಕಿ ಹೊಡೆದೆ ಪ್ರಜ್ಞಾಹೀನರಾಗಿದ್ದರು. ಇದೀಗ ಚೇತರಿಸಿಕೊಳ್ಳುತ್ತಿರುವ ಅವರು ಟೂರ್ನಿಯಿಂದ ಹೊರಬಿದ್ದಿದ್ದು, ತವರಿಗೆ ಮರಳಿದ್ದಾರೆ. ಭಾನುವಾರ ಕ್ವೆಟ್ಟಾ ಗ್ಲಾಡಿಯೇಟರ್ ತಂಡ ಪೇಶಾವರ ಜಲ್ಮಿ ತಂಡದ ವಿರುದ್ಧ ಆಡುವ ವೇಳೆ ಈ ಘಟನೆ ನಡೆದಿತ್ತು.
ಚೆಂಡನ್ನು ಹಿಡಿಯುವ ಯತ್ನದಲ್ಲಿ ವೇಗವಾಗಿ ಓಡಿ ಡೈವ್ ಮೂಲಕ ತಡೆಯಲು ಪ್ರಯತ್ನಿಸಿದಾಗ ಪ್ಲೆಸಿಸ್ ತಲೆಗೆ ಮತ್ತೊಂದು ಕಡೆಯಿಂದ ಓಡಿಬಂದ ಮೊಹಮ್ಮದ್ ಹಸ್ನೈನ್ ಅವರ ಮಂಡಿ ಬಡಿದಿದ್ದರಿಂದ ದಕ್ಷಿಣ ಆಫ್ರಿಕಾದ ಆಟಗಾರ ಮೈದಾನದಲ್ಲೇ ಕುಸಿದು ಬಿದ್ದಿದ್ದರು. ತಕ್ಷಣ ಅವರನ್ನು ಆಸ್ಪತ್ರೆಗೆ ಸಾಗಿಸಲಾಗಿತ್ತು.