ಇಂಡೋ- ಪಾಕ್ ಕದನಕ್ಕೆ ಕ್ಷಣಗಣನೆ: ಹಿಂದಿನ 5 ದಿಗ್ವಿಜಯಗಳ ಅಂಕಿ- ಅಂಶ ಇಲ್ಲಿದೆ ನೋಡಿ

ಎರಡೂ ರಾಷ್ಟ್ರಗಳ ದ್ವಿಪಕ್ಷೀಯ ಸರಣಿಗಳಲ್ಲಿ ಭಾರತ ಪಾಕ್ ವಿರುದ್ಧ ಹಿನ್ನಡೆ ಅನುಭವಿಸಿದೆ. ಆದರೆ ವಿಶ್ವಕಪ್​ ಎಂದಾಕ್ಷಣ ಪಾಕಿಸ್ತಾನ ಹಲ್ಲಿಲ್ಲದ ಹಾವಾನಂತಾಗುತ್ತದೆ. ಇದಕ್ಕೆ ಸಾಕ್ಷಿಯೆಂದರೆ ಏಕದಿನ ವಿಶ್ವಕಪ್​​ಗಳಲ್ಲಿ 7 ಬಾರಿ ಮತ್ತು ಟಿ-20 ವಿಶ್ವಕಪ್​ಗಳಲ್ಲಿ 5 ಬಾರಿ ಮೂಖಾಮುಖಿಯಾಗಿದ್ದರೂ, ಪಾಕಿಸ್ತಾನ ಭಾರತವನ್ನು ಮಣಿಸಲು ಸಾಧ್ಯವಾಗಿಲ್ಲ. ಸಾಂಪ್ರಾದಾಯಿಕ ಎದುರಾಳಿಗಳ ಹಿಂದಿನ ಮುಖಾಮುಖಿಯ ಒಂದು ಸಂಕ್ಷಿಪ್ತ ನೋಟ ಇಲ್ಲಿದೆ.

ಮುಂಬೈ: ಸಾಂಪ್ರಾದಾಯಿಕ ಎದುರಾಳಿಗಳಾದ ಭಾರತ ಮತ್ತು ಪಾಕಿಸ್ತಾನ ನಡುವಿನ ಜಿದ್ದಾಜಿದ್ದಿನ ಪಂದ್ಯಕ್ಕೆ ಕ್ರಿಕೆಟ್​​ ಜಗತ್ತು ಕೂತೂಹಲದಿಂದ ಎದುರು ನೋಡುತ್ತಿದೆ. ಇಂದಿನಿಂದ ವಿಶ್ವಕಪ್ ಸೂಪರ್ 12 ಆರಂಭವಾಗಲಿದ್ದು, ನಾಳೆ ಪ್ರಸ್ತುತ ಭಾರತ ಮತ್ತು ಪಾಕ್​ ಮುಖಾಮುಖಿಯಾಗುತ್ತಿವೆ. ಈ ಹಿಂದಿನ ವಿಶ್ವಕಪ್ ಹಣಾಹಣಿಯಲ್ಲಿ ಭಾರತ ತಂಡ ಪಾಕಿಸ್ತಾನವನ್ನು 5-0ಯಲ್ಲಿ ಬಗ್ಗು ಬಡಿದು ಮುನ್ನಡೆ ಸಾಧಿಸಿದೆ. ಇದೀಗ ಈ ವರ್ಷ ಎರಡೂ ತಂಡಗಳು ತಮ್ಮ ಮೊದಲ ಪಂದ್ಯದಲ್ಲೇ ಮುಖಾಮುಖಿಯಾಗುತ್ತಿರುವುದು ಟೂರ್ನಿಗೆ ಮತ್ತಷ್ಟು ರೋಚಕತೆ ಒದಗಿಸಿದೆ.

ಎರಡೂ ರಾಷ್ಟ್ರಗಳ ದ್ವಿಪಕ್ಷೀಯ ಸರಣಿಗಳಲ್ಲಿ ಭಾರತವು ಪಾಕ್ ವಿರುದ್ಧ ಹಿನ್ನಡೆ ಅನುಭವಿಸಿದೆ. ಆದರೆ ವಿಶ್ವಕಪ್​ ಎಂದಾಕ್ಷಣ ಪಾಕಿಸ್ತಾನ ಹಲ್ಲಿಲ್ಲದ ಹಾವಿನಂತಾಗುತ್ತದೆ. ಇದಕ್ಕೆ ಸಾಕ್ಷಿಯೆಂದರೆ ಏಕದಿನ ವಿಶ್ವಕಪ್​​ಗಳಲ್ಲಿ 7 ಬಾರಿ ಮತ್ತು ಟಿ-20 ವಿಶ್ವಕಪ್​ಗಳಲ್ಲಿ 5 ಬಾರಿ ಮುಖಾಮುಖಿಯಾಗಿದ್ದರೂ, ಪಾಕಿಸ್ತಾನ ಭಾರತವನ್ನು ಮಣಿಸಲು ಸಾಧ್ಯವಾಗಿಲ್ಲ. ಸಾಂಪ್ರದಾಯಿಕ ಎದುರಾಳಿಗಳ ಹಿಂದಿನ ಮುಖಾಮುಖಿಯ ಒಂದು ಸಂಕ್ಷಿಪ್ತ ನೋಟ ಇಲ್ಲಿದೆ..

2007 ಸೆಪ್ಟೆಂಬರ್ 14

ಭಾರತ ಮತ್ತು ಪಾಕಿಸ್ತಾನ ತಂಡಗಳು 2007ರ ಟಿ20 ವಿಶ್ವಕಪ್​ನಲ್ಲಿ ಒಂದೇ ಗುಂಪಿನಲ್ಲಿ ಸ್ಥಾನ ಪಡೆದಿದ್ದವು. ಲೀಗ್​ ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್ ಮಾಡಿದ್ದ ಭಾರತ 141 ರನ್ ​ಗಳಿಸಿತ್ತು. ಚೇಸ್ ಮಾಡಿದ್ದ ಪಾಕಿಸ್ತಾನ ಕೂಡ 141 ರನ್ ​ಗಳಿಸಿದ್ದರಿಂದ ಫಲಿತಾಂಶಕ್ಕಾಗಿ ಬೌಲ್​ಔಟ್​ ಮೊರೆ ಹೋಗಲಾಗಿತ್ತು. ಅದರಲ್ಲಿ ಭಾರತ 3-0ಯಲ್ಲಿ ಗೆದ್ದು ಬೀಗಿತ್ತು. ಹರ್ಭಜನ್​, ಸೆಹ್ವಾಗ್ ಉತ್ತಪ್ಪ ಬೌಲ್ ಔಟ್​ನಲ್ಲಿ ಯಶಸ್ವಿಯಾಗಿದ್ದರು.

2007 ಸೆಪ್ಟೆಂಬರ್ 24

2007 ಚೊಚ್ಚಲ ವಿಶ್ವಕಪ್​ನಲ್ಲಿ ಭಾರತ ಮತ್ತು ಪಾಕಿಸ್ತಾನ ತಂಡಗಳೇ ಫೈನಲ್ ಪ್ರವೇಶಿಸಿದ್ದವು. ಮೊದಲು ಬ್ಯಾಟಿಂಗ್ ಮಾಡಿದ್ದ ಮಹೇಂದ್ರ ಸಿಂಗ್ ಧೋನಿ ನೇತೃತ್ವದ ಭಾರತ ತಂಡ 158 ರನ್​ಗಳ ಟಾರ್ಗೆಟ್ ನೀಡಿ ಪಾಕಿಸ್ತಾನವನ್ನು 152 ರನ್​ಗಳಿಗೆ ಆಲೌಟ್ ಮಾಡುವ ಮೂಲಕ 5 ರನ್​ಗಳಿಂದ ಗೆದ್ದು ಬೀಗಿತ್ತು. ಅಲ್ಲದೇ ಜೋಹಾನ್ಸ್​ಬರ್ಗ್​​ನಲ್ಲಿ ಚೊಚ್ಚಲ ಟಿ-20 ವಿಶ್ವಕಪ್​ ಎತ್ತಿ ಹಿಡಿಯುವಲ್ಲಿ ಯಶಸ್ವಿಯಾಗಿತ್ತು.

2012 ಸೆಪ್ಟೆಂಬರ್ 30

ಮೊದಲ ವಿಶ್ವಕಪ್​ ಬಳಿಕ 2012ರಲ್ಲಿ ಮತ್ತೆ 3ನೇ ಬಾರಿ ಭಾರತ ಮತ್ತು ಪಾಕಿಸ್ತಾನ ತಂಡಗಳು ಮುಖಾಮುಖಿಯಾಗಿದ್ದವು. ಈ ಬಾರಿ ಮೊದಲು ಬ್ಯಾಟಿಂಗ್ ಮಾಡಿದ್ದ ಪಾಕಿಸ್ತಾನ ಕೇವಲ 129 ರನ್​ಗಳಿಸಿತ್ತು. ಸೂಪರ್ 8 ಕದನದಲ್ಲಿ ಭಾರತ 8 ವಿಕೆಟ್​ಗಳ ಭರ್ಜರಿ ಜಯ ಸಾಧಿಸಿತ್ತು. ವಿರಾಟ್​ ಕೊಹ್ಲಿ ಅಜೇಯ 78 ರನ್​ಗಳಿಸಿ ಇನ್ನು 3 ಓವರ್​ಗಳಿರುವಂತೆ ಭಾರತಕ್ಕೆ 8 ವಿಕೆಟ್​ಗಳ ಗೆಲುವು ತಂದುಕೊಟ್ಟಿದ್ದರು.

2014 ಮಾರ್ಚ್​ 21

ಬಾಂಗ್ಲಾದೇಶದಲ್ಲಿ ನಡೆದಿದ್ದ 2014ರ ವಿಶ್ವಕಪ್​​ನಲ್ಲಿ 4ನೇ ಬಾರಿ ಮುಖಾಮುಖಿಯಾಗಿದ್ದ ಲೀಗ್​ ಪಂದ್ಯದಲ್ಲಿ ಭಾರತ ತಂಡ 7 ವಿಕೆಟ್​ಗಳ ಭರ್ಜರಿ ಜಯ ಸಾಧಿಸಿತ್ತು. ಪಾಕಿಸ್ತಾನ ನೀಡಿದ್ದ 131 ರನ್​ಗಳ ಗುರಿಯನ್ನು ಭಾರತ 3 ವಿಕೆಟ್ ಕಳೆದುಕೊಂಡು ಇನ್ನೂ 9 ಎಸೆತಗಳಿರುವಂತೆ ಗೆಲುವು ಸಾಧಿಸಿತ್ತು.

2016, ಮಾರ್ಚ್​ 19

ಭಾರತದಲ್ಲೇ ನಡೆದಿದ್ದ ಕಳೆದ ವಿಶ್ವಕಪ್​ನಲ್ಲಿ ಮಹೇಂದ್ರ ಧೋನಿ ಬಳಗ 6 ವಿಕೆಟ್​ಗಳ ಜಯ ಸಾಧಿಸಿತ್ತು. ಮೊದಲು ಬ್ಯಾಟಿಂಗ್ ಮಾಡಿದ್ದ ಪಾಕ್​ 18 ಓವರ್​ಗಳ ಪಂದ್ಯದಲ್ಲಿ 118 ರನ್​ಗಳಿಸಿತ್ತು. ಈ ಮೊತ್ತವನ್ನು ಭಾರತ15.5 ಓವರ್​ಗಳಲ್ಲಿ 4 ವಿಕೆಟ್ ಕಳೆದುಕೊಂಡು ತಲುಪಿತ್ತು. ಕೊಹ್ಲಿ ಅಜೇಯ 55 ರನ್​ಗಳಿಸಿ ಭಾರತಕ್ಕೆ ಗೆಲುವು ತಂದುಕೊಟ್ಟಿದ್ದರು.

ಪಾಕಿಸ್ತಾನ ಮತ್ತು ಭಾರತ ತಂಡಗಳು ಕೊನೆಯ ಬಾರಿಗೆ 2019ರ ಏಕದಿನ ವಿಶ್ವಕಪ್​ನಲ್ಲಿ ಮುಖಾಮುಖಿಯಾಗಿದ್ದವು. ಆ ಪಂದ್ಯದಲ್ಲಿ ಭಾರತ ರೋಹಿತ್ ಶರ್ಮಾ(140) ಶತಕ ಮತ್ತು ವಿರಾಟ್​ ಕೊಹ್ಲಿ(77) ಅರ್ಧಶತಕದ ನೆರವಿನಿಂದ 336 ರನ್​ಗಳಿಸಿತ್ತು.

ಆದರೆ, ಮಳೆಯಿಂದ 302ರನ್​ಗಳ ಗುರಿ ನೀಡಿತ್ತು. ಆದರೆ ಈ ಮೊತ್ತವನ್ನು ಬೆನ್ನಟ್ಟಿದ ಪಾಕಿಸ್ತಾನ 212 ರನ್​ಗಳನ್ನಷ್ಟೇ ಗಳಿಸಲಷ್ಟೆ ಶಕ್ತವಾಗಿ 89 ರನ್​ಗಳ ಸೋಲು ಕಂಡಿತ್ತು. ಇದೀಗ 2 ವರ್ಷಗಳ ಎರಡೂ ತಂಡಗಳು ಮತ್ತೆ ಮುಖಾಮುಖಿಯಾಗುತ್ತಿದ್ದು, ಭಾರತ ತಂಡ ಮತ್ತೊಮ್ಮೆ ಪಾಕ್​ ಬಗ್ಗುಬಡಿದು ತನ್ನ ಗೆಲುವಿನ ಯಾತ್ರೆಯನ್ನು ಮುಂದುವರಿಸಲು ಎದುರು ನೋಡುತ್ತಿದೆ.

ಇದನ್ನು ಓದಿ:ಬುಮ್ರಾ ಬೆಸ್ಟ್ ಟಿ20 ಬೌಲರ್, ಆತನ ಜೊತೆ ಶಾಹೀನ್ ಅಫ್ರಿದಿ ಹೋಲಿಕೆ ಮೂರ್ಖತನ: ಅಮೀರ್​